『Unicode 』
အခန်း ( ၇၇ ) : ငါ့မှာ ဘာမှမရှိတော့အောင် မချန်ထားခဲ့ပါနဲ့။
※※※※※※※※※※※※※※※※※※※※
အမေက ခါးခါးသီးသီး ငိုကြွေးခဲ့ပြီး သူမ၏ စိတ်အခြေအနေ အနည်ထိုင်သွားခဲ့သည်။
သူမဟာ မျက်ရည်များကိုသုတ်ရင်း ကျွန်တော့်၏ အခြေအနေကို နားလည်နိုင်ရန် တာဝန်ရှိ ဆရာဝန်ကို တွေ့ဖို့ပြင်တော့သည်။
ကမ္ဘာကြီးက သူမအပေါ်မှာ ဘယ်တုန်းကမှ မကြင်နာခဲ့ပေမယ့် သူမကတော့ ဘယ်တော့မှ ရိုက်ချလို့မရဟန်တူပါ၏။ သူမအရမ်းပိန်ပြီး ကူကယ်ရာမဲ့နေတာတောင် " အမေ " ဟူသော နာမကြောင့် ခံစားရသမျှအားလုံးကို သည်းခံထားခဲ့သည်။
ယခု အချိန်ထိ ကျွန်တော် တုံးအသလိုခံစားမိဆဲ။
ရန်ချင်းကျွမ်း မရှိလျှင်တောင် ကျွန်တော် ဒီကမ္ဘာကြီးကို စွန့်ခွာလိုစိတ် မရှိသေးပေ။ ယခင်က အတွေးတွေ မည်မျှကောင်းမွန်ပြီး အထိန်းအကွပ်မဲ့စေခဲ့ကာမူ မိသားစုဝင်၏ မျက်ရည်တွေအောက်၌ ငြိမ်းငြိမ်းချမ်းချမ်းသေဆုံးခြင်း၏တည်ငြိမ်မှုများက ပျောက်ကွယ်ကုန်ကာ ဤကမ္ဘာကြီးသို့ အဆုံးမဲ့သောနှောင်တွယ်စရာများ ဖြစ်၍သာ ကျန်ခဲ့တော့သည်။
ရန်ချင်းကျွမ်းနှင့် နန်ရှန်က အမေနှင့်အတူလိုက်ပါ၍ ဆရာဝန်ကိုသွားတွေ့နေစဉ် ညီမလေးက ကျွန်တော်နှင့် လူနာဆောင်မှာ ဆက်နေခဲ့သည်။
အမေနှင့်စာလျှင် ညီမလေးက အများကြီး ပိုနုနယ်၏။ သူမ ငိုကြွေးနေတာမရပ်နိုင်ပဲ တသျှူးတွေ တစ်ခုပြီးတစ်ခု တောင်လို စုပုံလာခဲ့သည်။
" ဂိမ်းကစားချင်လား ? "
သူမအာရုံကို ပြောင်းပေးရန် အလို့ငှာ ကျွန်တော် ထောင့်မှာပုံနေသော ပဟေဠိဂိမ်းတွေကို ညွှန်ပြရင်း မေးလိုက်သည်။
သူမဟာ ရှိုက်လျက် ကြည့်ပင်မကြည့်ပဲ ခေါင်းခါပြ၏။
မျက်ရည်တွေ နည်းနည်း တိတ်သွားသည်နှင့် သူမ မျက်လုံးတွေက ကျွန်တော့်ထံရောက်လာပြန်ကာ ပိုမိုသည်းထန်စွာငိုကြွေးပြန်သည်။
YOU ARE READING
အတ္တစိတ် || ဘာသာပြန် ||『Completed』
Romance" ငါ ခွေးကို ကြည့်နေခဲ့တာမဟုတ်ပါဘူး။ ငါကြည့်နေခဲ့တာက မင်း " This is Fan Translation.