PLAYER | yoonmin | (mizo)

07.Highway

Jimin's pov :

Suga hyung lo thlen hun chu ka nghak ran a. Tunah hian ka rilru ana takzet ani. Dinner eikham khan call ka dawng a, ka mi rin tak hnen atangin a ni, ani chuan min kalsan thu min rawn hrilh a, amah be tawh lo turin min ti bawk. Ka rilru chu ana em em a, call leh hram chu ka'n tum a, mahse a tlang thei tawh lo.

Ka inngaihtuah melh melh lai chuan Suga a rawn thleng a, ka hmel hlim lo tak chu a hmuh ka duhloh avangin ka lo nuih sang. Ka bulah chuan a rawn thu thla a.

Jimin & SUGA

"Min lo nghak rei tawh em?

"Aih..", tih chiah chuan ka chhang a.

"Tinge zan zanah te i chhuah a, i chhungte nen in inhau ami?".

Ka thil tawn chu sawi ka tum hman uk a, mahse kan inhriatna ala rei silo a, tlem chuan ka zam leh deuh.

"Umm.. Chutiang deuh chu..".

A nui hak a. Enge nuihzatthlak ka sawi ni.

"Ava zia lo ve. I in bunruah duh chuan ka awm reng ania..", a ti a. Mahse ka rilru natchhan tak ka sawi ngam siloh vangin thu dang dang ka sawi zel a.

"Tirawh Jimin, Soju in i duh em? Kan kal dawn mi niang?", ngawi reng chuan ka bu nghauh a. Kan kal zui a.

Kan kal tumna tak alo inkhar avangin a aia hla zawk kan pan a, Highway lam pan chuan kan kal a.

SUGA's pov :

Kan tumram kan thlen chuan ngawi rengin kan thu a. Jimin rilru natna hi zawh chiam ka tum lem lo, aman tul a tih chuan min hrilh mai turah ka ngai.

A ngawih reng avangin keiman ei leh in tur chu ka lam a. Sawi mai tur ka hriat bikloh avangin biak hlim ka tum hram hram a, ka tih ngailoh thil anih avangin harsa ka ti hle.

Kan thil chahte a rawn thlen hnu chuan a rawn tawngchhuak ve ta a.

"Suga hyung, hmangaih i tawng ve tawh em?, a rawn tichhuak hlawl a.

"Aa.. La tawng chiah lo, tinge?".

"Ka hre duh mai mai", lehlam a hawi nghal daih a. Umm.. Jimin rilru natna hi ngaihzawng vang ani ngei ang.

"A nih Jimin ngaihzawng vang em ni tianga i awm a?", tiin ka zawt ta tawp a. Mahse a nui ringawt thung.

Ngawi rengin soju kan in a, tumah kan tawng leh tawh lo.

"Hnawl nih aia na i hria em Suga hyung?", Jimin chuan a rawn ti leh a. Tunah chuan Jimin rilru natna chu a chhungte vang nilo in ngaihzawng vang chu alo ni ngei e.

Ka chhan hma chuan, "a awm ka ring lo", a rawn ti leh a.

"Lungngai suh Jimin. Thil tha zawk alo thleng turah ngai rawh. Thil tha lo chu thil tha zawkin a thlak thin alawm. Thil tha zawk ila tawng ngei ang".

Chumi hnu chuan eng engemaw sawiin kan thu rei ta phian a, Jimin chuan soju chu a lam belh leh a, tawng pah chuan a tlak pap pap a.

"Jiminah duhtawk teh, i inhnem mah mah tawh nia".

Jimin chuan thlit belh pah chuan, "zanin chu min hrethiam mai teh", tih paha in a tum leh chiah chu a kutah ka va man chat a.

"Jimin-ah tiang hian awm suh, i harsatna chu ka hriatpui lo che, mahse khawngaihin tiang hi chuan awm suh".

"Suga hyung, pawi ka ti khawp mai, ka no mah mah ni tiraw", a rawn ti zawi sup a.

"No lo e. Rilru natna te chu tupawn kan nei thei vek alawm", tiin ka lo chhanglet a.

Darkar khat kan thut hnu chuan Jimin pawh a kai sawt tawh bawk nen, a tawng duh ta hle a. Kei erawh chu ka hmanhmawh tan tawh, ka chhungte bulah ka kalna tur ka sawichiang bawk silo.

"Jimin-ah, kan kal tawh dawn mi niang, hei a tlai tan tawh ania..", min chhang nghal mai lo in a ngawi vung vung a, haw ala duh chiah lo anih ka ring.

Ka thutna atang chuan ka ding a, min rawn en nghal vat.

"Haw ka la duh lo.."

Ka rindan chiah.

"Mahse Jimin, a tlai tawh lawm, i chhungten an lo ngaihtuah tawh ang che".

"Anih Jungkook min phone sak rawh, a ipte atangin a phone phawrh a.

"Tunge chu chu?"

"Ka thianpa nia..", a sawi zawh rual chuan dawhkanah a bawk zui daih a. Keipawh chuan a phone chu la in a thianpa a sawi chu call ka tum a.

Contact list ah chuan Jungkook hming chu ka zawng a, ka hmu mai lo lehnghal, a save dan te ka'n zawt leh te te a, ka dial ta a.

Jungkook chuan a lo kal nghal tur thu a rawn sawi a, call chu kan dah a.