Unicode
🖤Until the End of Time🖤
(အသက်ထက်ဆုံးတိုင်.....)
အပိုင်း(၃၇)
"တာရာနှင်းမြူလား.."
မှိုင်းချက်ချင်းပင်ပြုံးလိုက်သည်။ ပြီးနောက် သက်သောင့်သက်သာအမူအရာနှင့်ပင်
"ကျွန်တော်မွေးစားထားတဲ့ကလေးလေ ဘာဖြစ်လို့လဲ ဦးလေး"
"အံ့ဩစရာပဲ မင်းကကလေးတစ်ယောက်ကို မွေးစားတယ်"
"ကျွန်တော်က ကျွန်တော်စိတ်ကြိုက်လုပ်ချင်သလိုလုပ်ခွင့်ရှိတာပဲ ကလေးတစ်ယောက်ကို မွေးစားချင်လို့မွေးစားတာ ဘာအကြောင်းပြချက်လိုသေးလို့လဲဗျ"
"မင်းလိုသွေးအေးသတ္တဝါက အကြောင်းမဲ့ ကလေးမွေးစားတာကိုက ထူးဆန်းနေတယ်လေ အခြားရည်ရွယ်ချက်တစ်ခုခု ကျိန်းသေရှိမှာပဲ"
ထိုစကားကိုဝင်ဆိုလိုက်သူကဒေးဗစ်။ မှိုင်းကတော့ ဒေးဗစ်ကိုအဖက်လုပ်၍ပင်မကြည့်ဘဲ
"ဦးလေးမေးတဲ့မေးခွန်းကို ဦးလေးနဲ့ပဲ ကျွန်တော်ဖြေမယ် ကျန်တဲ့သူကဝင်မပါနဲ့"
"ဘာ"
"ဒေးဗစ်"
ဦးလေးဗို့စ်က ဒေးဗစ်ကိုဟန့်တားလိုက်ပြီးနောက် သူ့ကိုအကဲခတ်ကြည့်နေရင်း
"သူ့အကြောင်းအပြည့်အစုံပြောကြည့်ပါ မှိုင်း"
"ဦးလေးစိတ်ဝင်စားရင်ပြောပြပါမယ် သူက ကျွန်တော့်အိမ်မှာခိုင်းဖို့ခေါ်ထားတဲ့ အန်တီမွန်နဲ့ဆွေမျိုးစပ်ပါတယ် အစကတော့ မိဘမဲ့ဂေဟာမှာနေတယ် နောက်တော့ အန်တီမွန်ပြောပြတဲ့စကားအရ သိလိုက်ရတာက သူ့မိဘတွေဆုံးတာ ကျွန်တော့်ပယောဂနဲ့ မကင်းခဲ့ဘူးဆိုတာပဲ ကောင်မလေးမိဘက တောင်ခြေရွာကလေ ဒါကြောင့် ဒီကလေးမကို ကျွန်တော်တာဝန်ယူပြီး အိမ်ခေါ်လာခဲ့တာပါ"
လွန်ခဲ့သောနှစ်များစွာက ပဲခူးတိုင်းအတွင်းရှိ တောတစ်ခုတွင် သူတို့ဂိုဏ်းနှင့်အခြားဂိုဏ်းတစ်ခု အရောင်းအဝယ်ကိစ္စကြီးတစ်ခုအတွက် တွေ့ဆုံခဲ့ရာမှ တစ်ဖက်ဂိုဏ်း၏ပိပိရိရိလှည့်စားခြင်းကို သူတို့ခံခဲ့ရသည်။ တစ်ဖက်ဂိုဏ်း၏ထောင်ချောက်ထဲဝင်သွားမိသည့် Gray-ဂိုဏ်းမှတစ်ဖွဲ့လုံးနီးပါးအသတ်ခံခဲ့ရပြီး မှိုင်းတစ်ယောက်သာ အသက်ရှင်လျက် ထွက်ပြေးလွတ်မြောက်လာခဲ့သည်။
YOU ARE READING
🖤Until the End of Time 🖤
Romanceငါကကတိပေးရတာကိုမကြိုက်ဘူး တာရာ ကတိပေးပြီး မဖြစ်မနေတည်ရတာမျိုးကို မုန်းတယ် ဒါပေမဲ့မင်းကိုငါ့အသက်ထက်ဆုံးတိုင်တဲ့ အထိ ချစ်သွားမယ်လို့တော့ ကတိပေးနိုင်တယ်" 🖤မှိုင်း ချစ်ခြင်းဟာ အပြစ်ဆိုရင်တောင် နောက်ဘဝမှာပဲ အဲ့ဒီပြစ်ကြွေးတွေကို ဆပ်ပါရစေ ဒီဘဝကိုတော့ မှို...
