The Ruthless CEO (Savage Beast #4)

Chapter 6

Boyfriend

Ang lakas ng pagtatambol sa aking dibdib. Nagpabalik balik ang tingin ko sa message na natanggap ko at sa kay Senyorito baby. Ilang beses ko iyong ginawa hanggang sa makita ko kung paano ito tumingin sa malayo habang pinagpapatuloy ang pagsimsim niya sa kanyang kape.

Hindi pwedeng siya ito! Wag kang assumera Tathi! Napanguso ako. Nagangat ako ng tingin sa kaharap kong si Aaron ng marinig ko ang kanyang pagngisi. Tinaasan ko siya ng kilay. Hindi naman sa nagtataray ako, medyo kabado pa din.

"You're cute, even with the pouting part"  nakangising sabi niya pa sa akin. Bayolente akong napalunok, hindi ko maipagkakailang uminit ang pisngi ko dahil duon. First time ko lang mapansin ng mga lalaki, ngayon lang may nagsabi na cute ako.

"Ah...hindi naman po" pagtanggi at pagiinarte ko.

Muling bumagsak ang tingin ko sa aking cellphone. Nagtipa ako ng reply sa unknown number.

Ako:

Sino ka?

Halos manginig ang kamay ko habang ibinababa ko ang cellphone pagkapindot ko ng sent button. Bahagya akong sumulyap kay Senyorito baby, nahigit ko ang aking hininga ng makita kong nakakunot ang kanyang noo habang nakatingin sa kanyang cellphone ngayon. Nanlaki ang mga mata ko ng bigla itong tumingin sa akin, nanlilisik ang kanyang mga mata.

"May cellphone ka na pala, pwedeng mahingi ang number mo?" puna ni Aaron sa aking hawak na cellphone. Bumaba din ang tingin ko sa cellphone ko, wala pa din ako sa aking sarili.

"Ah...sige"

Kinalikot ko ang aking cellphone para hanapin ang number ko, hindi ko pa iyon kabisado kaya naman kailangan ko pang hanapin sa contacts. Nakita ko ding kinuha ni Aaron ang mamahalin niyang cellphone sa kanyang bulsa. Bubuksan ko na sana ang contact button ng muli akong makatanggap ng message mula sa parehong number.

Unknown number:

Don't give your fucking number.

Kumunot ang noo ko. Sino ba ito?

"Here, type mo na lang" nakangising sabi ni Aaron sabay abot sa akin ng cellphone niya. Hindi ko pa man tuluyang nakukuha iyon ng muli akong nakatanggap ng message. Shuta, andaming load ah.

Unknown number:

Sige, Tathriana. Subukan mo!

Halos manlamig ang tiyan ko dahil sa hangin. Napakagat ako ng pangibabang labi ko. Sino ba ito? Kung makapagbawal sa akin ay parang Papa ko!

Ako:

Papa? Bago number mo?

Ilang minuto matapos kong isend iyon ay pareho kaming napaiktad ni Aaron ng padabog na umalis si Senyorito baby sa kanyang inuupuan. Nagmartsa ito papasok sa bahay. Hindi ko matanggal ang titig ko sa kanya. Parang manununtok ah!

"Isa pang kape!" galit na sigaw niya. Napakagat ako sa aking pangibabang labi. Sigurado akong natataranta na ang mga nasa kitchen dahil sa kasungitan nuon.

"Tathi, ok ka lang?" pagkuha ni Aaron ng aking pansin. Nag ngiting aso ako sa kanya sabay tango. Naginit ang magkabilang pisngi ko ng tanggapin ko ang kanyang cellphone. Tinipa ko duon ang aking number.

Mas lalong lumaki ang ngisi ni Aaron ng ibalik ko sa kanya ang cellphone niya. "Mahilig kang magtext?" tanong niya sa akin na kaagad kong tinanguan.