The Fragrance of Love
🍓 Part- 7 🍓
ရတု သူမတို့ သားအမိကို အိမ်ပြန်လိုက်ပို့ရင်း ရှေ့ကလမ်းချိုးမှာ ကားက ဘယ်ဘက်ကို ချိုးရမလဲမသိတာမို့ လှမ်းမေးမို့ ကြည့်လိုက်ရုံရှိသေးသည် တစ်ယောက်နဲ့ တစ်ယောက် ဖက်ပြီး အိပ်နေကြသော သူမတို့သားအမိကြောင့် မှင်သက်သွားရသည်။
ကြည့်ရတာ သားအမိနှစ်ယောက်လုံး ဒီနေ့ တော်တော်ပင်ပန်းသွားခဲ့ကြတယ်နဲ့ တူသည်။ အိပ်နေလိုက်ကြတာများ ချစ်စရာလေးတွေ ။
ထို့ကြောင့် ရတု ကားကို လမ်းဘေး ခဏကပ်ရပ်လိုက်ပြီးသူမကို အသာလှုပ်နှိုးလိုက်သည်။
"မပိုးသားဖြူ .... မပိုးသားဖြူ "
အအိပ်ဆတ်သည့်သူမက သူနှစ်ခါလောက် နှိုးလိုက်ရုံပဲရှိသေးသည်။ချက်ချင်းနိုးလာ၏။
"MD ... ဟိုဟာ ကျွန်မအိပ်ပျော်သွားတာထင်တယ် .... ဒါနဲ့ ရောက်ပြီလားဟင် "
"ရန်ကင်းထဲတော့၀င်လာပြီ မပိုးသားဖြူရဲ့ ..... ဟိုရှေ့က လမ်းချိုးမှာ ကားကဘယ်ဘက်ကိုချိုး၀င်ရမလဲ ကျွန်တော်မသိလို့ နှိုးလိုက်တာ .... "
"အာ ဘယ်ဘက်ကိုပါ MD.... ဘယ်ဘက်ကို ချိုး၀င်ပြီး ပထမဆုံး လမ်းသွယ်လေးထဲ၀င်လိုက်ရင် တွေ့ရမယ့် ထိပ်ဆုံးတိုက်ပါ .... "
"အိုကေ...အိုကေ "
လမ်းသိသွားပြီမို့ ရတု ကားစက်ပြန်နှိုးလိုက်ကာ သူမပြောသည့်အတိုင်း မောင်းလာခဲ့ရာ လမ်းသွယ်လေးထဲမှ ထိပ်ဆုံးတိုက်လေးရှေ့ရောက်လျှင် ကားပေါ်မှ သူအရင်ဆင်းလိုက်သည် ။
ပြီးတော့မှ သူမဘက်က တံခါးကို ဖွင့်ပေးလိုက်ကာ ....
"ကလေး ကျွန်တော့်ကိုပေးပါ မပိုးသားဖြူ "
"ဟိုရပါတယ် MDရဲ့ "
"ဘယ်လိုလုပ်ရမှာလဲ မပိုးသားဖြူရဲ့ ....
အိတ်တွေလဲပါနေတာကို ဒီအတိုင်းဆို ကလေးတစ်ဖက်နဲ့ ကားပေါ်ကဆင်းလို့တောင်ရမှာမဟုတ်ဘူး ..... ပေးပါ ဆက်လေးကို ကျွန်တော်ပဲ ချီခဲ့လိုက်မယ် "
သားက သူမကိုယ်ပေါ်မှာ ထပ်ပြီး နှစ်နှစ်ခြိုက်ခြိုက်အိပ်ပျော်နေတာကြောင့် သူပြောသလိုပဲ ဒီအတိုင်းဆို ပိုးသား ထလို့တောင်ရမှာမဟုတ်လို့ သူပြောတဲ့အတိုင်းပဲ လက်ခံလိုက်ရသည်။
YOU ARE READING
🍓 The Fragrance Of Love 🍓
Romanceအချစ်ဆိုတာကို ပုံမဖော်နိုင်သေးခင်မှာပဲ သူမနဲ့သားလေးက ကျွန်တော့်ဘ၀ထဲ ၀င်လာခဲ့တယ် ❤️ အခ်စ္ဆိုတာကို ပုံမေဖာ္ႏိုင္ေသးခင္မွာပဲ သူမနဲ႔သားေလးက ကြၽန္ေတာ့္ဘ၀ထဲ ၀င္လာခဲ့တယ္ ❤️
