Sleep Baby, Sleep (Completed)

Daddy Issues

"Vivi?"

Tanong ni Ito sa kanya nang nakalapit na. Masyado yata siyang natulala nang dahil pag entrada nito.

Bukod sa matangkad at malaking mama si Ito, ang lakas pa ng presence. Ang elegante nung suit na suot saka parang model yung galawan. Halos lahat nga ng bisita dito na nakatingin.

Kung dati mukha itong goon na di gagawa ng mabuti, ngayon mala mafia boss na ang dating.

Di parin gagawa ng mabuti, but with style.

"Daddy." 

Napahawak siya sa dibdib. Ang bilis ng tibok noon.

"I mean...Sir Ito. Hi!" Aniya sabay ngiti. Nasa trabaho pa siya, paalala niya sa sarili.

"Good evening." Ngumiti si Ito sa kanya. Humaygad. Pati pa ba naman ngiti nito ang landi na.

"Sorry na late. Nahirapan akong mag-park." Tuloy pa nito.

"No, sakto lang yung dating mo." Napatingin naman siya sa isang malaking bouquet ng bulaklak na hawak nito. Sunflowers yon. Ang ganda.

"Ay..for Miss Carrie ba yan?" Tanong niya. "Ako na ang--"

"Hindi. Para sayo."

"Ehehehe..selemet." Ane be eng lende.

Napahawi din siya ng buhok sa tenga nang matanggap yon. Paborito pa naman niya yong bulaklak. Hindi niya alam kung paano nalaman ni Ito yon pero nakakakikilig parin.

Kaso paano ba? May inaaasikaso pa siya. Iiwan nalang muna niya sa booth, wala naman sigurong magkakainteres sa bulaklak niya.

"Anong room si Carrie?" Tanong ni Ito.

"204." Sambit niya. "Ay teka. Wag mo muna puntahan. Nagpre-prepare pa yon."

Malamang nandoon na si fiance nito at nag-uusap na. Kailangan nung dalawang maayos yung problema. Baka makaistorbo lang si Ito.

"Vivi, where are you?" Napalaki ang mata niya sa nadinig sa earpiece. Jusko si Tita Angelu, windang na siguro. Medyo iritable na nga yung tono.

"Hala, Da--Sir Ito. Wait lang. Mag-wo-work lang ako." Sabi niya. "Ahm. Sa table two ka pala kasama ng mga VIP guests. Excuse lang ha."

"It's ok. Alam ko." Sabi nito na may kasamang ngiti. "Hihintayin nalang kita."

Ngumiti nalang din siya bago ito lagpasan para pumunta doon sa booth. Halos liparin na nga niya kahit na may five inches siyang suot. Hindi lang sa pagmamadali, dahil na rin di na niya matago ang kilig.

Jusko naman, Daddy! Pakiramdam niya magiging mommy na siya.

Sinalubong siya sa booth ng mga iritableng mga mukha. Si Tita Angelu nag-oobserba sa kanila. Sina Pilar at Byron nadoon at di mapakali. Pero yung technician nilang si Kuya Jun yung mukhang busangot sobra.

"Nakita ko na yung ginalaw. Tangina. Mukhang nanabutahe." Sambit nito.

Napatakip siya ng bibig.

Walang naglalakas ng loob na magmura sa harap ni Tita Angelu. Kahit sino pa. Except sa mga pagkakatong may napakalaking problema.

"Play it. I want to see it." Utos ni Tita Angelu. Medyo kinabahan siya dahil minsanan lang niyang makitang ganoong kaseryoso.

"Mga baks, anong ganap?" Mahinang tanong niya kina Pilar.

"May nakapasok dito at nakialam."

"Yung mga file pinalitan, girl." Singit ni Byron.

"Kakalurks, parang sa movie lang no? Yung ibang video yung maipapalabas? Yung mananabotahe para mapahiya yung bida?" Sabi ni Pilar