Porschia's Diary ( Diary Ng Bakla )

KABAKLAAN ENTRY #9

Dear Diary,

      Diary! Kumusta? Kakauwi ko lang. Hihi. Galing kasi ako kina Howard eh, alam mo naman ’di ba na marufokfok ako pagdating sa kaniya. Hihi. Sornaman , Diary. ’Kala mo naman kung sinong hindi marufok. 'Tse! , don't me, Diary! Mas malarndi ka pa nga sa akin eh. Haha. Joke lang, Diary, baka kasi magtampo ka na namarn.

       So 'yon na nga, Diary. Medyo napagod ako. Hihi. Huwag kang greeny, Diary , ah! Chosera 'to! Wala kaming ginawang kababalaghan ni Howard, pero sayang, mas maganda sana kung meron. Haha. Ano ka ba , Diary! Ang larndi larndi mo talaga! Huwag ka ngang magulo, hindi tuloy ako makapagkuwento nang maayos.

      Ito na nga kasi. Medyo nahirapan akong turuan si Howard sa pagblend ng color, Diary. Ewan ko ba do'n. Colorblind siguro. Hihi. Sa sobrang pagiging colorblinded niya, hindi niya makita na ako ang nagbibigay ng kulay sa mundo niya. Huhu. Ang drama ko ba , Diary? Pero huwag ka ngang ano! Mukhang crush din kasi ako ni Howard. Eh kasi naman! Nakita ko sa mesa niya na may nakadikit do'n na papel tapos nakasulat eh “ I love you, P ” . Huhu! Mukhang crush nga rin ako ni Howard. Pero siyempre kunwari hindi ko alam para 'pag umamin siya sa akin eh kunwari rin na gulat ako. Taray ko 'di ba?

     Maiba tayo, Diary. Ang saya-saya ko talaga kanina. Maghapon ko kasing nakita 'yong smile ni Howard. Nakakakilig kaya! Mainggit ka fleece! Haha! Pero siyempre dalagang Pilipina pa rin ako 'no! Hindi kaya ako marupok, pokpok nga lang. Hihi. De charr lang hihi kakasabi ko pa nga lang kanina na marufokfok ako. Nyetaness.

     Pero alam mo ba , Diary , nawala 'yong mood ko kanina no'ng pauwi na ako. Eh pa'no ba naman kasi? Naalala mo 'yong shomboy na jejemon na inadd ako tapos blinock ko na pero gumawa pa rin ng bagong account para i-add ako? Oo! Siya yorn! Si Nammy, shutaness! Sinundan ba namarn ako?!

    Jusq, ang creepy kaya ng feeling kanina, Diary. Sunod siya nang sunod sa akin. Feeling stalker ampuki! Kaya binilisan ko pa lalo 'yong lakad ko, Diary. Kaso sa kamalas-malasan namarn oh! Nahulog pa ako sa manhole fyutangenamels! Edi eksena ang lola mo! Jusmeyo! Punong-puno tuloy ako ng dumi. Tapos nangangamoy tae na rin ako, huhuness. Kasalanan 'to ng shomboy na yorn!

   Tapos alam mo ba , Diary , ni hindi man lang ako tinulungan ng shutang yorn. Siya na nga 'tong nanakot sa akin eh tapos hindi man lang ako tinulungan. Narinig ko pa na tumatawa siya kasi nahulog ako. Shit siya! Shiiiiiit!

Sige na nga, Diary. Bye na muna. Next time na lang ulit. Kailangan ko na talagang magbanlaw ulit. Eh umaalingasaw pa rin kasi 'yong amoy ng tae shutaness! Baka maduwal lang sina Mudra pag naamoy nila ako. Hihi. Babawi ako next time, Diary. Bibigyan kita ng hindi sabaw na entry. Hihi. Oo, promise yarn! Labyuuu , Diary!

Nangangamoy tae,

Porschia.

--

Sorry po kung matagal mag-update, nawalan kami ng internet connection kaya kailangan kong makiconnect. Sana maintindihan niyo. Salamat po sa pagbabasa:))

-