PLAYER | yoonmin | (mizo)

10.New day

In ka thlen chuan Jungkook chu min lo nghak tih hriat takin pawnah alo vei alo vei tawh a, ka thawm a hriat veleh a rawn tlan phei a.

"Jimin-ssi, khawnge i kal daih a? Call i chhang bawk si lo..", alo ti nghal a.

Motor atanga chhuah pah chuan, "min lo zui lawk teh", tih leh kalpelh ka rual a. Ngawi rengin min zui a.

Room ah ka chhoh tlangpui nghal a, ka room a storeroom chu hawng nghalin eng engemaw hi ka hai darh chiam a, "enge itih dawn?", Jungkook chuan a ti a. Chhang lo in ngawi reng chuan parcel pakhat, lian ve angreng tak hi ka haifuh a, min zawnchhuah pui turin Jungkook chu ka sawm a.

"Engthil nge a Jimin-ssi? Hengho hi enge?", bo tak chuan parcel chu a en a.

"Huanah zawnthla ang, halral tur anih kha", ka tih chuan a hriatthiam loh hmel hle.

"N-ngatimaw? A chhungah enge awm hrim hrim a?"

"Zawnthla phawt ila ka hrilh ang che", ka tih tlat avangin ngawi reng chuan kan zawnthla a.

Eomma leh appa hriattir ka duhloh avangin an hmuhloh laiin kan zawnchhuak thei hram a, Jungkook lah chuan, 'a van rit em em ve', a ti deuh sek a.

Huan kan lut chiah chu Jungkook chuan,"ka ban a kham! Eng em em nge awm a Jimin-ssi? i sawiloh chuan ka zawnpui tawh dawn lo che... A rit si ka ban ana vek tawh!", chhuata ngahthlak chawrh pah chuan a ti a, a ban a khawih pah a.

Nui sukin, "kan halna tur hmun kan thlen hunah ka hrilh tak tak ang che. Tiraw, zawnphei vat ang appa alo kal ange huanah hian a kal zeuh zeuh thin ania", nui sung pah chuan ka ti a. Nin hmel zetin min zawnpui leh a.

Bawlhhlawh engilo te tham deuh hlek kan hal thinna hmun chu kan thleng a, Jungkook pawh a hah ngang aniang a thu nghal hnawk mai.

"Khawi Lighter", Jungkook en pah chuan ka ti a. Jungkook hian cigarette a zuk thin avangin a kalna apiangah lighter a ak ziah thin ani. Ngawi reng chuan a rawn phawrh ve mai a.

Parcel chu ka hawng a, chuveleh Jungkook chu a rawn tho vat a, parcel chhung chu a bih nghal. Chutah kei chu min rawn en a.

"Heng zawng zawng hi i hal dawn amaw?", mak tih hmel zet chuan a ti a. Parcel chhunga thawmhnaw, pheikhawk leh thildang tam tak chu a en a.

"Aw.. Ka tan a tangkai tawh hleinem. Ni lo, a pawimawh tawh lo zawk!".

"Halral ai chuan amah pe let leh vek zawk ta la atha lo maw? Nihloh pawn hnuchham inah dah la..".

"Aih! Halral hian a tha zawk! Amah hriatreng theihna tur thil engmah kawl emaw hmu leh emaw ka duh tawh lo. Tihian ral vek se a tha zawk!", ka ti hmak hmak a. Jungkook ngaihtuahna atang chuan a awm lutuk, ngaihtuahna tha tak pawh ani, mahse khatiang rilru kha ka pu lo hrim hrim.

Ka hmanhmawh avangin ka phawrh nghal zung zung a, Jungkook chuan, "i car hrukfai nan tal i duh lo mi", tiin min fiam a, ka melhrum vak hnu chuan, "ka ti mai mai nih kha", tiin a nuikhi thaw a.

Ka phawrhkim vek hnu chuan hal nghal mai ka tum a, Jungkook chuan, "lawkin Jimin-ssi, he pheikhawk hi dance practice nan ka duh", tih leh pheikhawk dum hi a rawn lachhuak a.

"A.. Dah mai mai teh Jungkookah.. I bun ka hmuh apiangin amah hrechhuak se min ti mii? I bun apiangin min hmuh tum suh ang che", tih pahin ka tum der nghal bur a.

"Chutin ka bun regular vak dawn hleinem.. Inah lam practice nan chauh alawm ka bun dawn", a ti a. Ka chhang peih tawh lo chuan kan thil hal a alh that theih nan kan bul vela hnim leh thingtangro chu ka vawmlut zeuh zeuh a.

"Bawiha enge in tih a?"

Appa aw ngei mai chuan kan hnunglam atangin a rawn ti a, an hriat ka duhloh nen appa ber kher a rawn kal chu le!!

"Appa ka bawlhhlawh te kan hal anih hi..", pangngai tak chuan ka ti a.

"Min lo hrilh lo nih chu aw.. Naktuk hian ka hal dawn alawm.. Lut ula ka lo vil ange, breakfast va ei rawh u, i thianpa pawh khan ala ei lo ania, i chhuak alo nghak ngat ngat che a, a ril pawh a tam viau tawh ang. Khawnge i kal reng reng a?", a ti ta duah a.

Jungkook chu enin, "ila eilo tak tak mi a?", ka ti a. A sawitur hre lo chu a tukhum a hiat noh noh ringawt a.
"Sawi ta che mi a pa", ama hriattham lek chuan ka ti a.

Appa lam chu hawiin, "project tihna ami tur ka va lamkhawm lawk a", tiin dawt chiang lutuk tak mai chu ka sawi a, Jungkook alo nuichiam pek. Ka melh rum leh nghek a, "kal ang!", tih pah chuan huan atang chuan ka kalsan nul nul a.

Breakfast chu kan ei dun mawlh mawlh a, kan eikham chuan Jungkook chuan, "Jimin-ssi, vawiin chu kan in lamah phei ila, project tidun teh ang", a ti a, keipawn ka hnial hran lo, bakah mahnia ina awm ka peih lo vawiin chu, project tih a ngaih avangin cafe ka kal thei dawn silo, mahnia tih ai chuan Jungkook sawmna chu tha tak ani. Bakah keimaha ka awm chuan ka inngaihtuah leh vak emaw kha nia nga, rilru hah mai mai.

Jungkook te in lama phei tur chuan ka inpuahchah a, eomma leh appa te pawh cafe lama kal turin an chhuakfel chiah a, sana ka en chuan dar 1:00 alo ri tep tawh chu niin. Inhnuaiah chuan kan inzuithla a, frige ah chuan apple pahnih chu lachhuakin pakhat chu Jungkook ka pe a, pawnlamah chuan kan chhuak a.

"Jungkookah, nangman khalh mai rawh aw, chuan ilo riah avangin ka lawm lutuk ania", chahbi pek pah chuan ka ti a. Alo la ve mai bawk.

"Jimin-ssi?".

"Huh?", motor-a ka lut tur chiah chu Jungkook chuan min ko a.

"Tukin zing khan a bulah i kal tiraw?",   tlemin a hmel chu a serious, ka ngawi det a. "Zep duh suh. Ka dem hauh lo che nia".

"A.. aa.. Nia, ka kal. Ka kal alawm, kan inkar a tih tawp chhan hriat ka duh a, mahse midang ka nei tawh alo tia", hnuailam chu ka melh a.

"Huh!! Mipa nep tak anih dawn chu. A tir atang khan kha mihring kha ka ring ngai lo reng ani. Rilru pe thuk duh lutuk suh ka tih fo thin che kha Jimin-ssi, mahse tunah chuan awmzia a awm tawh lo,a nih tur ang ani vek tawh, mahse keichuan ka dem ngai hauh lo ang che. I duhthlanna chu ka zahsak zel ang che, a tawp thlengin".

Jungkook chuan serious deuh zawkin a ti a, a sawi dik hle in ka hria.

Ni e, min kalsan tu kha MIPA ani. Huh! A mak tiraw, mahse kei chuan ka thinlung duhdan ka zawm mai ani! Mi va duh tur leh va hmangaih tur hian chhan a awm kher ngaiin ka hre lo. Kan duha kan hmangaih chuan, chu chu a tawk em em ani.

Jungkook nen chuan engmah sawizui tawh lo in kan tlanchhuak a, kan rilru ve ve kan kawm ani ber.

Umm, vawiin atang hian nun tharin bul ka tan ang, he Ni Thar atang ngei hian.