Unicode
..................လေယာဉ်ပေါ်တွင်ပဲအချိန်ကုန်ခဲ့တာ ၂၁ နာရီ ကြာပြီးနောက် LA သို့ဆိုက်ရောက်ခဲ့သည်။
အခုချိန်မှာသူဘာကိုမှမတွေးချင်တော့ဘူး ။ သူ့ကိုမလိုအပ်တဲ့သူတစ်ယောက်ကို မေ့လိုက်သင့်ပြီ။
လေယာဉ်ဆိုက်ပြီးမှ LA လေဆိပ်ကိုဆင်းရာတွင် အကိုဘုန်းစစ်ပြောထားတဲ့သူကိုလိုက်ရှာနေမိသည်။
ထိုစဉ် ခွန်းဆက်အိမ်ရဲ့ပုခုံးကိုလာပုတ်သော လက်တစ်စုံကြောင့် ခွန်းဆက်အိမ် ကြောင်အသွားသည်။
" ကောင်လေးကခွန်းဆက်အိမ်လား?"
ခွန်း လှည့်ကြည့်လိုက်ရာတွင် လူကြီးဆန်သော အမူအရာတို့နှင့် စတိုင်ဘောင်းဘီနှင့် သပ်ရပ်သော တီရှုပ်တ်ို့ကို တွဲဖက်ဝတ်ဆင်ထားသည်။ နိုင်ငံခြားသားတစ်ယောက်ပီသစွာ အသားအရေတို့ဟိုလည်း ကြည်လင်ဖြူဖွေးတောက်ပနေသည်။ အကိုဘုန်းစစ် ပြောဖူးတာက ဒီလူက ထိုက်ရဲ့အခန်းဖော်တဲ့ ။
"ဟုတ် "
"လာ အိတ်ကိုပေး "
ဟုပြောရင်း ခွန်း လက်ထဲမှအိတ်တို့ကိုယူသွားလေသည်။ ခွန်းကတော့ သူ့လွယ်အိတ်လေးကိုသာလွယ်၍လိုက်လာခဲ့လိုက်သည်။
" ဟို...ဒါနဲ့...ဒီက"
လမ်းလျှောက်နေရင်းနှင့်မှ ခွန်း လည်းမေးလိုက်သည် ။
"အော် အကို့နာမည်က Rhonjay ။ Rhon လို့ခေါ်လဲရတယ် Jay လို့ခေါ်လဲရတယ် ။ အသက်ကေတာ့ ၂၂ ထိုက်နဲ့တူတူပဲလေ ။ ဘုန်းစစ်က အကိုတို့ထက်ကြီးပေမယ့် ခေါ်နေကြဆ်ိုတော့ ဘုန်းစစ်လို့ပဲခေါ်ဖြစ်ကြရော ။ မွေးရပ်ကတော့ မြန်မာပေါ့ မိဘတွေဆုံးကတည်းက အမျိုးတွေက LA ရောက်နေတာမို့ ဒီမှာပဲနေဖြစ်သွားတာ ဘုန်းစစ်နဲ့ထိုက်ရဲ့ညီလေးဆို "
" ဟုတ် အရင်းတော့မဟုတ်ပါဘူး "
"အင်းအင်း....ဘုန်းစစ် ဒီလောက်ဂရုစိုက်ဖူးတာ ထိုက်နဲ့မင်းပဲရှိသေးတယ် "
"အော် "
ဟုသာ ခွန်း လည်းပြန်ပြောလိုက်သည်။ အခုမှရင်းနှီးတဲ့သူမို့ စကားပြောရတာခက်ခဲနေသည်။ အကိုRhon ကတော့ သူ့ကို အဖတ်လုပ်ပြီးစကားပြောသည်။ သာမာန် သူငယ်ချင်းတွေလိုပဲ အကိုနဲ့စကားပြောရတာ ပွင့်လင်းတယ်လို့ခံစားရသည်။
YOU ARE READING
လှောင်အိမ်ငယ်/ေလွာင္အိမ္ငယ္ { Completed }
Romanceပိုချစ်မိတဲ့သူကအရှုံးတဲ့ ။ ကျွန်တော်ကပိုချစ်ပေမယ့် ဘယ်တော့မှမရှုံးစေရဘူး ကိုကို....။ ပိုခ်စ္မိတဲ့သူကအရႈံးတဲ့ ။ ကြၽန္ေတာ္ကပိုခ်စ္ေပမယ့္ ဘယ္ေတာ့မွမရႈံးေစရဘူး ကိုကို....။ start date 1.12.2020 end date 24.1.2021 #VeraVicki2619