『Unicode』အခန်း ( ၆၅ ) : ဘာလို့ ကျွန်တော်က လူကောင်းဖြစ်ရမှာလဲ။
※※※※※※※※※※※※※※※※※※※※
Warning / Mature Contents
ကားဂိုဒေါင်မှ ရိုလာရှပ်တာဖွင့်လိုက်သည်နှင့် ယင်းက ကလစ် ကလစ်ဟု အသံမြည်ပြီး ဒုတိယထပ်မှလဲ ကြားနိုင်၏။
ကျွန်တော်က အိပ်ရေးဆတ်သူပေမယ့် ထိုအသံကိုကြားသောအခါ မျက်လုံးတွေပွင့်လာခဲ့သည်။
သူ သွားပြီ။
ကျွန်တော် အချိန်ကိုကြည့်မိသောအခါ မနက်ခင်း ၈နာရီသာရှိသေးသည်။
ခက်ခဲတဲ့နေ့တစ်ရက်ဖြစ်တော့မှာ သေချာပါပြီ။
မနက်စာစားပြီးနောက် ကျွန်တော် တစ်မနက်ခင်းလုံး Celloလေ့ကျင့်နေလိုက်သည်။နေ့လယ်ခင်းတွင် ဘာမှ လုပ်စရာမရှိနေ၍ ကျွန်တော် ခြံဝင်းကို စတင်သန့်ရှင်းလိုက်၏။
အပင်သေတွေကို ဆွဲနှုတ်၍ ဘေးပစ်ချသည်။ ထောင့်စွန်းရှိ ဖုန်နှင့် အမှိုက်များကိုလှဲကျင်းပြီး ထပ်မံဖုန်သုတ်လိုက်သည်။ကျောက်စားပွဲနှင့် ခုံတန်းလျားကိုမူ ပြောင်လက်လာသည်အထိ တိုက်ချွတ်လိုက်၏။
ရှင်းလင်းပြီးနောက် ခြံဝင်းက လူသူကင်းမဲ့နေသေးသည့်တိုင် စိတ်ဓာတ်ကျစရာပုံစံတော့ မဖြစ်တော့ပါချေ။
အမှိုက်အိတ်ကြီးကို အပြင်ဘက်ရှိ အမှိုက်ပုံးအတွင်း လွှင့်ပစ်ပြီး ၊ ခြံဝင်းကိုကျောပေး၍ အကြောဆန့်လိုက်သည်။ပြီးလျှင်စားပွဲမှာထိုင်ကာ ၊ လုပ်အား၏ အသီးအပွင့်တွေကို ထိုင်ကြည့်နေလိုက်သည်။ နွေလေညှင်းလေးတိုက်ခတ်လာသောအခါပူလောင်ပင်ပန်းရသော်လည်း အတော်ပင် သက်တောင့်သက်သာဖြစ်ပါ၏။
ရုတ်တရက် တံခါးအပြင်ဘက်မှ ခြံဝင်းထဲသို့ အဝါရောင်ဘောလုံးလေးတစ်လုံး လိမ့်ဝင်လာကာ ကျွန်တော့်ခြေထောက်ထံရောက်လာသည်။ကျွန်တော် တစ်ချက်ငုံ့ကြည့်၍ ကောက်ယူလိုက်၏။
YOU ARE READING
အတ္တစိတ် || ဘာသာပြန် ||『Completed』
Romance" ငါ ခွေးကို ကြည့်နေခဲ့တာမဟုတ်ပါဘူး။ ငါကြည့်နေခဲ့တာက မင်း " This is Fan Translation.