အိမ်ကြီး၏ အပေါ်ထပ်ဝရံတာအတွင်း ကောင်ငယ်လေးသုံးဦးရှိနေသည်။ စားပွဲဝိုင်းကလေးကို အလယ်တွင်ထားရင်း စာရေးနေသည်ဟု ထင်ရသော်လည်း အမှန်ကား မဟုတ်။
"မင်း ရန်မစနဲ့နော်"
"ခခ မင်းလည်းညစ်မနေနဲ့"
"ငါ့ကို လာမခေါ်နဲ့လို့ပြောနေတယ်နော်မိုးသွင်"
"ငါကအကောင်းပြောပြနေတာကို မင်းကမှမယုံတာ"
"မိုးသွင် ငါမင်းကို ဆွဲထိုးမိတော့မယ်"
"ထိုးရဲရင် ထိုးကြည့်ပါလား"
အိမ်အပေါ်ထပ်ဆီိမှ ဆူဆူညံညံအသံများထွက်ပေါ်လာပြီးနောက် တစ်စတစ်စဖြင့်လုံးထွေးသတ်ပုတ်သံတို့ကိုပါကြားလာရသည်။ စားပွဲမှာတော့ ကောင်လေးတစ်ယောက်သာ ကျန်တော့၏။
"သားတို့..ရန်မဖြစ်ရဘူးလေ"
ကြမ်းပြင်ပေါ်တွင် သူတစ်ပြန်၊ ကိုယ်တစ်ပြန်လုံးထွေးနေသည့် မင်းသုခနှင့်မိုးသွင်။ ကလေးနှစ်ဦးပင်ဖြစ်လင့်ကစား ယောက်ျားကလေးအားပင်မို့ ဒေါ်အုန်းမေ မတတ်သာတော့ပေ။
"သားသုရေ သားသု။ လာပါဦး။ ဒီိကိုလာကြည့်ပါဦး။ သားသုရေ"
ဒေါ်အုန်းမေ အသံကြောင့် အောက်ထပ်တွင် ပန်းပင်ရေလောင်းနေသည့် မင်းသုတ အပြေးတစ်ပိုင်းရောက်ရှိလာသည်။ လက်ထဲတွင်လည်း ရေပန်းကိုင်လျက်သား။
"ဟေ့ကောင်တွေ"
မိုးသွင်က ကြောင်အမ်းအမ်းရပ်လိုက်သော်လည်း မင်းသုခကား မရပ်သည့်အပြင် အငိုက်မိသွားသည့် မိုးသွင်၏မျက်နှာကလေးကို အားပြင်းပြင်းတစ်ချက်ထိုးခိပစ်လိုက်သည်။
"အီး ဟီး ဟီး သုခ ထိုးတယ်။ သားကို သုခထိုးတယ်။ အီးဟီး ကိုကိုကြီး သုခက တကယ်ထိုးတယ်"
ကိုယ့်အိမ်လာရင်း ဒဏ်ရာရသွားသည်မို့ ဒေါ်အုန်းမေခမျာ ပျာပျာသလဲဖြစ်နေ၏။ မင်းသုခကား အပြစ်ကင်းသည့်နှယ် ဘေးတွင်ထိုင်ကာ လက်ပိုက်ရင်း မျက်စောင်းတခဲခဲဖြင့်။
"မင်းသုခ"
"ဟွန့်"
"သုခ ဒီက်ိုလာဦး"
![](https://img.wattpad.com/cover/243340370-288-k909849.jpg)
YOU ARE READING
ကြယ်ပန်းလေးတွေ ဝေမှဖြင့်ကွယ်.....
Teen Fictionကြယ်ပန်းလေးတွေရဲ့ အဓိပ္ပါယ်က ဖြူစင်စွာ ဖြည့်ဆည်းပေးခြင်းတဲ့ ။...။ ကြယ်ပန္းေလးေတြရဲ့ အဓိပၸါယ္က ျဖဴစင္စြာ ျဖည့္ဆည္းေပးျခင္းတဲ့ ။...။ Art : @ZinMinHtike❣️