The Fragrance of Love
🍓 Part-16 🍓
မရပ်တန့်နိုင်ဘဲ တဒူဒူနဲ့ မြည်နေသော ဖုန်းသံကြောင့် ရတု အိပ်ရာဘေးရှိ စားပွဲပေါ်မှ ဖုန်းကိုလှမ်းယူပြီး ကြည့်လိုက်ရသည်။
ဖုန်းခေါ်နေသူက သူမ ဖြစ်နေတာကြောင့်
မနည်းဖွင့်နေရသည့် သူ့မျက်လုံးတွေဟာ
ချက်ချင်းကိုအိပ်ချင်ပြေသွားရပြီး အိပ်ရာမှ ငေါက်ခနဲဆိုသလို ထထိုင်လိုက်မိတဲ့အထိပင်။
နာရီကို ကြည့်မိတော့ မနက်၆နာရီခွဲပဲ ရှိသေးသည်။
"ဟဲလို "
"ဟဲလို ဖေဖေလား .... "
ဖုန်းထဲမှ ထွက်လာသည့် သားရဲ့ အသံ သေးသေးလေးကြောင့် ရတု အံ့သြသွားရသည်။
"သားလေးလား .... "
"ဟုတ် သားသားလေး .... ဖေဖေ "
"သားက အစောကြီး နိုးနေတာလား .... မေမေရော ... "
"မေမေ နေကောင်းဘူး ဖေဖေ ... ကိုယ်တွေများကြီး ပူနေတယ် ... "
"ဟုတ်လား သား .... "
"သားသားလေး မေမေ့ကို နှိုးတော့ မေမေက မထနိုင်ဘူး .... "
"အေးအေးသား .... အဲ့တာဆို ဖေဖေ အခုချက်ချင်း လာခဲ့မယ်နော် ... ခဏလေးစောင့် ..... မေမေ့နား အရမ်းမကပ်နဲ့နော် .... သားလေး အဖျားကူးသွားလိမ့်မယ် သိလား ... "
"ဟုတ် ဖေဖေ မြန်မြန်လာခဲ့နော် ... "
"အေးအေး ... ဖေဖေလာပြီ လာပြီ ... "
ရတု အိပ်ရာပေါ်မှာ စောင်တွေနဲ့ လုံးထွေးနေတာမို့ စောင်ကို အရင်ဖယ်ထုတ်ပြီးရေချိုးခန်းဆီသို့ ချက်ချင်းပြေးရသည်။
မြန်မြန်ရေချိုး မျက်နှာသစ်ပြီးတာနဲ့ အင်္ကျီလဲကာ ခေါင်းတောင်မဖြီးနိုင်တော့ဘဲ အခန်းထဲမှ ထွက်ခဲ့သည်။
အောက်ထပ်ရောက်တော့ မေမေနဲ့ မျက်နှာချင်းဆိုင်တွေ့ပြီး အစောကြီး အပြင်သွားရန် လုပ်နေသည့် သူ့ကို မေမေက အံ့သြတကြီးဖြင့် မေးလာသည်။
"သား အစောကြီးရှိသေးတာကို ဘယ်သွားမလို့လဲ ... "
"အစ်မဆီ သွားမလို့ မေမေ ....အစ်မ ဖျားနေတယ်ဆိုပြီး သားလေးက အခုလေးတင် ဖုန်းဆက်လာလို့.... ဖေဖေမြန်မြန်လာခဲ့ပါတဲ့ .... "
YOU ARE READING
🍓 The Fragrance Of Love 🍓
Romanceအချစ်ဆိုတာကို ပုံမဖော်နိုင်သေးခင်မှာပဲ သူမနဲ့သားလေးက ကျွန်တော့်ဘ၀ထဲ ၀င်လာခဲ့တယ် ❤️ အခ်စ္ဆိုတာကို ပုံမေဖာ္ႏိုင္ေသးခင္မွာပဲ သူမနဲ႔သားေလးက ကြၽန္ေတာ့္ဘ၀ထဲ ၀င္လာခဲ့တယ္ ❤️
