Unicode
(လက်ထပ်ကြစို့)
" မင်း..... "ရှဖန် နားကြားမှားနေသည်ဟု ထင်နေမိသည်။
" ရှင်ကလည်း ရှင့်အမေရဲ့သောကတွေလျော့ပါးအောင်လို့ လက်ထပ်ရမယ့် တစ်စုံတစ်ယောက်ကိုလိုက်ရှာနေပြီးတော့ ကျွန်မကလည်း လက်ထပ်ချင်တယ်လေ။ပြီးတော့ ကျွန်မတို့ စာရွက်စာတမ်းတွေအပြည့်အစုံနဲ့ ပြည်သူ့ရေးရာဗျုရိုတံခါးရှေ့မှာလည်း ရောက်နေ
ကြပြီ " အနီရောင်စာအုပ်ကို ကိုင်ထားရင်း ယွီသုံ ပြောလိုက်သည်။
" အရေးအကြီးဆုံးအချက်ကတော့ ကျွန်မတို့ရည်းစားဟောင်း
တွေနဲ့လည်း ပျက်သွားကြပြီ။ဒါက ကံကြမ္မာပဲ "
အနီရောင်မှတ်ပုံတင်စာအုပ်အသစ်ကိုကိုင်ဆောင်လျက် ပြည်သူ့ရေးရာဗျုရိုရှေ့မှ ပြန်လည်ထွက်ခွာလာခဲ့သည့်တိုင် မည်ကဲ့သို့လက်ထပ်ဖြစ်ခဲ့သည်ကိုတွေးတောရင်း ရှဖန်တစ်ယောက် အံ့ဩမှုများဖြင့် တွေဝေငေးငိုင်လျက်ရှိသည်။
သူ ပြည်သူ့ရေးရာဗျုရိုရဲ့တံခါးရှေ့မှာဘဲ မိန်းမတစ်ယောက်ရလာခဲ့တာလား?
သူ၏ဘေးမှ ကိုလာဘူးကြီးကိုသောက်နေသည့်မိန်းကလေးကို ရှဖန် တိတ်တဆိတ်ကြည့်လိုက်မိသည်။သူမ၏မျက်နှာမှာ နုနယ်လှပပြီး ကျောင်းပြီးခါစ မိန်းမပျိုလေးနှင့်တူလှပေသည်။
" ကိုလာက မင်းရဲ့ကျန်းမာရေးအတွက်မကောင်းဘူး "ရှဖန် သူမအား သတိပေးလိုက်သည်။
" ကျွန်မအရမ်းငိုထားရတော့ ရေဓာတ်နည်းနေပြီ "သူမ မရပ်တန့်
ခင် ပုလင်းတစ်ဝက်ကုန်အောင်သောက်လိုက်သည်။
" ယောက်ျား...ကျွန်မဗိုက်ဆာနေပြီ။တစ်ခုခုစားရအောင် စားသောက်ဆိုင်တစ်ဆိုင်ဆိုင် ရှာကြည့်လိုက်ဦး "
ယောက်ျား?ရှဖန်၏ခန္ဓာကိုယ်တစ်ခုလုံး တောင့်တင်းသွားလေသည်။
" ကျွန်မရဲ့ခရီးဆောင်အိတ်ကို ကူဆွဲပေးဦး။ချည်ဖောင်က ဒီလောက်လေးလိမ့်မယ်ဆိုတာ ကျွန်မ မသိခဲ့ဘူး " ထိုစဉ် သူမက ထပ်မံညွှန်ကြားလာပြန်သည်။
ရှဖန်အနေဖြင့် အနည်းငယ် စိတ်မသက်မသာဖြစ်နေသော်လည်း သူ
သည် အမျိုးသမီးများအား ကူညီလေ့ရှိသည့်အပြင် ထိုမိန်းကလေးသည် သူ၏ဇနီးသည် ဖြစ်နေပြီဖြစ်သောကြောင့် ကူမပေးလိုက်သည်။
YOU ARE READING
Rebirth on the Doors to the Civil Affairs Bureau(ဘာသာပြန်)
RomanceI don't own this story and all credit to the author(s) and english translator(s)!!!
