" သဲ နေကောင်းရဲ့လား... "
ဘုရားဆွမ်းတော်ကပ်ဖို့ အပေါ်ထပ်က ဘုရားခန်းကိုအလာ ကိုကိုက သူ့အခန်းလေးထဲကအထွက် လှေကားမှာ ဆုံကြသည်။
" ဟုတ်.. Breakfastစားပြီးရင် Companyသွားမှာမလား... "
" သဲကရော ဘယ်မှမသွားဘူးလား... "
ညထဲက သဲဆိုတဲ့ အခေါ်အဝေါ်လေးက နားထဲက မထွက်ဘူး။ ကိုကိုက ခပ်တည်တည်နဲ့ ခေါ်လာတော့လဲ ပြည့်ကလဲ ခပ်တည်တည်ပဲပေါ့။
" မေမေ့ဆီသွားရမှာ.. မေမေက လာခဲ့ဦးတဲ့... "
" ကိုယ်ပြန်လာရင် ဘာစားချင်လဲ ဘာ၀ယ်ခဲ့ရမလဲ..."
" Pizza... "
" ၀ယ်ခဲ့မယ်.. ဆိုင်ကယ်နဲ့သွားရင် ဂရုစိုက်သွားနော်.. Bye bye ကိုယ်သွားပြီ..."
ပြည့်လဲ ဘုရားဆွမ်းတော်ကပ်ပြီးတာနဲ့
မေမေ့ဆီ ထွက်လာလိုက်သည်။ဆိုင်လာခဲ့ဆိုပြီး ဆိုင်ရောက်မှ ဒီနေ့ဆိုင်မလာဘူး အိမ်လာခဲ့ဟု ဖုန်းဆက်လာ၏။
" မမ... "
အိမ်ရှေ့ရောက်လို့ ဆိုင်ကယ်ဒေါက်မထောက်ရသေးဘူး အငယ်လေးက အလန့်တကြားနဲ့ လှမ်းခေါ်သည်။
" ဘာလဲ... "
" ဟို.. ဟိုလေ... "
" ဘာလဲဟ... "
" မေမေက မေးလို့ဖြေလိုက်တယ် မမနဲ့ ကိုကြီးအကြောင်းကို... "
ငယ်လေးက ပြည့်ဆီက ဆူခံရမှာ တအားကြောက်နေပုံပဲ။ မျက်နှာငယ်လေးနဲ့။
" ဘာမှမဖြစ်ဘူး.. မဟုတ်လဲသိရမှာပဲ.. ကိစ္စမရှိဘူး... "
" မေမေက စိတ်ဆိုးနေတယ်.. သားတို့ကို မမမှာ ကောင်လေးရှိတဲ့အကြောင်း မပြောပြလို့တဲ့... "
" မမ ပြောပေးပါ့မယ်.. မကြောက်နဲ့နော်"
" မနက်ဖြန် မမဆီ ပြန်လာတော့မယ်.. ဒီမှာ ပျင်းစရာကြီး... "
" လာခဲ့... "
" ဟိုမောင်နှမနှစ်ယောက် အိမ်ထဲ မ၀င်ပဲ ဘာလုပ်နေတာလဲ! "
မေမေက အိမ်ထဲကနေ လှမ်းအော်လိုက်တော့ နှစ်ယောက်သား အိမ်ထဲအမြန်၀င်ရသည်။
YOU ARE READING
Gladioli
RomanceNo Description Here... BOY × GIRL Myanmar Fiction Own creation Start - 14.03.2020 End - 15.09.2020