PLAYER | yoonmin | (mizo)

15.Tears

Jimin's pov :

Suga hyung te in kan thlen chuan a nu chuan min lo lawm hle a, dinner eia min lo nghah reng thu a sawi chuan mak ka hle. Suga hyung chuan,"thil i lei lai khan ka hrilh alawm", a ti a. Apa a chhuah thu a sawi bawk a, chhungkaw pa ber tello chuan dinner chu kan ei a.

Dinner kan eikham chuan Suga room ah kan awm a, a inbual lai chuan a khumah thu in ka lo nghak a. Nichina thil thleng kha ka ngaihtuah pah bawk a, kha car kha.. Kha car Var ngei kha, ka lo hmuh fo tawh hnu leh keipawh ka lo chuan fo tawhna thin ngei kha ani.

Engtin nge Suga hyung nen kan ding mai mai lai kha, khatia chak taka min rawn pan chat theih? Kan hawdun kha min lo enthla reng em ni zawk? A ni hi!! Chhunah pawh khan class-a ka thulai school compound pawnlam atangin min lo en reng tak e!! He pa hian ka lakah enge ala duh a, enge ala beisei a min zui ruk hial mai le?! Ka hrethiam lo takzet.

Ka sana bun chu ka en a, zandar 9 alo pel tawh. Ka wine lei chu ka melh vang vang a.

Ka sana bun ka tuai mai mai lai chuan Suga pawh a inbualzo a rawn chhuak ve chiah a, ka va hawi zeuh a, towel var thianghlim tak chu rawn vengchhuakin a kawng chin chunglam zawng chu engmah a inbel lo a, a hnungzangthla chu a var vuk mai. Ka ngo ve hle ania, Suga hyung lakah chuan ka vun hi a uk vek ni maiin ka hria. Suga hyung ngo dan hi chu a var mah mah ani. A rawn hawi dawn chiah tihin rang takin ka hawisawn nghal a.

"Jimin-ah.. I hmanhmawh em? I duhleh va inphihfai ve la, i duh chuan i inbual thei nghal bawk ania".

"A ngai lo hyung, inthlak la lo thu ve vat zawk rawh".

"Ohh. Ilo la in lo ani maw? Lo in tur che lawm nghah kher ka ngai lo sin", a nui a, a nuihmel chu ka en reng a, ka mitthla ah thil pakhat alo lan avangin ka ner ru sawk a, hmundang ka en ta daih a.

Suga chu ka piah ah chuan a inthlak mawlh mawlh a, tumah awm ve lo ang mai chuan a towel venlai chu phelhin (hlipin) boxer nen chauh chuan a haktur chu a zawng a, hnunglam atang chuan ka lo en reng a, palian tak chu a ni bik lo, mahse ama tawkah a taksa chu a inphutmawi tawk hle.

Chutia ka lo enreng lai chuan a rawn hawi thut a, rang mangkhengin hmundang ka melh nghal vat a, a nui ri zui hak a.

A inthlak zawh veleh inhnuaiah a chhuk a, a rawn chhoh leh chuan no a rawn kenglut a, ka hmaah a dah a mak ti takin amah chu ka en a.

"Tinge no pakhat chauh?"

"Ka duh ve lo Jiminah. Inthlahrung lo la, ka awm ve kher i duhloh pawn balcony ah sawn cigarette zuk pahin ka lo awm ang".

"Hyung, keimahin ka in thiam lo ka tih kha", ka tih chuan min en deuh vang vang a, min hnial dawn ngeia ka hriatlai chuan, "a tha e anih le..", tiin ka bulah a rawn thu thla a.

"Anih Jiminah, hetianga i awmchhan hi min hrilh ve tawh la", a rawn tih chuan hnuailam ka melh a, ka sana chu ka khawih pah a.

"Suga hyung, hun min pe thei angem? A chhan chu ka chungchang hriatloh tamtak i nei ani. Ka rinloh vang che a nilo a, hun ka la mamawh vang zawk ani".

"Ok. I inpeih hun hunah min hrilh dawn nia. I tan ka awm reng ang ka tih tawh kha.. Ka awm reng ang", a ti a. Lu ka lo bu nghat a.

Ni e, Suga hyung hi ka ring tur ani. Ka rin phawt chuan keipawh ka ipik lutukna te hi ka ziaawm hawk ngei ang.

SUGA's pov :

Jimin nen kan titi mawlh mawlh lai chuan a phone a rawn ri a, a tawngtui laklawh bawk nen lak nachang pawh a hre lawk lo, chhang phawt tura ka hrilh hnu chuan a la ve ta nge nge a.

"Aw eomma, keimah..", a ngawi leh deuh vang vang a, "hei ka leng a.. Aw aw min ngaihtuah su eomma, ka lo haw vat ang..", tiin phone chu a dah a. Ka lo en reng a.