Rebirth As Khattar (ခတ္တာအဖြစ်ပြန်လည်မွေးဖွားခြင်း)Completed

အပိုင်း ၄၁

(၁လ  ခန့်ကြာသော အခါ)

ဘထွေး ရွာပြန်လာမှာဖြစ်သောကြောင့်ခတ္တာပျော်နေမိသည်။ ဦးမျိုးဆက်ထင်သတင်းတွေရော အရီးစုံတို့အေးမြတို့ယှဥ်ယှဥ်တို့အကြောင်းတွေကိုခတ္တာသိချင်သည်မလို့တမျှော်မျှော်ဖြစ်နေရသည်။လွန်ခဲ့တဲ့ရက်ပိုင်းကမေရီပေးတဲ့စာ အိမ်ကလူတွေပေးတဲ့စာရယ် လူကြုံနှင့်ခတ္တာရခဲ့သည်။

မေရီဟာသီတင်းကျွတ်အခါကျ ခတ္တာအားမြို့သို့အလည်လာရန်ခေါ်ပြီး ဝင်းကိုနှင့်တွေ့ကြောင်း ဝင်းကိုဟာသူ့အဖေရဲ့စက်ရုံတွင်အလုပ်ဝင်လုပ်နေ၍ လိမ္မာနေကြောင်းပြောထားတော့ ခတ္တာဝမ်းသာရသည်။ဦးမျိုးဆက်ထင်ရဲ့ဒဏ်ရာ ဟာလည်းအတော်လေးသက်သာနေပြီဖြစ်ကြောင်းလဲပြောသေးသည်။ ယဥ်ယဥ်ကတော့ခတ္တာအပေါ်အပြစ်လုပ်ထား၍တောင်းပန်သည့်ကြောင်းနှင့် ဦးမျိုးဆက်ထင်ကယဥ်ယဥ့်အားသတိသာပေးခဲ့ပြီး အလုပ်မထုတ်ခဲ့ပါဘူးတဲ့။

ခတ္တာယဥ်ယဥ့်အားနားလည်ပါသည်။အဲ့ဒီအချိန်တုန်းက သူ့အမေနေမကောင်းလို့ရွာကိုငွေထပ်ပို့ချင်တယ်ပြောလို့ခတ္တာတောင် စုထားတဲ့ထဲကနည်းနည်းပေးခဲ့သေးသည်။ သို့ပေမယ့် ရေဆာနေတဲ့လူကို ဘာရေပဲဖြစ်ဖြစ်လာတိုက်တဲ့အခါမစဥ်းစားမိပဲသောက်မိတာဟာဖြစ်လေ့ဖြစ်ထရှိတဲ့အရာပါပဲ။ယဥ်ယဥ်ဟာရိုးသားတဲ့ကလေးမလေးပီပီသူ့အမှားကိုကြာကြာမဖုံးနိုင်ပဲဖွင့်ပြောတာကိုပဲ သူ့အတွက်ခတ္တာဂုဏ်ယူရသည်။

အော်...ကျော်ကျော်နဲ့အေးမြဟာလည်းချစ်ကြိုက်နေပြီဖြစ်ပြီး ဝါကျွတ်လျှင်ရွာတွင်မင်္ဂလာပြန်ဆောင်ကြမည်တဲ့။

ခတ္တာပျိုးခဲ့သည့်ပန်းရုံလေးဟာလည်းထပ်ချဲ့လိုက်ပြီဖြစ်ပြီး ဦးမျိုးဆက်ထင်ကိုယ်တိုင်အပင်တွေကိုဂရုစိုက်နေသည့်အကြောင်းရယ် ထပ်ပျိုးထားတဲ့ နှင်းဆီပန်းတွေအားလုံးဟာ အဖြူရောင်တွေပဲဖြစ်၍ လှမ်းကြည့်လိုက်တာနဲ့လှလွန်းသောကြောင့်မေရီတစ်ပွင့်လောက်ခိုးခူးတာ မိသွားလို့ဦးမျိုးဆက်ထင် ရဲ့အဆူခံရပြီးအိမ်ပြန်ပို့ခံရကြောင်းလဲရေးထားသည်။ဘယ်လောက်တွန့်တိုတဲ့လူကြီးပါလဲ။

မေရီရေးထားတဲ့စာဟာ ၃မျက်နှာတောင်ဖြစ်ပြီးအိမ်ရှိလူနေမှာတဲ့စကားများ သူတို့အကြောင်းများနှင့်သတိရကြောင်းများပါပါသော်လည်း ထိုလူတွေထဲတွင်ဦးမျိုးဆက်ထင်တော့မပါခဲ့။ဟုတ်ပါရဲ့ ဘယ်လိုများသတိရပါမလဲ ခတ္တာဟာအဲ့လောက်ကြီးအရေးပါနေတဲ့သူမှမဟုတ်တာ သူကလဲသူ့အလုပ်တွေနှင့်သူကို။နေကောင်းကျန်းမာကြောင်းသိရတဲ့အခါခတ္တာပျော်ရပါသည်။ ဒီ၁လအတွင်းအားလုံးဟာပြောင်းလဲနေခြင်းပင်။