The Fragrance of Love
🍓 အပိုင်း 12 🍓
မနက်စာစားပြီး ခဏအကြာမှာပဲ သားကို ပိုးသား ရေချိုးပေးချိန် သူကရေချိုးခန်းရှေ့မှာလာရပ်သည်။
"သားလေး ရေချိုးလို့ပြီးသွားရင် ကျွန်တော်ပဲ အင်္ကျီလဲပေးလိုက်မယ် အစ်မ ..... အစ်မပြီးရင် ရေချိုးမှာမလား....အစ်မလုပ်စရာရှိတာသာ အေးဆေးလုပ်နော်....."
"ဟိုဖြစ်ပါ့မလား MD "
"ဖြစ်ပါတယ် အစ်မရဲ့ ..... သားလေး မူကြိုသွားဖို့အတွက် ကျွန်တော် ပြင်ဆင်ပေးဖူးချင်လို့ပါ....လာသား ဖေဖေနဲ့ မူကြိုသွားဖို့ ပြင်ကြမယ်နော်.... "
ရေချိုးလို့ပြီးသွားတဲ့ သားလေးကို ရတု လိမ္မော်ရောင်ကိုယ်သုတ်တဘက်လေးနဲ့ပတ်ကာ ပွေ့ချီလိုက်သည်။
သူပွေ့ချီသွားတဲ့ လမ်းတစ်လျှောက်မှာ သားလေးက သဘောကျစွာဖြင့် တခစ်ခစ်ရယ်ပြီး ပါလာ၏။
အခန်းထဲရောက်တော့ ရတု သားလေးကို မှန်တင်ခုံလေးပေါ်တင်လိုက်သည်။
မှန်တင်ခုံပေါ် မှာတော့ ကျောက်ပြင်၊သနပ်ခါးတုံးလေးနဲ့ သူမရဲ့ Cosmetic ပုလင်းတစ်ချို့ရယ် သားရဲ့ babi mild ဘူးလေးတွေရယ်ကို အစီအရီစီထားသည်။
"သားက မူကြိုသွားရင် သနပ်ခါးလူးသွားတာလား "
"ဟုတ် သနပ်ခါးလူးသွားတာ ဒယ်ဒီ.....
သားသားလေးကို မေမေက သနပ်ခါးလူးပေးတယ် .... ပါးကွက်လေးတွေလဲ ကွက်ပေးတယ်.... "
"ဖေဖေက ပါးကွက်လေးတွေတော့ မကွက်တတ်ဘူး သားရဲ့ .....သနပ်ခါးလေးပဲလူးပေးမယ်လေနော်.... ရတယ်မလား "
သားက ရတုအား ခေါင်းလေး ငြိမ့်ပြသည်။ ရတု သားရဲ့ babi mild ဘူးလေးတွေကို ကြည့်ပြီး လိမ်းပေးစရာရှိတာလေးတွေကို အဆင့်ဆင့် အရင်လိမ်းပေးလိုက်သည်။
ပြီးမှ သူသွေးထားသည့် သနပ်ခါးကို သားရဲ့ မျက်နှာလေးပေါ်မှာ မှုန်မှုန်လေးဖြစ်အောင် လူးပေးလိုက်သည်။
နောက်ဆုံးအနေနဲ့ တစ်ကိုယ်လုံး ပေါင်ဒါလေးလူးပေးလိုက်ပြီးတဲ့အခါမှာတော့
သားကိုယ်လုံးလေးဟာ တကယ်ကို မွှေးကြိုင်ပြီး ဘယ်နေရာနမ်းနမ်း နမ်းချင်စဖွယ်ဖြစ်နေတော့သည်။
YOU ARE READING
🍓 The Fragrance Of Love 🍓
Romantikusအချစ်ဆိုတာကို ပုံမဖော်နိုင်သေးခင်မှာပဲ သူမနဲ့သားလေးက ကျွန်တော့်ဘ၀ထဲ ၀င်လာခဲ့တယ် ❤️ အခ်စ္ဆိုတာကို ပုံမေဖာ္ႏိုင္ေသးခင္မွာပဲ သူမနဲ႔သားေလးက ကြၽန္ေတာ့္ဘ၀ထဲ ၀င္လာခဲ့တယ္ ❤️
