Unicode
🖤Until the End of Time🖤
(အသက်ထက်ဆုံးတိုင်.....)
အပိုင်း(၇၄)
"တာရာ့အနားကို ဘာလို့ရောက်လာကြတာလဲ.. သူ့တူမမှန်းသိနေလို့ တမင်ချည်းကပ်နေတာများလား"
မှိုင်းတစ်ယောက်အတော်လေးစိတ်လှုပ်ရှားနေပုံရသည်။ ဧည့်ခန်းထဲတွင် ဟိုလျှောက်၊ဒီလျှောက်နှင့် ယောက်ယက်ခတ်ဖြစ်နေတော့သည်။ ကောင်းမာန်လည်းမနေသာတော့ဘဲ
"မှိုင်း.. စိတ်အေးအေးထားပါဦးကွာ"
"ဘာကိုစိတ်အေးအေးထားရမလဲ ဒေါ်တိမ်ရွှေစင်ဆိုတဲ့မိန်းမက ရည်ရွယ်ချက်ရှိရှိနဲ့တာရာ့အနားကို ချည်းကပ်နေတာကွ... ဘယ်အချိန်ကတည်းက တာရာ့အနားရှိနေမှန်းမသိဘူး တောက်.. ဒါကိုငါကဘယ်လိုလုပ်စိတ်အေးအေးထားနိုင်မလဲ"
"ငါနားလည်ပါတယ် ဒါပေမဲ့အကောင်းဘက်ကတွေးကြည့်ရအောင် မိုးတိမ်တို့ဘက်ကတာရာ့အကြောင်းသေချာမသိလောက်သေးပါဘူး သူတို့သာသိနေရင် ဒီအတိုင်းထားမှာမဟုတ်ဘူး တစ်ခုခုလုပ်မှာပဲ"
ကောင်းမာန်စကားကြောင့် မှိုင်းတစ်ချက်ငြိမ်သွားသည်။ သို့သော်ချက်ချင်းပင် ခေါင်းခါလိုက်ရင်း
"တာရာငယ်ငယ်ကဓာတ်ပုံကို ဒေါ်တိမ်ရွှေစင်တွေ့သွားခဲ့တယ် ဘယ်လိုပဲဖြစ်ဖြစ် ရိပ်မိသွားမှာပဲ သာမာန်လူတောင် ဆက်စပ်ပြီးတွေးကြည့်နိုင်တဲ့ကိစ္စကို တိမ်အိမ်တော်က မသိနိုင်စရာအကြောင်းမရှိဘူး တိမ်အိမ်တော်က ဒီလောက်မအပါဘူး"
ထူပူနေသည့်မှိုင်းကိုကြည့်ပြီး ကောင်းမာန်ဘယ်လိုဖျောင်းဖျရမှန်းပင်မသိတော့ပါ။ မှိုင်းပြောတာလည်းမှန်သည်။ ဒီလောက်ဆိုရင် ဟိုဘက်ကတာရာ၏ဘဝမှန်ကို ရိပ်စားမိလောက်ပြီ။ အခြေအနေက တကယ်မကောင်းတော့ပါ။ သို့သော်မှိုင်းကိုလည်း အရမ်းကြီးစိတ်ပူနေတာမျိုး မဖြစ်စေလိုသဖြင့်
"ဟုတ်ပါတယ်. ဒီကိစ္စက စိုးရိမ်စရာကောင်းတယ်ဆိုတာ ငါသိတယ် ငါကမင်းကိုခေါင်းအေးအေးနဲ့ပြဿနာကို စဉ်းစားစေချင်တာပါ မင်းဒီလိုစိတ်လှုပ်ရှားနေရင် အမှားတွေပဲ ဆုံးဖြတ်မိလိမ့်မယ်"
"ငါမသိတော့ဘူးကောင်းမာန် ငါ့ခေါင်းထဲအခုအတွေးဝင်လာတာက တာရာ့ကိုဒီနေရာကနေ အမြန်ဆုံးခေါ်ထုတ်သွားဖို့ပဲ"
YOU ARE READING
🖤Until the End of Time 🖤
Romanceငါကကတိပေးရတာကိုမကြိုက်ဘူး တာရာ ကတိပေးပြီး မဖြစ်မနေတည်ရတာမျိုးကို မုန်းတယ် ဒါပေမဲ့မင်းကိုငါ့အသက်ထက်ဆုံးတိုင်တဲ့ အထိ ချစ်သွားမယ်လို့တော့ ကတိပေးနိုင်တယ်" 🖤မှိုင်း ချစ်ခြင်းဟာ အပြစ်ဆိုရင်တောင် နောက်ဘဝမှာပဲ အဲ့ဒီပြစ်ကြွေးတွေကို ဆပ်ပါရစေ ဒီဘဝကိုတော့ မှို...
