Unicode
နှစ်သစ်ကူးအကြိုကာလပျော်ပွဲရွှင်ပွဲအတွက် တီဗွီအသံလွှင့်ရုံသည် ၎င်းတို့၏ပွဲသို့ လာရောက်ကြသည့် ပရိတ်သတ်များအတွက် နေရာအကြီးကြီးတစ်ခု ဌားရမ်းထားသည်။
အဆင်သင့်ပြင်ပြီးသည့်နောက် ယွီသုံသည် စင်အနောက်ဘက်သို့့ နာရီဝက်ခန့်စော၍ ရောက်လာသည်။သူမ၏ပတ်ဝန်းကျင်ရှိ လူအများအပြားသည် အရောင်အသွေးစုံလင်သည့် အဝတ်အစားများကို ဝတ်ဆင်ကာ ပျားပန်းခတ်လှုပ်ရှားနေကြသော်လည်း ဝမ်းနည်းစရာကောင်းသည်မှာ ဘော်ကြယ်များထိုးထားသည့် ယွီသုံ၏စကတ်ကိုမူ မည်သူမျှမယှဉ်နိုင်ပေ။
ယွီသုံ၌ စောင့်ဆိုင်းရန်အတွက် သီးသန့်နားနေခန်းမရှိပေ။နောက်ဆုံးတွင်မှ သူမသည် ထောင့်စွန်းလေးတစ်ခုအား ရှာတွေ့သွားပြီး ဖုန်းတစ်လုံးနှင့်အတူ ထိုင်ချလိုက်သည်။
" သုံသုံ ... "ရှန်းရှောင်ယွဲ့သည် ယွီသုံအားရှာဖွေနေသည်မှာ ကြာမြင့်လှပြီဖြစ်ပြီး နောက်ဆုံးတွင်မှ ထောင့်စွန်းတစ်ခုတွင် ထိုင်နေသည့် သူမကို ရှာတွေ့ခဲ့လေသည်။
" ရှောင်ယွဲ့?ဒီနောက်ကို ဘယ်လိုလုပ်ပြီး ရောက်လာတာလည်း? " ယွီသုံသည် ရန်ရှင်းရှင်းနှင့်ရှန်းရှောင်ယွဲ့အတွက် လက်မှတ်များ ပို့ပေးခဲ့သော်လည်း ထိုကဲ့သို့ လူရှုပ်သည့်နေရာသို့လာရန်အတွက် ရန်ရှင်းရှင်း၏ကိုယ်ဝန်မှာ အလွန်ရင့်နေပြီဖြစ်သောကြောင့် ရှန်းရှောင်ယွဲ့တစ်ဦးတည်းသာ ရောက်လာခဲ့ရခြင်းဖြစ်သည်။
" ငါနဲ့သိတဲ့သူက ဝင်လာခိုင်းလို့လေ "ရှန်းရှောင်ယွဲ့မှာ ပြုံးပြီ လက်ညှိုးထိုးပြလိုက်သည်။
ယွီသုံလည်း ခေါင်းစောင်း၍ ကြည့်လိုက်သည့်အခါ ဖန်းဟွာ၏အတန်းဖော် လဲ့ကျန်းဖြစ်နေလေသည်။လဲကျန်းကို ၁၀နှစ်ကြာမတွေ့ခဲ့ရသည့်အတွက် သူမ ကောင်းကောင်းမမှတ်မိပေ။သို့သော် သူမ ပြန်လည်မွေးဖွားလာပြီးနောက်ပိုင်း၌လည်း အကြိမ်အနည်းငယ်တွေ့ဆုံခဲ့သော်လည်း သူ၏နာမည်ကိုပင် ယွီသုံ မမှတ်မိတော့ဘဲ ယမန်နေ့ကပြုလုပ်သည့် rehersalမှသာ ၎င်းနှင့်အနည်းငယ်ပို၍ ရင်းနှီးလာခဲ့သည်။
YOU ARE READING
Rebirth on the Doors to the Civil Affairs Bureau(ဘာသာပြန်)
RomanceI don't own this story and all credit to the author(s) and english translator(s)!!!
