" ကိုကိုရော ဟင်... "
" အာ.. ရှိတယ်ဗျ ... "
ကိုကိုတို့ ရုံးက ၀င်၀င်ချင်းညာဘက်ခြမ်းက Lobby, ကပ်လျက်အခန်းက meeting room, ဘယ်ဘက်ခြမ်းမှာ kitchen အသေးစားလေးရယ်... နောက်ပြီးတော့ အပေါ်ထပ်ကို တက်သွားရင် သုံးယောက်ရဲ့ ရုံးခန်းရှိသည်။
အခုက ကိုလင်းရောင်ဦးနဲ့ ကိုထက်နေက lobbyမှာ ထိုင်နေကြပြီး ကိုကိုပဲ မရှိတာ။
ပျာယာခတ်သွားတဲ့ ပုံစံကြောင့် တခုခုတော့ တခုခုတော့ တခုခုမှန်း သိလိုက်၏။
" အပေါ်မှာလား.. ကျွန်မ တက်သွားလိုက်မယ်နော်... "
" ဟို ခဏ ခဏလေးပါ.. ဧည့်သည့်
နဲ့ စကားပြောနေလို့... "အပေါ်တက်ဖို့ ဟန်ပြင်နေတဲ့ ပြည့်ကို လက်မဆွဲရုံတမယ် တားနေကြတာ။
" ဘယ်လို ဧည့်သည်မို့ ရုံးခန်းထဲထိ ခေါ်တွေ့ရတာလဲ.. Clientလား.. အဲ့တာဆို ဘာလို့ ရှင်တို့နှစ်ယောက်က ... "
" ဟို.. အောင်မြင်ဖြိုးဦး ဧည့်သည်ပါ..
နေ နေပါဦး... "စကားဆုံးအောင် နားမထောင်ပဲ အပေါ်တက်လာခဲ့သည်။
အသက်၀၀ရှုပြီး တံခါးကို သုံးချက်ခေါက်လိုက်၏။ မမြင်သင့်တာတွေ မြင်နေမှာစိုးလို့။
ကိုကိုနဲ့ မျက်နှာချင်းဆိုင်မှာ ထိုင်နေတာက ပြည့် အပြင်မှာ မမြင်ဘူးပေမယ့် မြင်ဘူးနေကျ မိန်းမ။
" ကိုကို.. အော် ဧည့်သည်ရှိနေလား... "
" ပြန်တော့မှာပါ.. လာထိုင်လေ... "
ကိုကိုက ပြည့်ကို မြင်လိုက်တော့ အံ့ဩသွားသလိုနဲ့ ချက်ချင်းပဲ ပြုံးရယ်လာသည်။
" ရပါတယ်.. ဧည့်သည်နဲ့ စကားဆက်ပြောလေ... "
မိတ်ဆက်ပေးဖို့ မစဉ်းစားလို့ကတော့ အတွေ့ပဲ။
" ကိုယ် မိတ်ဆက်ပေးမယ်.. လာ"
ထိုင်ရာကနေ ပြည့်ရပ်နေတဲ့ အခန်းတံခါးနားထိ လျှောက်လာပြီး ပြည့်လက်ကိုဆွဲကာ ထိုင်ခုံမှာ ပြန်ထိုင်သည်။
" ဒါ ကျနော့်ကောင်မလေးလေ.. Singaporeမှာတုန်းက ဓာတ်ပုံပြဘူးတယ် ထင်တယ်... "
YOU ARE READING
Gladioli
RomanceNo Description Here... BOY × GIRL Myanmar Fiction Own creation Start - 14.03.2020 End - 15.09.2020