PLAYER | yoonmin | (mizo)

14.Blue mood

School atanga kan haw hnu chuan kan cafe ah kan lutkawi a, Jungkook chuan ka ril a tam a tih avangin eitur a lam nghal teuh a, keichu nichina ka thiltawn vang te kha nge ni engmah eichak ka nei lo thung. Jungkook bulah chuan ngawi rengin ka thu a.

"Jimin-ssi, ngatinge i ei ve loh?", ka ngawih vang vang hnu chuan Jungkook chuan a rawn ti a.

"Ka ril a tam lo Kook".

"A ni vang kha ani em? Aw tia min chhan vaih chuan ka lawm dawn hauh lo ania aw Jimin-ssi.. Ngawi renga kalsantu che ani tih kha theihnghilh miah suh". A hmaa chocolate cookie inchawp chu a ei pah mial mial a.

"Nang hi! Engtin nge tihian i awm tawp theih?! Ka sawi awmzia chu hmeichhe lam reng reng i ngaihtuah bawk si lo, an chungah i sual em em bawk si, mipa lah i be duh miah bawk si lo, kei hi awm lo ta ila thian dang i kawm tho angem Jungkook-ah?", tiin a thusawi nena inmillo deuh chu ka zawt a, ani pawh a thil ei chawl meuhin a awm phah a.

"Ka hre lo le", tia min chhan hnu chuan a cookie chu a ei chhunzawm leh nghal mawlh mawlh. Luhaithlak ti zetin ka lu chu ka thing nar nar a, ka nuih lam lam te pawh a za zawk! Ti em em a mihring ngeng leh induh hi alo awm theih ani maw ka ti hial! Mahse lehlamah chuan hetiang mizia hi nei mah se ka chungah erawh a tha in min ngaihtuah em em thung a, kei aiin naupang zawk mah se kawng tamtakah tluk lohna ka ngah hle.

Jungkook hi a mi nel tawh te bulah chuan a rilru a tha in mi biak pawh a peih hle a, mahse hmeichhia erawh a hnaih duh ngai lo tlat thung, a chhan ka zawh lah in, 'ka ngaina lo, an over!', a ti tlat a, mipa a biak duhloh chhan ka zawh pawn, 'ka peih lo, an chapo!', a ti leh tlat bawk. A zawng zawng chu an nilo a, a bikin kan school ami te hi ani, a hnaiha a biak duhloh thin te chu. A chhan bulpui bera nia ka rin chu amah hi a Luck in a hmel a tha si a, kan school a hmeichhe tamtak hian an ngaihzawn rawn vang leh, chung hmeichhia te lo ngaizawngtu mipa te hian an milloh vang ni berin ka hria, school-a tumah a hnaih duhloh chhan hi, mahse a awm ve tho a ni.

A eizawh veleh eomma leh appa te pawh hmu hman lo in kan haw leh nghal a, ke a kal mai mai ka duh zawk laiin a ni thil eipuar hlim chu kea kal a peih ve leh tlat lo, bus ka chan pui hnu chuan amahin bus ah a chuang haw a, keichu muangchangin ke in ka kal thung a.

Thil ngaihtuah paha hmalam pana ka pen chhet chhet lai chuan in ka lo thleng tep tawh chu niin, ka hawikual vel chuan nizana Suga hna bang haw motor atanga ka kohna lai kha ka lo thleng chiah ani tih ka hre nghal a, sidewalk-a thutna awmah chuan ka thu thla a. Ngawi reng chuan ka hma a motor tlan leh mihring kal vel chu ka en a. Hetiang chiah hian ka harsatnate hi kal (liam) ve zung zung se ka ti ngawt mai.

SUGA's pov :

Dar 6:45 p.m. ah chuan ka hna pawh bangin muangchang chuan ka haw a, school ka lo chawhsan hma hi pawi tih chang chu nei thin tho mah ila, ka tuina, music leh thu leh hla lama kal ka duh vangin lehkhazir pah chuan ka ti hlei thei dawn lo tih ka inhriat vanga bang ka ni a, inchhir pawh ka tum lem lo. Ka pa hi chuan la zir chhunzawm se min duh tih chu ka hria, mahse ka bulah ala sawi ngai eih lo. Ka nu erawh chuan class ka kal emaw hna ka thawk emaw, a engemaw zawk zawk pawh nise min pawmpui a, lehlamah chuan ka pa aiin ka ngaina deuh.

Bus service hi dar 7 thleng a nih avangin ka nan hman tawh dawn loh avanga ke a kal ka ni a, ka hnathawhna atanga bus stand hnai ber pawh minute 20 vel kal anih avangin kea kal chu a remchang zawk a ni.

Headphone ngaithla chung chuan ka kal zel a, kawng lun vak lo lai, sidewalk sei deuh an siam ka thlen chuan ka phone ka bihna ata ka hawichhuak a, sidewalk an siamah chuan tu emaw hi amah chauha thu in a en ngai chu che lo in a en ngar ngar a, uniform ni ngei tur a inbel bawk a, tunge a nih hre turin ka awmna atangin a hla deuh bawk a, ka phone bawk chu ka bihsan leh a.

Chawl loa kal zel ta chu a bul pawh ka thlengphei thuai a, khua a thim tan tawh bawk nen ral atang khan tunge anih ka hre thei lo kha nia, ka kal hnaih meuh chuan Jimin alo ni reng a.

"Hey Jiminah, enge hetah i tih a? Mi nghah i nei mi?", tia ka biak chuan ka lam a rawn hawi nghal a,

"Suga hyung nang maw? Aa.. A nei lo e, i hna i bang chiah ami?", a nui sang a, mahse tinge nuilui anga ka hriat tlat le.

"Umm ka bang chiah..", thil ka hrechhuak thut, "Jimin-ah, zanin chu kan inah dinner lo ei ve la, nizana min eipuina a lawmthu ka sawinaah min ngaihsak dawn nia", tiin ka sawm chawt a. A hnial emaw hnial lo emaw sawmthluk ka tum ruh hle.

"A.. A ho lutuk hyung, a ngai ve kher hleinem. I hmanhmawh chuan lo va kal la keichu tian la thut ka duh rih zawk", tiin kan hmalama motor tlan zut zut chu a thlir nghal daih a. Vei a nei amawni le, nidanga a mizia a ang lo riau.

"Jimin, rilru hahna i nei em ni?", chik deuh hlek chuan ka zawt a. Rawn hawiphei lem lo in a nui suk a, a sawi duh lo anih ka ring. A sana bun chu melhin a bulah chuan ka thuthla a, "i sana bun chu a nalh khawp mai", ka ti a, chuveleh a en nghal a, khawih pah chuan,"hyung thil reng reng hian hlutna an nei ani tiraw?", a rawn ti a, a sawi awmzia ka hre lo hle.

"Ni e, a dik alawm".

"He sana pawh hi sana satliah mai ani lo a, ka tana tangkai leh hlu tak ani thin", a sawi zawng chuan a nui deuh sang a.

"Tunah a ni tawh lo ami?", ka lo ti khauh a, a rawn nuichhuak hak.

"Haha.. A ho lutuk. Thil hlui te chu thil tharin kan thlak zel tur alawm", a tih chuan a thusawiah a chiang vak lo tih a awmdan leh tawngdanah ka hre thei.

"Sana hlui tawh tihna maw?", ka tih leh chuan a rawn nui ri hawk a, a lu a bu nghat nghat a. Keipawh ka nui ve ta ngawt a. A awmzia erawh ka hre hauh lo thung.

Ngawi renga kan thut renrawn hnu chuan min rawn en thut a, "Suga hyung, dinner ei tur khan min sawm em ni kha? Anih chuan i sawmna chu ka pawm e!", a rawn ti hluai a, a kut chu a rawn lekphei a ka lo hum chat a.

"A tha e. Anih chuan kal ila", tih paha thawh nghal ka tum chu, "mahse thil pakhat min tihpui lawk rawh", a tih chuan ngawi rengin amah chu ka en a.

Wine leitur chu a thlang mawlh mawlh a, ka ngaih a tha chiah lo, a chhan chu tunah hian Jimin hmel hi a dik lo a, rilrua vei nei ruk hmel a pu ani. Han zawt dawt dawn ila aman min hrilh a duh te a nih ngawtloh chuan a sawi duh ka ring chiah silo. Ngawi reng chuan a thil leina bulah chuan ka lo ding a.

"Suga hyung, diktak chuan tiang thil ka lei hi ka inring ngai lo, a chhan chu hun engemaw teah lo chuan ka in ngailoh vang ani. Mahse zanin chu ka tih ve a ngai tlat mai, mahnia in ka thiamloh avangin i awmlai hian ka lei a, min hrethiam rawh aw", inthlahrun hmel angreng tak chuan a ti a.

"Jimin, han sawichiang deuh law law la..", ka tih chuan a ngawi vung vung a.

"I hriat vek chuan i awih lo zawk ang", hnuailam bihin za vak lo in a nui a.

"Jiminah, enge a chhan ka hre lo. Ka hmuh apiang che hian hlim lohna emaw thil veiruk nei hmelpu emaw hian ka hmu ta ziah mai che a, in cafe-a a ka thianpa nena kan lo chawlh tuma i nuih sang bak kha chu hlim hmel taka i nui hmel hi ka hmu leh ta miah lo. Chu thilah chuan ka buaina tur a awm hauh lo a chu, tunah chuan thian kan ni tawh a, a zawng zawnga i rilru hahna te i sawichhuah duhloh pawn tlemte tala tangkaina ka lo neih ve chuan min hrilh hreh reng reng suh aw, i tan ka awm reng ang", ka ti a.

Chutia ka sawizawh chuan muangchang hian a rawn hawichhuak a, ka mitah tak min rawn en a, ka ngaihbel nge ni, a mitah chuan khawharna thuk tak a inphum niin ka hria. Keipawn a mitah chuan ka en let ve kar a.

"Ka tan i awm reng ang maw Suga hyung?

"Aw ka tiam a che", a kutah chuan ka vuan a.

Kawnga kan din renglai chuan motor pakhat hi chak zetin a rawn tlan puat a, tlem tlemah Jimin nen chuan min rawn su lo chauh a! A tlan chak ang ang chuan a tlantlang nghal daih a, ka thin a rim kher mai.

"Fimkhur ve ta che mawle, m*wla!!", tiin ka au zui hrep a. Thinrim zetin a tlan liamlai chu ka en tawp ringawt a, ding se rawn chhuak se chu 'ka tihpalh' pawh ti mah se vawikhat tal chu ka hnek ngei ang.

Jimin lam chu ka hawi a, hlauhthawn hmel takin alo ding zum zu ringawt a, a lam panin,"i tha em Jimin?", tiin ka be nghal vat, mahse motor tlanliam chu enin a ngawi reng thung. Mak ti takin Jimin chu ka en reng a.

"Hey!", a banah chuan ka beng thek a, min rawn en a, "i tha maw?".

"Aw ka tha e, k-kal ang", a kalsawn nghal a, Jimin awmdan chu mak ka ti takzet.

Ngawi rengin kan inlam kan pan a, an in zawn kan thlen chuan inthlak a duh leh duhloh thu ka zawt a, tul a tihloh avangin kan inlam kan pan tlang a.