The Ruthless CEO (Savage Beast #4)

Chapter 63

Meeting

Malaki ang ngiti ko ng lumabas ako sa law firm. Pero ng matanaw ko kung ano ang naghihintay sa akin ay lumaki din ang aking mga mata. Ang itim na jeep wrangler iyon ni Cairo. Halos takbuhin ko ang pagitan naming dalawa.

Kaagad siyang lumabas sa may driver seat para pagbuksan ako ng pinto. Nagtaas siya ng kilay sa akin ng makita niyang hindi maalis ang tingin ko sa kanyang sasakyan. Bumalik ang lahat ng pakiramdam, parang nung nasa bulacan lang kami.

"You really like my car, huh" nakangising bulong niya sa akin. Hindi na siya nakapaghintay pa at siya na mismo ang lumapit sa akin para humalik.

Ngumiti lang ako sa kanya at yumakap. "Nagugutom na ako" sumbong ko pa.

Tumaas ang isang sulok ng kanyang labi at tumango sa akin. "Let's eat then" yaya niya sa akin.

Pinagbuksan niya ako ng pintuan, muli kong naramdaman ang kamay niya sa aking ulo. Iniingatan na hindi ako mauntog. Matapos iyon ay umikot si Cairo patungo sa may driver seat, naikabit ko na din ang seatbelt bago pa man siya makapasok.

"Saan tayo kakain?" tanong ko sa kanya.

"Sa condo ko, nagluto ako" sagot niya sa akin. Mas lalo akong naexcite, pero at the same time nalungkot din para sa kanya.

Mukhang nararamdaman na ni Cairo ang pagkawala ng trabaho niya, nagtitipid na ata siya ngayon. Kawawa naman ang Senyorito Baby ko.

Kinamusta niya ang araw ko, hindi ko pa nasasabi sa kanya na nagkausap na kami ng parents niya. Inaya din kasi ako ni Ma'm Maria na kumain sa labas pag meron akong libre oras. Umoo ako, pag nalaman ni Cairo iyon ay baka hindi niya ako payagan. Bati na kaya kami ng Mommy niya.

"Kilala mo si Hobbes?" tanong ko.

Natanaw ko na kaagad ang tower ni Kuya Cayden. Nito ko lang nalaman na siya pala ang may ari ng buong tower na iyon, at sa kanya ang penthouse.

"Pinsan namin" tipid niyang sagot. Nanatili ang kanyang tingin sa kalsada dahil liliko kami.

Napatango tango ako. Naramdaman ko ang paginit ng aking magkabilang pisngi ng maalala ko nanaman ang itinawag niya sa akin. Hindi dahil sa kilig kundi dahil medyo nakakailang, pero infairness gwapo naman kasi siya.

"Tinawag niya akong babe" nakangiting kwento ko sa kanya.

Halos mapamura naman ako ng muntik na akong masubsob sa dashboard ng sasakyan ng bigla na lamang itong prumeno.

"Anong sabi mo?" masungit na tanong niya sa akin.

Napaawang ang bibig ko. "Tinawag niya akong babe" paguulit ko naman. Aba, hindi ako sinungaling.

Umigting ang kanyang panga. Nakakunot ang kanyang noo. "At nagustuhan mo naman?" galit na tanong niya sa akin.

Napanguso ako dahil duon. Ito naman, galit kaagad. Wala naman akong sinabing nagustuhan ko.

"Syempre hindi, mas gusto ko yung baby mo" nakangising pangaasar ko sa kanya pero nanatili ang pagkakakunot ng kanyang noo.

Wala siyang imik hanggang sa makapasok kami sa parking space. Kahit nakasimangot ay nagawa pa din niya akong pagbuksan ng pintuan.

Naglakad kami patungo sa elevator, tahimik pa din siya kaya naman ako na mismo ang nagkawit ng braso ko sa kanyang kamay.

"I love you..." paglalambing ko, halos yakapin ko ang braso niya.

Sinamaan niya lang ako ng tingin kaya naman nag ngiting aso ako. Napakurap kurap pa ako para magpacute pero mukhang bad trip talaga siya.

Hinayaan ko na lang, tahimik kaminh dalawa sa loob ng elevator. Nanatili ang pagkakayakap ko sa kanyang braso, pinagmasdan ko pa nga ang repleksyon namin sa pintuan, kitang kita ang pagkakabusangot niya.