Unicode & Zawgyi
(Unicode)
T&T(Target & Technology) ကော်ပိုရေးရှင်းရဲ့ အပေါ်ဆုံးထပ်ရုံးခန်းထဲတွင်...
"ဥက္ကဋ္ဌ ...."
ဝင်လာသူကား မာန်ဝင့်ချီ ရဲ့လက်ထောက် ညီဆတ်နိုင် ဖြစ်သည်။
မာန်ဝင့်ချီ က ညီဆတ်နိုင်ကို စေစားရာ နဲ့ပတ်သက်သည်တို့အား စုံစမ်းထားခိုင်းခဲ့သည်။
ယခု ညီဆတ်နိုင်မှာ သူစုံစမ်းရရှိသည့် အချက်အလက်တို့ကို မာန်ဝင့်ချီ ထံ တင်ပြရန် ရောက်လာခြင်း ဖြစ်သည်။
"အင်း သိရပြီလား..."
"ဟုတ်ကဲ့.. သိရပါပြီ... "
ညီဆတ်နိုင် သူ့လက်ထဲက ဖိုင်ထပ်အချို့ကို မာန်ဝင့်ချီထံ လွှဲပြောင်းပေးလိုက်သည်။
မာန်ဝင့်ချီ ဖိုင်တွဲကို ဖတ်နေရင်း အနည်းငယ် ခပ်ဟဟ ရယ်လိုက်မိသည်။
"နောက်ဆုံးတော့ ရှာတွေ့ပြီ.... "
မာန်ဝင့်ချီ သူ့ဘာသာ တီးတိုးရေရွတ်မိသည်။
ခွန်းရည်ချို ဥက္ကဋ္ဌ လက်မှတ်ထိုးပေးရမည့် အစီရင်ခံစာ တစ်ခုရှိနေသည့်အတွက်
ဦးကျော်မောင် ၏ ရုံးခန်းသို့ ရောက်လာသည်။
ခွန်းရည်ချို မှာ ရုံးခန်းအတွင်းသို့ပင် ခြေမချရသေး။
အထဲက ရယ်မောသံတို့ကြောင့် ရပ်တန့်သွားသည်။
"ဒင်းက အဖေ့ကို အပိုင်ယူနေတာပဲ.....ငါ့ရှေ့မှာ သာ မခုတ်တတ်တဲ့ ကြောင်လေး နောက်ကွယ်မှာ ကျားတစ်ကောင် ဖြစ်နေတာကိုး...."
ခွန်းရည်ချို အံကြိတ်ကာ လက်သီးကို တင်းတင်းဆုပ်ထားမိသည်။
သူ့စိတ်ကို ခဏကြာ တည်ငြိမ်အောင် လုပ်ပြီးသည့်အခါမှသာ ရုံးခန်းထဲ ဝင်လိုက်သည်။
"အဖေ...မင်းမင်း.... "
"အစ်မရည်.... "
ခွန်းရည်ချို တောမင်းတမန် ကို ခေါင်းသာ ငြိမ့်ပြလိုက်ပြီး ဦးကျော်မောင် ကို သာ အာရုံစိုက်လိုက်သည်။
"အဖေ ဒါက စီမံကိန်း အသစ်ပါ လက်မှတ်ထိုးပေးဖို့ လိုလို့ပါ....."
"အင်း...."
ဦးကျော်မောင် ပြန်ဖြေပြီး စီမံကိန်း စာရွက် ကို လက်မှတ်ထိုးပေးလိုက်သည်။
YOU ARE READING
အမုန်းတို့ ကုန်လွန်၍ အချစ်တို့ ဖြစ်တည်စေသား...။(completed)
FantasyUnicode & Zawgyi အချစ်ကို ဘုရား တစ်ဆူလို မကိုးကွယ်တတ်ပေမဲ့..... စေ...မင်းကတော့ ကိုယ့်ရဲ့ကိုးကွယ်ရာပါ။ .....တောမင်းတမန်... တောင်းဆိုပါတယ်... ခင်ဗျားရဲ့ မြင့်မြတ်လှတဲ့ ချစ်ခြင်းတွေကို ကျွန်တော် ဘယ်တော့မှ ထပ်မတွေ့...
