Warning : အသက် (၁၆)နှစ် မပြည့်သေးသူများ ဖတ်ရှုရန်မသင့်တော်ပါ။.
.
.ပထမဆုံးရက်မှာတင် အာပေါက်မတက် စာသင်လိုက်ရတာမို့ တော်တော်ကို ပင်ပန်းသွားပြီ။
သက်သာသလိုနေခဲ့တာ အချိန်ကြာခဲ့ပြီ။ပင်ပန်းတဲ့ အလေ့အကျင့်မရှိတော့တာကြောင့် အရမပင်ပန်းတာပဲ။
ညစာစားပြီးနောက် အိမ်ရှေ့မှာ မောင်နှမသုံးယောက် ရန်ဖြစ်နေကြသည်။ စကားပြောတာ မဟုတ်ဘူး၊ ရန်ဖြစ်တာ။
" ငယ်လေး.. နင် ငါ့ကို မခန့်လေးစားလုပ်တာ များပြီနော်... "
" လုပ်တော့ ဘာဖြစ်လဲ... "
" ကြည့် ကြည့်.. ငါလုပ်လိုက်ရ သေချင်လို့... "
" လုပ်ကြည့်ပါလား.. မေမေနဲ့ တိုင်မှာပေါ့... "
မျက်နှာပေးကအစ လုံး၀မခန့်လေးစားနဲ့။
" နင့်အမေကလဲ ငါ့အမေပဲ.. လာမကျယ်နဲ့... "
" ကျယ်တယ်ဗျာ.. နားညီးတယ်... "
" ငါက ပိုနားညီးတယ်ဟဲ့... "
" နားညီးရင် ဒီနားမလာနဲ့.. ကိုယ့်အခန်းထဲကို သွား... "
အေး။
အဲ့ဂိမ်းပဲ ဆဲလိုက် ဆော့လိုက်ကြ။ရေခဲသေတ္တာထဲက သူ့Colaဘူးကို ယူသောက်မိလို့ ပြဿနာရှာပြီး မခန့်လေးစားတွေ လာပြောနေတာ။
" အခန်းထဲ မ၀င်ခင်.. Cola ပြန်၀ယ်ပေးဦး... "
" မ၀ယ်ဘူး.. နင့်ဟာနင်သွား"
အကြီးကောင်ကပါ သူ့ညီဘက်က။
" မမက ကလေးဟာလဲ ယူသောက်သေးတယ်.. ပြန်၀ယ်ပေးလိုက်လေ.. ကလေးကို ညကြီး အပြင်မထွက်ခိုင်းပါနဲ့"
" နင် သွားလေ.. နင်သွားလိုက်... "
ညရှစ်နာရီကျော်နေပြီ မှောင်နေပြီကို ငါ့ကိုကျ တယောက်ထဲ အပြင်ထွက်ခိုင်းတယ်ပေါ့။ မြန်မြန်ကို ယောက်ျားယူပစ်ဦးမှာ။
YOU ARE READING
Gladioli
RomanceNo Description Here... BOY × GIRL Myanmar Fiction Own creation Start - 14.03.2020 End - 15.09.2020