ဦးကျင်ကြွယ် သားကို ဆွမ်းကပ်ရန် ဘုန်းကြီးကျောင်းကို ရောက်တော့ သားက လူထွက်သွားပြီဆိုတာ သိလိုက်ရသည်။ သားက လူထွက်သွားပေမယ့် လုံးဝ အိမ်ပြန်မလာတော့ တစ်မိသားစုလုံး စိုးရိမ်နေရ၏။သို့သော် စိတ်ပူတဲ့သူများထဲတွင် ဒေါ်လေဒီမင်းတော့မပါ။
"ကိုကျင်ရယ် သားကို ရှာပါဦး... သားပျောက်နေတာ အခုဆို ၅ ရက် ဖြစ်နေပြီ ... သားတစ်ခုခု ဖြစ်ရင် ယု သေလိမ့်မယ် "
"ယုရယ် စိတ်တင်းထားပါဦး ..ကိုယ်တို့သားက ကလေးမှ မဟုတ်တော့တာ.. အသက် ၂၈ နှစ်ဖြစ်နေပြီလေ ကိုယ်လဲ ရှာနေတာပါပဲ "
"သားကို အကြာကြီး ခွဲပြီး ပြီ ...အခု ထပ်ပြီး မခွဲ နိုင်တော့ဘူး အဟင့် ...အဟင့် ..ရွှတ်"
ဦးကျင်ကြွယ်ရင်ခွင်ထဲ ဝင်ပြီး ဒေါ်ယုယမင်းခမျာ သားကြောင့် ပူဆွေးနေရသည်။
ပူဆွေးနေတဲ့ လင်မယားနှစ်ယောက်ရှိနေတဲ့ ရုံးခန်းထဲကို ဦးကျင်ကြွယ်ရဲ့ မိတ်ဆွေ တစ်ဦးက ဝင်ရောက်လာတော့ ဒေါ်ယုယမင်း ခမျာ မျက်ရည်များကို သုတ်ကာ အပြင်သို့ ဒေါ်လေဒီမင်းနဲ့အတူ ရှောင်ထွက်သွားလိုက်၏ ။အခန်းထဲ ဝင်လာသူမှာ ခေါ်စားတည်းခိုခန်းပိုင်ရှင် ဦးကက် ဖြစ်သည်။အရပ်က အရမ်းမရှည်သော်လည်း မွန်တိုင်းရင်းသားပီပီ ဝင်းဝါတဲ့ အသားအရည်ရှိပြီး ထူးခြားသည်က ဆံပင်အပြင် မျက်ခုံးမွှေးတို့က အစ ဖြူဖွေးသည်။
ဦးကက်ဟာ ဟိုတယ် လုပ်ငန်းအပြင် ဆန်လက်ကား ရောင်းဝယ်ရေးကိုပါ လုပ်ကိုင်တာကြောင့် ဦးကျင်ကြွယ်နဲ့ ရင်းနှီးတဲ့ ဆက်ဆံရေး ရှိသည်။
"အနှောင့်အယှက်ဖြစ်သွားရင် Sorry အကိုရာ "
"မဖြစ်ပါဘူးဗျာ... ဘာများ အလိုရှိလို့ပါလဲ"
"ဒီဘက်လာရင်း ဆန်ပါ လာမှာတာပါ ။ အရင်နှစ်က ဂိုထောင်ထဲ မိုးရေဝင်သွားတော့ ဆန်တွေက အောက်ပိုင်းတွေ တော်တော် ပျက်စီးသွားတယ်။ အဲ့ဒါကြောင့် ရောက်လက်စ နဲ့ တစ်ခါထဲ ဝင်လာလိုက်တာ အကိုရေ"
"ဝန်ထမ်းတွေ လွှတ်လဲ ရပါတယ်ဗျာ ...ဖုန်းဆက်လိုက်လဲ အသင့်ပဲဟာကို "
YOU ARE READING
Min Thant Ko Ko Maung + Maung {S1}(Completed)
Romance🔞🔞🔞 ချိုပြီး မှောင်တာကြောင့် Warning ကြိုပေးထားပါတယ်ရှင်။ 🚨🚨🚨ရှောင်တဲ့သူဆိုရင်တော့ မဖတ်ဖို့ အကြံပြုပါတယ်ရှင်။