Secrets Beyond the Stars

EPILOGUE🌿✨

Lahat naman tayo sa buhay mayroong bagay na hinihintay.

Madalas, itong mga bagay na 'to ay yung mga bagay na talagang sinasabi ng ating puso.

Sabi nga nila, hindi ka naman maghihintay sa isang bagay na hindi mo naman naramdaman na para sayo.

Pero minsan din dumarating tayo sa punto kung saan mapapagod tayo. Minsan, maiisip natin na baka hindi talaga ito ang inilaan ng Diyos para sa atin. Minsan, nagdududa rin tayo kung talaga nga bang darating pa yung hinihintay natin o sadyang umaasa na lang tayo sa isang bagay na kahit kailan ay hindi naman matutupad.

Madalas yun yung nagiging dahilan para sumuko tayo sa paghihintay at paglaban natin sa buhay. Hindi natin alam, ibibigay rin naman pala sa atin kung talaga lang na maniniwala ka.

Kasi hindi ka naman makakaramdam ng determinasyon umpisa pa lang kung talagang walang dahilan para umasa ka.

Pag sumuko ka ibig sabihin non hindi talaga yun para sa iyo dahil ibinibigay lang naman sa atin ang pag asa kung talagang nakalaan yun na isang araw ay makuha mo.

At kung lumaban ka, kahit na gaano pa kahirap, ibig sabihin lang non, may dahilan kung bakit lumalaban.

May dahilan kung bakit kahit na nakakapagod maghintay, nananatili ka.

Ito ang natutunan ko sa kwento namin ng taong kasama kong naghintay,lumaban at naniwala.

Ang taong inakala ko rin noon na hindi talagap para sa akin pero sa huli, siya pa rin ang ibinigay sa akin para makasama ko.

Dahil siya, ang greatest waiting ko.

"Pack up na po tayo! Salamat po!"

"Ma'am Angge! Naku ang galing niyo po sa closing prod niyo! Ang bongga niyo pa rin po talaga!"

Matamis akong ngumiti sa bumati sa akin na isa sa mga production assistant namin nang makababa na ako ng stage.

Katatapos lang ng show namin at ako ang nagperform para sa closing production number.

"Ay thank you po Kuya!" masiglang tugon ko naman.

"Naku hanggang ngayon pa rin talaga wala ka pa ring kupas. Iba pa rin talaga ang power ng nag iisang Angeline Quinto." sabi pa nung isa sa mga staff namin.

I smiled.

Ang sarap marinig na hanggang ngayon ay marami pa ring humahanga at naniniwala sayo kahit na lumipas na ang maraming taon.

Yun naman talaga ang ibig sabihin ng buhay showbiz.

"*ehem* Correction. Angeline Quinto-Santos. Mrs. Santos."

Bigla naman akong napatingin sa likuran ko nang marinig ko kung sino yung nagsalita kahit na boses pa lamang niya ay kilalang kilala ko na.

As in kilalang kilala. E paano ba namang hindi ko siya makikilala diba?

Asawa ko siya.

"Suuus eto nanaman po ang lovebirds ng show. Oo na po Mr. Santos, misis mo nga, hindi na kami kokontra." sabi pa nung staff na kausap ko sabay medyo tumawa pa.

Naramdaman ko namang tumawa din ang nasa tabi ko pagkatapos ay inakbayan ako.

"Aba dapat lang. Diba Mrs. Angeline Quinto... Santos?" sabi niya at tinaas baba pa ang kilay habang nakatingin sa akin.

Hindi naman agad ako sumagot sa sinabi niya bagkus ay tinitigan ko lang siya habang nakangiti kaya naman natawa siya.

"Oh hindi ka na nakasagot dyan. Hmmmn, sabi ko naman sayo diba huwag masyadong halata na inlove ka sa akin? Alam nating lahat yan pero huwag mo ipagalata, Love." mapanuyang sabi niya nang may kasama pang pagsmirk kaya ako naman ang tumawa.