The Perfect Wife [COMPLETED]

Chapter 46- No Proofread

*******

She is not normal anymore. She's much stronger. She has gone outrageous. More physically, mentally and emotionally numb. Her velocity has leveled up, and flexibility maximized. She lost her heart, her emotions upon witnessing the death of her twin brother and only child. She is not the Reese everyone has ever known. She isn't her already.

Isang malakas na suntok ang pinakawalan niya at nung oras na tumama iyon sa tiyan ni Aisha ay tumalsik ito ng ilang metro palayo sa kanya.

Alam na ng kalaban na wala itong panalo kahit ano'ng gawin nito. Madalas ay umiilag ito o di kaya ay napapasangga na lamang ngunit dahil sa likas na liksi ni Reese ay kaagad itong nakakapag-atake ng sunod-sunod kahit ano'ng gawin niyang pagdepensa sa sarili.

Hindi pa man siya nakakabangon ay nasa harap niya na ulit si Reese at nasakal siya nito sa leeg. Isang kamay lamang at nagawa siya nitong iangat sa ere. Inilapit nito ang mukha sa kanya at iniuntog ng malakas ang kanilang mga noo. Binitawan siya nito at nilingon ang sumubok na tamaan siya ng bala sa kaliwang braso at dalawang binti.

"Bitch!" Hiyaw ni Aisha. Sa impact ng pagkakabunggo ng mga noo nila at dala ng pagod ay bigla itong bumagsak.

Nanlaki ang mga mata nila ng makitang kusang lumalabas ang mga bala sa parte ng kanyang katawan na tinamaan. Umano'y ipinilig niya ang ulo ng makita ang sarili sa kusang paglabas ng mga bala at sa ikling panahon na paghilom ng kanyang mga sugat.

Isa-isa niyang tinapunan ng tingin ang dalawang babae at segundo ang pagitan nang mabilis niyang nabali ang leeg ng nasa kanang gawi niya. Ang nasa kaliwa naman ay sinipa niya sa batok at bumaliktad ito bago bumagsak sa lupa. Isang tama dito ay binawian kaagad ito ng buhay.

Napansin niyang may mali sa kanyang katawan at iyon ay nang maramdaman niya ang nakapulupot sa kanya. Isang hatak lang sa kadena ay nakalas kaagad ang pagkakagapos nito. Tinakbo niya ang distansya ng gumawa nun sa kanya na kasing bilis ng kidlat ang pagsuntok niya dito na napasuka ito ng dugo. Hindi siya nakuntento sa simpleng suka kaya hinuli niya ang leeg nito at hinampas sa naka squat na kanang tuhod. Pagkatapos ay parang walang nangyari na tumalikod siya at naghanap ng bagong papatayin.

Saktong nakabalik siya sa pwesto ni Aisha ay kaagad silang naglaban sa ikalawang pagkakataon.

Gigil ang dalaga na mapabagsak si Reese. Nang sandaling makalayo siya dito ay may dinukot siyang hiringgilya sa magkabilang gilid ng kanyang boots. Desperada na siya kung kaya ay itinurok niya ang lahat ng laman nun sa kanyang hita.

Nahatak siya ni Reese sa buhok at binigyan ng malakas na sampal na nagpatilapon sa kanya. Napabaluktot siya nang maglandas ang likido sa kanyang katawan. Ramdam niya sa buong kalamnan ang naging epekto ng gamot sa kanya. Bumakat ang litid sa mukha na sumentro din sa kanyang mga mata. Namumula ang mga iyon at halos magdugo sa sobrang droga.

Bago siya tuluyang nalapitan ni Reese ay may ilan pang pumagitna. Sapat na oras upang tuluyang makabawi ang kanyang katawan.

Napako ang atensyon ng ilan sa mga nakasaksi ng pagbabago ni Aisha. Napangisi ito na sinalubong ang mga titig ni Reese. Napalayo siya dito nang may ilang sinubukan itong labanan ngunit mukhang kay Aisha lamang napako ang kanyang atensyon.

*******

Naibagsak na sa wakas ang mga clone ng dalaga at siya na lang ang nananatiling malakas at buhay. Iniutos ni Zander na patayin na ang kanyang mga clone upang unti-unting mapigilan ang pagdami ng mga napapatay ng mga ito. Sinang-ayunan iyon nina Beth at Hideo dahil wala na rin silang maisip na ibang paraan upang mapabagal si Reese.

Halata sa mukha ni Zander na hindi na ito nasisiyahan sa mga nangyayari. Ubos na din ang pasensya nito. Sobra-sobra na ang problemang naidulot ng sigalot sa pagitan nina Aisha at pamilya ni Vhon.