PLAYER | yoonmin | (mizo)

30.Trouble

SUGA's pov :

Jimin nen zana inkhelh kan tum avangin kan in lamah ka let leh vat a, ka haw kawngah chuan eomma in min lo call a, ka chhang chu appa leh pu Choi-a'n tawhsual an tawhthu a rawn sawi a, engmah pawh zawtchiang hmasa lo chuan ka tlan haw nghal a.

In chu hah takin ka thleng a.

"Enge awmzia eomma?". Eomma chu mangang takin chhuat dungah chuan alo vei kual alo veikual a, min hmuh veleh a rawn kalhnai a.

"Bawiha, chhunah khan i pa chu pu Choi-a ngaihven turin a chhuak a, a hnuah min lo phone a, a thianpa chuan hliam tenau a tawrh thu leh tuilum lo siam turin min rawn hrilh a, kan inbiaklai chuan i pa au that ri ka hria a, ka ko vak vak a, min chhang thei silo, ka tihngaihna hre lo chu pawnah ka tlanchhuak ringawt a, thui vaklo chu ka zawngkual a, mahse tihngaihna ka hriat loh avangin ka lo phone che nih kha, bawiha, police phone la i pa te chu kan hmuh vat angai ania", tiin a tap deuh tiau a.

A va buaithlak thin em! Pu Choi-a ka dem lam nilo in amah vang hian appa mai nilo kan chhungkua hian kan va tuar hnem tawh tak em!!

Eomma chu kuahin, "eomma, lungngai suh. Appa te chu an tha em em ang, biak ka'n tum leh chhin hrim hrim ange", ka phone chu phawrhin appa chu ka dial nghal a, ring chu a ring ngei a, mahse chhangtu an awm lo. Ka ti nawn leh a mahse a hma ang tho ani.

"Tinge a bawiha, i pa chuan ala thei nange?", ka lu chu ka bu nghat a.

"Ani em em tawh lo! Police phone mai ang, ka ngaihtuah tawh emai", eomma chu a rilru a hah tih a hriat hle.

"Eomma, tian lo awm la keiman appa chu ka va ngaihtuah ange, an tha em em ang, lo lungngai lo la", a luah chuan ka fawp zauh a, ka tlanchhuak nghal a.

Kan in kawngka ka chhuah rual rualin ka mit ka len nghal a, tunah tlai lam ani tawh a, khawengah pawh misual an che ngam tawh ania!

Appa kalzin ve na ber restaurent leh a piah a soju an inna ah chuan ka kal hmasa ber a, mahse vawiin lama appa alo la kal loh thu in min lo chhang a, ka chhuak leh nghal vat.

Kan veng bik hi lun lem lo bawk a, hmundang daiha an awm anih loh chuan zawn hmuh an harsa lo turah ka ngai.

Appa te chu an thiante inah chuan an kal tak mialin tiin ka zawng phei zel a, mahse tumah rengin appa emaw pu Choi-a emaw an hmu lo.

Nitlak dawn thleng pawh chuan ka la zawng a, khawiah mah ka hmu lo. Ka beidawng lek lek tawh mai. Appa kal thinna chauh niloin pu Choi-a lenna thinah te pawh ka zawng vek a, mahse tuman an pahnih chuan an hmu lo ani. Pu Choi-a len thinna ka hriat theihna chhan pawh vawitam appa hian a zurui haw theilo a hruaihaw thin vang ani.

In pakhat atanga beibawng taka ka chhuahlai chuan ka mitthla ah ka rawlthar tirha appa zanleng eomma nena kan zawn thinlai a rawn lang a, eomma khan a zawng ber thin zawk a, keimah chauha ka zawn thin tum a awm a, eomma nena kan zawndun thin tum a awm bawk. Zu khan kan chhungkua kha a tibuai ve thin em em a, khatihlai khan eomma ka khawngaih avangin appa hi ka haw ru thei khawp mai. Eomma hi nu zaidam leh dawhthei tak ani hlauh zawk a, chutinilose chuan eomma hian a chhuahsan daih tawh anga, naupang tein fahrah ka ni anga, appa bulah rethei takin ka seilian ngei ang. Chuvang chuan eomma in a tawrhna hi hrethiamin zu ka in ve pawn ruikhawp khawpin ka in ngai lo a, buaina ka siam ngai hek lo.

Rilru buai takin ni tla tep tawh lam chu thlirin ka thaw halh a.

Author's pov :

*flashback*

Yoongi (suga) pa chuan an tukverh lam chu a khat tawkin a en leh zeuh zeuh thin a, Yoongi nu chuan, "enge nia, thil chan i nei em ni?", tiin a zawt hial a, mahse Yoongi pa chuan engmah a sawi lo.