Unicode...
>>>>>>>>.
.နှိုင်း အိမ်ပြန်လမ်းတစ်လျှောက် Demon ကို နှိုင်း ကိစ္စပြောဖို့အတွက်ဝန်လေးနေမိသည် ။ Demon က ဒီကိစ္စအတွက် နှိုင်း ကို လိုက်လျှောပါ့မလား.. ဒါ့အပြင် ဒီကိစ္စကြောင့် နှိုင်းတို့နှစ်ယောက်ကြားမှာအဖုထစ်ဖြစ်သွားနိုင်မလား အရမ်းစိုးရိမ်နေသည် ။ သို့သော် Demon စိတ်ဆိုးမယ်ဆိုရင်တောင် နှိုင်း ပြောရမည် ။
အိမ်ရှေ့ရောက်တာနဲ့အတွေးစကိုဖြတ်ကာ ကားမောင်းဝင်လာခဲ့သည် ။ ရုံးလက်ဆွဲအိတ်ကိုယူကာ ဆင်းလာခဲ့သည် ။ Demon ဟာ နှိုင်း ရောက်နေတာကိုကြားတာကြောင့် ဟင်းချက်ရင်းပြုံးမိလိုက်သည် ။ သူဟင်းကျက်တဲ့အချိန်နဲ့ သူ့အချစ်ကလေးပြန်လာချိန်ဟာ လုံးဝကွက်တိပင်။
" မောင် .. ကိုယ်ပြန်လာပြီ "
" ကိုကို မောင်ဒီမှာ "
မီးဖိုခန်းဘက်ကအသံလှမ်းပေးတာကြောင့် နှိုင်း ကသူ့လက်ဆွဲအိတ်ကိုချပြီး Demon ဆီသွားလိုက်သည် ။ မီးဖိုခန်းမှာ ဟင်းနံ့မွှေးမွှေးလေးတွေနဲ့ Apron ဝတ်ကာ ဆံပင်ရှည်ကိုခပ်မြင့်မြင့်ထုံးထားပြီး ချက်ပြုတ်နေတဲ့ Demon ဟာ နှိုင်း မျက်လုံးထဲမှာ အရမ်းဆွဲဆောင်မှုရှိနေသည်။ ဒါ့အပြင် နှိုင်း နဲ့ယှဥ်လိုက်ရင်အရပ်အမောင်းရောခန္တာကိုယ်နှင့် ကျယ်ပြန့်တဲ့ကျောပြင်ဟာ နွေးထွေးတဲ့အငွေ့အသက်တွေနဲ့ ခိုလုံချင်စရာ ။
နှိုင်း သည် Demon အနားသို့သွားပြီး ခါးကိုဖက်ထားပြီး မျက်နှာကိုကျောပြင်နဲ့ကပ်ထားလိုက်သည် ။ Demon ဟာ နှိုင်း ရဲ့ ထိုအပြုမှု့ကြောင့် အံအားသင့်သွားသည် ။
" ကိုကိုပင်ပန်းနေလား ရေအရင်သွားချိုးလိုက်လေ ကျွန်တော်ချက်တာပြီးတော့မယ် "
" ဟင့်အင်း နောက်မှချိုးမယ်.. အခုတော့ ဒီတိုင်း ခဏ "
" မောင့် တကိုယ်လုံး ဟင်းနံ့တွေနဲ့ချွေးထွက်လို့ ညစ်ပက်နေတယ် ကိုကိုပါ နံကုန်လိမ့်မယ်.. မောင် ဒီဟင်းပွဲလေးပြီးအောင်ချက်လိုက်မယ် "
Demon ပြောတော့ နှိုင်း က Demon ကျောပြင်ကို နှာခေါင်းနဲ့ရော နှုတ်ခမ်းနဲ့ပါတစ်ချက်နမ်းကာ ။
YOU ARE READING
ကိုကိုရဲ့ကလေးငယ် S3 [ Completed ]
Romance#July - 17 - 2020 #Moewathan #Art by Maythitsar🌹 ယခုဇာတ်လမ်းတွင်ပါဝင်သော အကြောင်းအရာများနှင့် ဇာတ်လမ်း ဇာတ်ကွက်များဟာ စာရေးသူ၏စိတ်ကူးယဥ်ဇာတ်လမ်းသာဖြစ်သည်။