" ဘာလုပ်နေလဲ... "
ရင်ခွင်ထဲ အတင်းတိုး၀င်လာတဲ့ အောင်မြင်ဖြိုးဦးရဲ့ချစ်မ၀လေး။
" ကိုယ် ရေမချိုးရသေးဘူး.. ခဏလေး... "
" ညက ချိုးတယ်မလား.. မချိုးလဲ ကိုကိုကမွှေးနေတာပဲကို... "
" ဗိုက်ဆာပြီလား.. ထမင်းနဲ့ ကြက်သားကြော် ရှိတယ် ကော်ဖီဖျော်ထားတယ်... "
" အင်း.. စားတော့မယ်... "
ထမင်းစားပွဲမှာ ၀င်ထိုင်စားရင်း အစားတဖက် ဖုန်းတဖက်နဲ့။
" အရင်စား ဖုန်းနောက်မှကြည့်ကွာ"
အင်း ဆိုပြီး ထမင်းသုံးဇွန်းလောက် တခါထဲ ပါးစပ်ထည့်ကာ ဖုန်းဆက်ကြည့်သည်။
ထမင်းကုန်တော့ နောက်တခါ သုံးဇွန်းလောက် ထပ်စားပြန်သည်။
" ကောင်းကောင်းစားစမ်းပါကွာ... "
" ကုန်ပြီ.. ကောင်းကောင်းစားခဲ့ရပါတယ်.. ကျေးဇူးတင်ပါတယ်... "
" ဒီနေ့ ဘယ်သွားစရာရှိလဲ "
" မရှိပါဘူး.. အိမ်မှာပဲနေမှာ... "
" ကိုယ် အပြင်ခဏသွားလိုက်ဦးမယ်နော်.. နေ့လည်ထမင်းစားချိန်အမှီ ပြန်လာခဲ့မယ်"
" အိုကေ..."
" မအိုကေပါဘူး.. Morning kissမှ မရသေးပဲ... "
ပါးကို လက်ညှိုးထိုးပြတော့ ဆီပေနေတဲ့ နှုတ်ခမ်းကို တစ်ရှုးနဲ့ သေချာ သုတ်ပြီး ပါးကို နှုတ်ခမ်းလေးနဲ့ ထိရုံလေး ထိပြီး အခန်းထဲ ပြန်ပြေး၀င် သွားပါတော့သည်။
.
" ဟာ အရှုပ်ထုတ်လေး လိုက်တာလား.. ကျောင်းမသွားဘူးလား... "
ရုံးခန်းထဲ ၀င်၀င်ချင်း အလင်းရဲ့တူလေးကို တွေ့လိုက်ရသည်။
" အရှုပ်ထုတ် မဟုတ်ဘူး.. မင်းကျေးဇူးရှင်ကွ... "
" ဘယ်နှစ်တန်းရောက်ပြီလဲ.. လာပါဦး.. ကိုကြီးဆီ... "
ကလေးကို ပွေ့ချီလိုက်မိတော့ ကလေးကိုယ်လေးက ခပ်နွေးနွေးလေး။
" သားသားက တတန်းရောက်ပြီ.. သားသားက ဖျားနေတာ မချီနဲ့ အောက်ချပေးပါ..."
YOU ARE READING
Gladioli
RomanceNo Description Here... BOY × GIRL Myanmar Fiction Own creation Start - 14.03.2020 End - 15.09.2020
