PLAYER | yoonmin | (mizo)

19.Secret

SUGA's pov :

"A va rei tawh emai Jimin chu han phone ve teh..", Jungkook chuan a ti a.
Ka phone chu phawrhin Jimin no. chu ka dial a. A ring a, mahse min chhang lo.

"A la thei lo".

Jungkook chu a rawn thaw hap a, "an inah va kal ang", tihleh kalsawn a rual a. Ngawi rengin keipawn ka zui a.

Reiloteah Jimin te in chu kan thleng a, mahse tumah an awm lo tih hriat takin pawnlam atangin a in lock a.

"Ehe khawnge!?", Jungkook chuan tiin Jimin chu a call pah a. Rawn chhanglettu an awmloh vang chuan a chek hlak a.

"Enge awmzia? Min kochhuak te te a, amah ber hmuh tur leh biak tur a awm silo", ka ti a.

Jungkook chu a ngawi reng a.

"An cafe ah va enthlithlai ila tha ang. Ilo kal ve dawn em?", min rawn en a.

"Pawi hleinem", tiin ka chhang a, kan inzui nghal a.

Cafe kan thlen chuan mi pawh lo la tam hle a, Jungkook chu cafe chhungah chuan a lut a, kei erawh chu pawnah ka lo ding a.

Rei vak loah chuan a rawn chhuak a, a hmel awmdanah Jimin ava hmulo tih ka hrethiam mai. Mahse ka lo zawt ta tho a.

"A awm lo mi?"

"Umm.. Khawnge a awm reng reng le, phone lah a chhang thei silo", a phone a bih a.

Call reng reng a chhan theih siloh avangin haw mai ka duh tawh a, Jungkook bulah chuan ka sawi a, a pawiloh thua min chhan hnu chuan ka kalsan ta a.

Author's pov :

Jungkook chuan Jimin a biak theihloh avangin a ngaih a tha tawh lo hle a, mahse Suga bulah chuan engmah a tilang duh lo thung. A rilruah chuan thil pakhat chu a hre kiau a, mahse midang hriattir a duhloh avangin engmah a sawichhuak lo ani.

Suga haw hnu chuan ani pawh a kalsawn a, kalna tur a ngaihtuahna a lo lut lam chu ding takin a pan a.

A kal tumna a va thlen chuan a lo inkalh thiap mai. Jimin boyfie apartment chu alo inkalh ani. Beidawng takin a thaw hak a, a phone bawk chu phawrh leh in Jimin bawk chu biak a tum leh a, mahse a hma ang tho ani.

Beidawng taka kalsawn a tumlai tak chuan a phone chu a rawn ri a, Jimin a ni! Rang takin a pick up nghal a. Mahse tumah an tawng lo. "Hello Jiminshi? Tawng i hre thei em? Min chhang teh?", ti chuan a au vak vak a. Mahse Jimin chu a reh hmak, chutah phone ah chuan thil ri bur hi Jungkook chuan a hria a, line a in-cut zui nghal. Ngaihtha lo deuh chuan Jungkook chu a hawikual a, Jimin nu leh pate chu hrilh mai tha in a hria a, mahse a han ngaihtuah chiang a, hnathawklai an ni sia, a rilru a va tihah mai mai dawnin a hre leh si a, a thulh leh ta a. Tichuan apartment kawngka bulah chuan thu in ami nghah pa lo let hun chu a nghak ta a.

Jimin's pov :

Ka kawr haklai boyfie'n a pawhthler hnu chuan a thil tum chu ka chiang ta khawp mai. Ti mai chuan ka tlawm thei lo, engemaw tal ka tih angai ani.

A kut chu ka theihtawpin manbeh ka tum a, a hnuailama awmzawk ka ni bawk nen duh angin tan ka la thei lo. A kut khingkhat ringawt pawh chuan min hneh em em a, ka Belt chu phelh tumin a kut lehlam chuan a buaipui a, a kut lehlamin ka thawh mai loh nan min nembet bawk a, ka belt phelh a tum chu ka lo dang ngar ngar, a chak si a, ka indang zo meuh lo. Ka kut te lutuk hi a vawikhat nan ka hua.

Chutia a phetbuailai chuan khum atang chuan a chhuk a, ka phone chu la in, "hethil thleng mek hi i thiante emaw i chhungte emaw hriat ve atan i duh em?", tiin ka phone ah chuan tuemaw hi biak a tum a.