The Ruthless CEO (Savage Beast #4)

Chapter 24

Aalis na

Halos malasing ako sa mga halik ni Senyorito baby. Hindi ko pa naman nararanasang malasing, pero pakiramdam ko ay ganito iyon. Mas lalong naginit ang mukha ko ng maramdaman ko ang makailang beses na pagpasok ng dila niya sa aking bibig. May pagkakataon ding dumadampi iyon sa aking pang ibabang labi kaya naman halos makiliti ako. Gusto kong magreklamo pero pinigilan ko ang aking sarili. Baka tumigil siya, hindi pwede.

"Ugh..." wala sa sariling daing ko ng maubusan ako ng hangin.

"Damn" madiing sambit ni Senyorito baby at tsaka mabilis na itinigil ang halik. Nabitin tuloy ang nakaawang kong labi. Pinilit kong idinilat ang pumungay kong mga mata. Kita ko ang pagtitiim bagang niya.

Napakamot ako sa aking ulo. "Muntik na akong hindi makahinga" nakangiwing sabi ko sa kanya. Tumalim ang tingin niya sa akin bago bumaba ang tingin niya sa aking labi. Halos mamanhid ako ng haplusin ng hinlalaki niya iyon.

"You can't do that with other man...or boy your age" seryosong sabi niya. Mabilis akong tumango na parang masunuring tuta.

Ang magkabilang kamay ko ay nakapatong sa kanyang dibdib dahil na din sa pagkakahilig ko sa kanya. Mas mabigat siya sa akin kaya naman mas nakadirekta ang lahat ng bigat sa duyan ay nasa gawi niya.

Napabuntong hininga siya kaya naman muli akong tumitig sa kanya. Naramdaman ko ang mas lalong paghigpit ng yakap ng braso niya sa aking bewang para mas lalo akong mailapit sa kanya.

"I know your too young for that. But I did that on purpose. Kung sakaling subukan mong humalik ng iba..."

Kaagad kong pinutol ang sasabihin niya. "Hindi po ako makikipaghalikan sa iba. Promise!" paninigurado ko pa sa kanya, itinaas ko pa ang kanang kamay ko na para bang nanunumpa.

Tumaas ang isang kilay niya. Sandali din siyang sumulyap duon sa nakataas kong kamay. "Maraming pwedeng mangyari sa College, Tathriana. I know that..." paliwanag niya. Napanguso na lang ako.

"Kung sakaling may halikan kang iba, you will always remember your first, you'll always remember me. Tingnan natin kung hindi ka tumigil" madiin at may pagbabantang sabi pa niya sa akin. Pinalobo ko ang aking magkabilang pisngi.

Medyo kumunot ang noo ko ng may maisip ako. Nang ibalik ko ang tingin ko sa kanya ay nakita kong nanatili ang titig niya sa akin. "Parang ang daya..." sabi ko. Tumaas ang isang sulok ng kanyang labi.

"Bakit ako lang? Dapat ikaw din po, bawal ka din makipagkiss sa iba!" laban ko sa kanya. I saw amusement in his face. I think, it's good sign? Itutuloy ko ba ito?

"Bawal po dapat. Mas malaki nga po ang chance niyo na makipaghalikan sa ibang babae kesa sa akin na makipaghalikan sa ibang lalaki" tuloy tuloy na sabi ko sa kanya. Naakagat siya sa kanyang pangibabang labi habang nakikinig sa akin. Ilang beses bumaba ang tingin niya sa labi ko habang nagsasalita ako, pagkatapos ay lulunurin naman niya ako sa lalim ng titig niya sa akin. Grabe talaga ang epekto niya sa akin.

Sumimangot siya. Ang suplado!

"Let's see then" panghahamon niya sa akin.

Itinaas ko ang pinky finger ko. Itinapat ko iyon sa kanya. "Promise po muna tayo" yaya ko sa kanya. Napangisi siya, napailing iling pero dahan dahan niyang ding itinaas ang hinliliit niya para makapagpinky promise kami.

"Mamatay na mag break ng promise" pananakot ko sa kanya. Napahalakhak siya.

"Really? Tathriana" natatawang tanong niya sa akin.