PLAYER | yoonmin | (mizo)

43.Us

Jae Chang chuan ka hnunglam atanga min kuahin ka awm zawnah tak a kut khinghnih chu a dah a, ka nghawng sirlam pang te chu a rawn nul thuak thuak a.

"Engthil nge i tih a Jae Chang-ahh!!?". A kut chu paihthla sawkin rum takin Jae Chang chu ka melh a.

Jae Chang chu nui uar uarin sofa-ah chuan a letthla tual a. "I-i va han zeilo tak Yoongi-ahh!! T-tikhan i ti dawn alawm. T-tiang chuan e-engtin nge, engtin nge n-ngaihzawng pawh i-i neihtheih anga?".

Hmm!! Min lo fiam lek mai mai maw ni a?

"Engthu nge maw i sawi le?". Ngaihzawng ka mamawh kher em ni a?".

"Tiang reng reng chuan tumahin an duh tak tak ngai lo ang che Yoongi-ah, Jimin pawn".

A thusawi chuan amah chu min entir zawk a. "A-a ni chu va ngaizawng turin min ti tihna em ni?" Jae Chang-ah, ka rilru tur i hrethiam miah lo ani maw?".

"Ka hrethiam lutuk zawk Yoongi. A nihna takah chuan nangpawn rilru i pe tan tawh zawk ani". Huh! A thusawi chuan ka nuih a tiza ngei mai.

"Engtin nge chutiang chuan i sawi theih zawk a Jae Chang-ah? Jimin te chu chutiang lamhawi zawngin ka en hleinem, i hriat angin--".

"Nilo e Yoongi, ka sawi chu a dik alawm. I inhre lo emaw i inpawm duh lo mai mai zawk anih kha". Serious deuh zawkin Jae Chang chuan a rawn ti a.

"Ka inpawm duh lo amaw". Ka hriattham lek chuan ka phun sap a.

Jae Chang chuan Jimin chu mifel tak nia a hriat thu leh a rilru tina zawng a awm lo hram turin min hrilh a. Kei min hriatchian hle thu a sawi bawk a.

"Yoongi-ah, ka sawi kha hrereng ang che aw, a tirah hrethiam lo mah la, a hnuah thil awmzia i manchho zel mai ang". Jae Chang thusawi awmzia chu hre mah ila han bawhzui tak tak tumna ka nei lem lo.

"Ngatinge kei kher ka nih le?".

"Chutiang zawngin ngaihtuah suh Yoongi, tu thiamloh mah ani lo, nang emaw Jimin emaw pawh".

Jae Chang lam chu ka hawi vut a. "Anih ngatinge khatia min kuah kual tak chiam?".

"Ka zirtir che. Zirtirna anih kha".

"Khatiang zirtir ka mamawh lo Jae Chang".

"I inpawm hma pauh leh thil a awlsam dawn tih kha theihnghilh suh aw Yoongi".

"En teh Jae Chang, i thusawi tehsek hi ka hrethiam hauh lo ania, ka hriatthiam theih dan tur talin han sawichiang deuh teh!".

"Heizawng hi ka sawitheih awmchhun ani Yoongi-ah. Ngun takin i inngaihtuah dawn nia. Ka hawsan phawt ang che".

Jae Chang haw hnu chuan a thusawite chu ka ngaihtuah zui a, a thusawi te kha hrethiam lo tak tak ka ni lo. Ka tan chuan a harsa em ani.

Jae Chang khan keimah inhawng turin min hrilh a, ka theih loh thuin ka chhang a, mahse ka inhriatthiam loh vang mai mai ani tiin min ngaihthlaksak duh lo a, keichuan chutiang lam a awmin ka hre lo.

Lehlamah Jimin ka khawngaih ve tho bawk si.

Jimin hi hmu tawh lo in be tawh lo pawh ni ila sulhnu kan lo nei ve tawh tingtang a, ka rilru atanga nawhreh tawp chu a theih bik hauh lo ang. He ka theih lohna laitak hi ni Jae Chang khan Jimin hun pe chhin tura min tihna chu.

Chhuak tura ka insiam lai chuan khua a thim tawh a, Jimin te in ka thlen chuan tumah an lo awm lo a, Jimin hun hmandan tlangpui ka hriat ve tawh avangin an inbul maiah chuan ka lo nghak a.

Jimin's pov :

"Jimin-ah, khalo kha ko kha box dang ala awm em?", pastry lo thleng thar rack-a ka dahluh mawlh mawlh lai chuan hnathawk pakhat chuan a rawn ti a.