“ ឆ្លៀតឱកាសសងសឹក ”
ផាំង! ផាំង!
សំឡេងផ្ទុះដ៏ខ្លាំងបានបន្លឺឡើងហើយអណ្ដាតភ្លើងឆាបឆេះយ៉ាងសន្ធោសន្ធៅបញ្ចេញផ្សែងងងឹតពេញមាឃ ស្របពេលជាមួយគ្នាឡានពន្លត់អគ្គីភ័យនិងឡានសង្គ្រោះក៏បានបើកមកដល់កន្លែងកើតហេតុភ្លាមៗផងដែរ។
ពន្លឺភ្លើងខៀវក្រហមរបស់ឡានសង្គ្រោះចាំងប៉ះកម្លោះក្រមុំមួយគូដែលកំពុងតែគ្រាគ្នាដើរឆ្លងកាត់ផ្លូវយ៉ាងត្រដាបត្រដួល ខណៈនៅខាងក្រោយខ្នងពួកគេគឺជាអណ្ដាតភ្លើងដែលឆាកឆេះយ៉ាងខ្លាំងព្រោះតែការផ្ទុះរបស់ឡាន សំណាងល្អដែល ដេរ៍ស៊ី ហ៊ានប្រថុយជីវិតរត់ចូលទៅជួយ ឡូវែល នៅនាទីចុងក្រោយ ទើបអាចអូសគេចេញមកខាងក្រៅបានមុនឡានផ្ទុះប៉ុន្មាននាទី។
« ជួយផង! » ដេរ៍ស៊ី ស្រែកសុំជំនួយពីក្រុមសង្គ្រោះដែលរត់ចូលមករកនាងនិងគេ។
ឡូវែល អាចឈរបានដោយសារតែពឹងផ្អែកលើកម្លាំងរបស់ ដេរ៍ស៊ី ដែលប្រឹងឱបគ្រាគេឡើងចង់ដួលសន្លប់ខ្លួនឯងទៅហើយ តែគេបែរជាមិននិយាយអរគុណនាងមួយម៉ាត់ គិតតែពីប្រើក្រសែភ្នែកចម្លែកសម្លឹងមុខរបស់នាងមិនដាក់ភ្នែក ទោះជាក្រុមសង្គ្រោះគ្រាគេដាក់គ្រែសង្គ្រោះហើយក៏គេនៅតែសម្លឹងនាងមិនដកភ្នែកដដែល។
ដេរ៍ស៊ី ត្រូវក្រុមសង្គ្រោះជួយគ្រាឲ្យឡើងឡានសង្គ្រោះទៅមន្ទីរពេទ្យជាមួយ ឡូវែល ដែរ។
« ខ្ញុំនឹងជួយឃាត់ឈាមឲ្យអ្នកនាងសិន » ភ្នាក់ងារសង្គ្រោះបន្ទន់ម្នាក់នៅក្នុងឡាន ឃើញដៃនាងហូរឈាមច្រើនពេកទើបចង់ជួយឃាត់ឈាមឲ្យនាងមុន។
« ជួយឃាត់ឈាមឲ្យគេមុនទៅ ខ្ញុំមិនអីទេ » នាងប្រាប់ភ្នាក់ងារសង្គ្រោះដោយយកកន្សែងមកទប់ឈាមដោយខ្លួនឯងហើយប្រាប់ឲ្យផ្នែកជួយឃាត់ឈាមឲ្យ ឡូវែល មុន ព្រោះគេរបួសធ្ងន់ជាងនាង។
« បាទ » ភ្នាក់ងារសង្គ្រោះតបហើយក៏ងាកទៅជួយឃាត់ឈាមឲ្យ ឡូវែល តាមសម្តីរបស់ ដេរ៍ស៊ី តាមពិតរបួស ឡូវែល ច្រើនកន្លែងមែន តែរបួសគេមិនសូវជាធ្ងន់ធ្ងរប៉ុន្មានទេ មានតែជើងរបស់គេប៉ុណ្ណោះដែលរងរបួសធ្ងន់ធ្ងរ តែមិនបានហូរឈាមច្រើនទេ ទើបភ្នាក់សង្គ្រោះចង់ឃាត់ឈាមឲ្យនាងមុន ប៉ុន្តែបើនាងប្រាប់ថាទ្រាំបានហើយ ចឹងគេឃាត់ឲ្យ ឡុវែល មុនទៅចុះ។
ឡូវែល លួចសម្លឹងដៃរបស់នាងដែលកំពុងហូរឈាមស្ទើរតែជោកកន្សែងដែលនាងយកទៅទប់ឈាម ហើយក៏ងាកមុខចេញ លួចថាឲ្យនាងស្ងាត់ៗម្នាក់ឯង÷
« ល្ងង់! »
YOU ARE READING
បញ្ឆោតស្នេហ៍ស្រីល្ងង់(ចប់) សេរីបញ្ឆោតស្នេហ៍វគ្គ១
Romanceដំបូងគេជាសុភាពបុរសជិះសេះសបន្ទាប់មកគេក៏ប្រែក្លាយជាស្តេចបិសាចដ៏កាចសាហាវបំផុតសម្រាប់នាង គេដោះរបាំងមុខសុភាពបុរសរបស់គេចេញនៅពេលទទួលបានគ្រប់យ៉ាងតាមចិត្តប៉ងប្រាថ្នារបស់គេហើយ...ទង្វើល្អៗនិងក្តីស្រលាញ់ដែលគេធ្លាប់និយាយកន្លងមកសុទ្ធតែក្លែងក្លាយ។ ដេរ៍ស៊ី ហាលី នាង...
