Angel's POV
"Aahh god Max. Ang sakit." Daing ko habang pinapahiran nito ng betadine ang sugat ko sa tuhod. Nakaupo kami sa sofa habang nakapatong ang isa kong binti sa hita nito.
"Ang oa mo naman love. Hindi naman to masakit eh." Hinihipan naman nito ang sugat pero mahapdi parin talaga.
"Sipain kaya kita. Anong hindi masakit? Kita mo nga oh may dugo pa." Naiiyak na talaga ako. Bakit ba kasi hindi ko nakita ang nakaharang na paso sa likod ng bahay.
"Love tumahimik ka nga muna pwede ba? Paano kita magagamot kung daldal ka ng daldal."
Binato ko sya ng maliit na unan sa ulo. "Dahan-dahan naman kasi. Wag mo namang idiin masyado, lalo lang sumasakit --"
"Hindi ka ba talaga tatahimik? Gusto mo lagyan ko to ng alcohol?"
Namilog ang mata ko. "Subukan mo lang Max. Kahit masakit tong paa ko talagang sisipain kita."
Mukha naman itong natakot at hindi na umimik. Pinagpatuloy nito ang ginagawa. Tinakpan ko naman ng unan ang mukha ko. Nakakainis, bukas na bukas din ipapalinis ko ang likod ng bahay.
Tiniis ko ang hapdi ng sugat. Inaamin ko, matapang ako sa lahat ng bagay pero pagdating sa dugo suko talaga ako.
"Yan, ok na. Wag ka munang malikot ha. Dapat nakahiga ka lang o kaya naka-upo para hindi sumakit. I'm sure bukas magiging ok na yan kahit paano."
"Baka magka-peklat ako nito." Binaba ko ang binti ko. Naka-plaster na ang sugat ko.
"Sus, ang liit lang nyan love. Ok lang naman magkapeklat ka. Tanggap ko naman kahit gaano pa kalaki ang maging peklat mo."
Hinila ko ang damit nya para lumapit sya sa tabi ko. "Aba dapat lang Max. Pero ang pinupunto ko naman dito ay yung legs ko. Papangit na to."
"Ang arte naman." Tumayo ito. "Halika ka nga, sa kwarto muna tayo." Inalalayan nya ako para tumayo.
"Ouch. Ang sakit." Kumapit ako sa kanyang batok.
"Dahan-dahan lang kasi love." Binuhat nya ako. "Ang bigat mo na. Magdiet ka nga."
Naiinis akong umirap. "Kung ganun ibaba mo ako. Maglalakad na lang ako."
"Di kana mabiro love noh? Joke lang. Ang gaan-gaan mo kaya. Para lang akong nagbubuhat ng isang sakong bigas." Tumawa pa ito.
Hindi naman ako natawa sa sinabi nya. Minsan totoo pa naman ang sinasabi nya pero binabawi na lang sa joke para hindi ako magalit.
Pagkarating namin sa kwarto agad nya akong binaba sa kama. Para naman itong napagod at humiga sa tabi ko.
"Love?"
"Oh?" Umayos ako ng upo at sumandal sa head board.
"May sasabihin sana ako sayo pero promise wag kang magagalit ha?" Umusog ito at umunan sa isang hita ko. Hindi naman masakit dahil nasa kabilang binti ang sugat.
Hinaplos ko ang kanyang buhok. "Siguraduhin mo lang na hindi yan babae."
"Ha? Eh yun na nga love. Babae yung ikukwento ko eh."
"Babae? Sino naman yan?" I tried my best not to over act right away.
"Kasama ko sa hospital. Si Kathy --"
Biglang umahon ang selos sa dibdib ko. "Kathy? Max don't tell me --"
"Patapusin mo nga muna ako love."
Pigil na pigil ang kamay ko na nasa buhok nya. Magkamali ka lang ng isang salita at sasabunutan ko talaga tong buhok mo.
"Relax ka lang, hindi naman to tungkol sa akin. Tungkol to sa nakita ko."
