Unicode
မြို့ပြင်တစ်နေရာ၌
ကားပါကင်ထိုးပြီးသည့်နောက် ယွီသုံသည် ရှဖန်နှင့်ဖုန်းပြောရင်း အဆောက်အဦးတစ်ခုဆီသို့ လမ်းလျှောက်လာခဲ့သည်။
" ရှင် ရောက်ပြီလား? "
" အင်း...အခုလေးတင်ရောက်တာ "ထို့နောက် ရှဖန်သည် နာရီကိုကြည့်ကာ ယွီသုံအား သတိပေးလိုက်သည်။" မင်း မနက်စာစားတာ ထပ်နောက်ကျနေဦးမယ်...မြန်မြန်သွားစားလိုက်တော့ "
" ကျွန်မ ဒီနေ့မနက်စာစားပြီးသွားပြီ။အခု ရိုက်ကွင်းကတာဝန်ရှိသူတွေနဲ့ ပြောစရာရှိလို့ သွားနေတာ "
" အဲ့ဒီရုပ်ရှင်စတူဒီယိုက မြို့ပြင်မှာမဟုတ်လား? "
" အင်း...ဟုတ်တယ်လေ! "
" ဒီအချိန်မှာ အဲ့ဒီကိုရောက်အောင်ဆိုရင် မနက်အစောကြီးထရတာ လား?မင်း အိပ်ရေး၀၀မအိပ်ရင် မူးနောက်နောက်ဖြစ်ပြီးတော့ အာရုံစိုက်မရဘဲ ဖြစ်လိမ့်မယ်။ပြီးတော့ ကားလည်းမမောင်းသင့်ဘူး "
" ဘယ်လိုလုပ်ပြီးဖြစ်နိုင်မှာလည်း?တစ်ကယ်လို့ ရှင် မူးနောက်နောက်နဲ့အိပ်ယာထလာရင်တောင် ရေအေးလေးနဲ့မျက်နှာသစ်လိုက်ရင် ပြန်ပြီးတော့ လန်းဆန်းတက်ကြွလာလိမ့်မယ် "ယွီသုံ မကျေမနပ်ဖြင့် ဆက်ပြောသည်။" ကျွန်မက ကုမ္ပဏီရဲ့ ညှိနှိုင်းရေးတာဝန်ခံပါနော်...ရှင်က ကျွန်မကို အမြဲအိပ်ချင်နေတဲ့ကလေးတစ်ယောက်လိုမျိုး ပြုမူနေတာပဲ "
" ဟုတ်ပါပြီကွာ...မင်းက အတော်ဆုံးပါဘဲ! "ထိုသို့ပြောပြီး ရှဖန်ရယ်လေတော့သည်။
" ရှင့်ရဲ့အသံက ဘာလို့ ကျွန်မကို လှောင်သလိုဖြစ်နေရတာလည်း? "ယွီသုံ ဖျစ်တောက်ဖျစ်တောက် ပြောလိုက်သည်။
" ကိုယ် ဘာမှမပြောပါဘူးကွာ...Oh...ဒါရိုက်တာရောက်လာပြီ "
" ဒါဆိုလည်းသွားတော့လေ "
" Bye Bye "
သူမလည်း ဖုန်းချပြီးသည့်နောက် ဒါရိုက်တာလော့၏ဝန်ထမ်းဖြစ်ဟန်တူသော လူတစ်ယောက်အနားသို့ ချဉ်းကပ်လာခဲ့သည်။
" ဟယ်လို...မန်နေဂျာယွီ "ယွီသုံအားနှုတ်ဆက်လိုက်သည့် ထိုသူသည် လက်ထောက်ဒါရိုက်တာ ဝမ်ရှင်းဖြစ်သည်။
YOU ARE READING
Rebirth on the Doors to the Civil Affairs Bureau(ဘာသာပြန်)
RomanceI don't own this story and all credit to the author(s) and english translator(s)!!!
