『Unicode』
အခန်း ( ၆၁ ) : ငါ မင်းကို ငါ့ကျောကို ပွတ်ပေးစေချင်ရုံပဲ။မထိနဲ့ ။
※※※※※※※※※※※※※※※※※※※※
Safe Houseသည် ချုန်းဟိုင်၏ မြို့ပြင် ၊ အလွန့်အလွန် အစွန်အဖျားကျသောနေရာတွင် တည်ရှိကာ မြို့မှ နှစ်နာရီတင်းတင်း မောင်းနှင်ခဲ့ရ၏။
မြင်နိုင်သမျှသည်ကား လမ်း၏ ဘေးနှစ်ဖက်တွင် ရွှေရောင် ဆီစေ့ပန်းခင်းကြီးများရှိပြီး ယင်းတို့ကြားမှာ နှစ်ထပ်တိုက်အဖြူလေးတွေ ပြန့်ကျဲလျက်ရှိနေခြင်းပင်။
အမျိုးသမီးတစ်ယောက်က ခြံဝန်းထဲမှာ အဝတ်လှန်းနေ၏။ သူမက ကျွန်တော်တို့ကားကိုမြင်လျှင် ကြုံသလိုသာ တစ်ချက်ကြည့်ကာ ပြန်လှည့်သွားပြီး ဇလုံထဲမှ အဝတ်တစ်ထည်ကိုယူ၍ အဝတ်တန်းမှာ ဆက်လှန်းနေလိုက်သည် ; ညစ်ပတ်နေသော ခွေးအဝါကြီးက မြစ်ကမ်းဘေးမှ အမှိုက်ပုံကို မွှေနှောက်နေသည် ; လူတွေက သစ်ပင်ရိပ်အေးမြမြအောက်တွင်လက်ထဲမှာ ပန်းကန်လုံးတွေကိုင်လျက်နှင့် စစ်တုရင်ကစားနေကြသည် ; ရေသနတ်ကိုင်ထားကြသော ကလေးများကအချင်းချင်းပြေးလိုက်ရင်း ဆော့ကစားနေကြ၏။
ကြည့်ရသည်မှာ အတော်လေး လုံခြုံသည့်နေရာနှယ်။
" ဒါက တရုန်ရွာ " ကျွန်တော်တို့ အဆောက်အအုံလေးရှေ့တွင်ရပ်သွားပြီး အထူးရဲက ကားထဲမှဆင်းဖို့ ပြောလာ၏ : " မင်းတို့ ဒီအဆောက်အအုံမှာနေရမယ်။ ငါတို့က မျက်နှာချင်းဆိုင်က အဆောက်အအုံမှာနေမယ်။ ကြားရက်တွေမှာဆိုပြတင်းပေါက်မှာ ကင်းစောင့်တစ်ယောက်ရှိလိမ့်မယ် ၊ ငါတို့တွေ အတွဲလိုက်အလှည့်ကျပဲ။ တစ်ရက် ၂၄နာရီလုံးရှိမယ့်သူလဲရှိတယ်။ မေးစရာရှိရင် ကျေးဇူးပြုပြီး ဖုန်းခေါ်ပေးပါ "
Safe Houseသည် ရွာရှိ တခြားအဆောက်အအုံများနည်းတူ နှစ်ထပ်တိုက်လေးဖြစ်သည်။ အပြင်နံရံက မီးခိုးရောင်ဖြစ်ပြီးတစ်ဝက်လောက်က တိုက်ကပ်နွယ်တွေ ဖုံးနေ၏။ခြံဝင်းအတွင်း သံတံခါးကြီးတစ်ခုရှိပြီး အုတ်နှင့်ကျောက်တုံးများ ဝန်းရံထားသည်။ မေပယ်ပင်ကြီးတစ်ပင်မှလွဲလျှင် ပန်းနှင့်အပင်အားလုံးက သေနေကြပြီပင်။ကျောက်စားပွဲဖြူသည် သစ်ကိုင်းခြောက်၊ အရွက်ခြောက်များဖြင့် ဖုံးအုပ်လျက်ရှိပြီး နံရံတွေက ရေညှိတက်နေကာ မြေကြီးပေါ်မှာလဲ ပေါက်ပင်တွေပေါက်ရောက်နေသဖြင့် အတော်လေး စိတ်ဓာတ်ကျသွားစေ၏။
BINABASA MO ANG
အတ္တစိတ် || ဘာသာပြန် ||『Completed』
Romance" ငါ ခွေးကို ကြည့်နေခဲ့တာမဟုတ်ပါဘူး။ ငါကြည့်နေခဲ့တာက မင်း " This is Fan Translation.