اسى الهجران

٤٧

بيت محمد بن مشعل
غرفة العنود

حينما طلبت لطيفة من موضي أن تتصل بالعنود لتتأكد من حجز خبيرة التجميل
ارتعبت موضي وهي تشم في صوت العنود رائحة بكاء تحاول إخفاءه
لذا قررت أن تتوجه لبيت عمها
رغم انشغالها وأن عندهم عشاء رجال ضخم بمناسبة عودة مشعل ووالاحتفال بزواجه في آن

وهاهي الآن في غرفة العنود التي ما أن رأتها حتى انخرطت في البكاء
وكأنها تحتاج إلى من ينبش قشرتها الرقيقة المتهاوية

موضي بلطف: حبيبتي العنود.. ممكن تقولين لي ليش تبكين؟؟

العنود تشهق: فارس.. فارس..

موضي برعب: وش فيه فارس؟؟

العنود تشهق أكثر: يغازل

ثم ألقت بنفسها على السرير وهي تبكي بشكل أحد..

موضي لم تستطع أن تمنع نفسها من الضحك وهي تربت على ظهر العنود:
قومي قومي يالخبلة
تدرين؟؟.. قولي لي.. إبي عبدالله بن مشعل يغازل أقول لش يمكن
بس فارس مستحيل.. لا تصيرين هبلة

العنود مازالت تبكي: أنا شايفته بعيني يكلمها وباقي تقعد في حضنه..

وحكت العنود الحكاية كاملة كما شاهدتها

موضي تشد العنود وتجلسها وتقول لها بحنان: أكيد أنتي غلطانة
فارس مستحيل يسويها..
ثم غمزت موضي وهي تقول بمرح: وبعدين ليش تصيرين صكة كذا؟؟
خليه يودع العزوبية..

العنود تشهق: حرام عليش موضي.. أحر ماعندي أبرد ماعندش

موضي بعذوبة: عشان ترتاحين الحين بأدق على فارس وأنتي تسمعين

العنود برعب: لا لا لا

لكن موضي لم تستجب لرفضها وهي ترن على فارس

وقتها فارس كان في سيارة مشعل متوجها للمطار لاستقبال مشعل
حتى يعود مشعل مع زوجته في سيارته
ويعود فارس مع ناصر..

فارس التقط هاتفه وهو يبتسم: هلا والله بالشيخة موضي
لا تخافين رايح أودي سيارة أخيش
خلاص راحت علينا جا حبيب القلب

العنود قلبها يرتعش بعنف
ويكاد عرقها يتصبب حرا في برودة ديسمبر
وهي تسمع صوته الخشن العميق عبر (السبيكر) المفتوح

موضي تبتسم: خلك من البربرة.. يقولون صادينك تغازل

فارس بغضب: اقطعي واخسي.. ماعاد إلا فارس بن سعود يخربط

موضي تنظر للعنود وتبتسم وتكمل حوارها مع فارس:
اليوم في لونوتر شايفين البنت باقي تقعد في حضنك

فارس بغضب: تدرين موضي.. مهوب شغلش..
ومهوب أنتي اللي تجين تحاسبيني
وأنتي حسابش معي ياقليلة الحيا

موضي توترت وشعرت أنها ربما تكون أخطأت بالاتصال والعنود تسمع
لذا حاولت أن تسحب التوتر: ولا حتى المدام لها حق تحاسبك وهي شايفتك بنفسها؟؟