Unicode
ရန်ရှင်းရှင်းသည် ကြီးကျယ်ခမ်းနားလှသည့် ရှန်ဟိုင်းပြဇာတ်ရုံ၏မနီးမဝေးရှိ ကဖေးတစ်ခုတွင် ပွဲမစခင် စောင့်ဆိုင်းရင်း ထိုင်နေခဲ့သည်။Wechatမှတစ်ဆင့် msgပို့လိုက်ပြီးနောက် သမီးဖြစ်သူ၏ကိတ်မုန့်များဖြင့် ပေကျံနေသည့်မျက်နှာကို မော့ကြည့်လိုက်သည်။
" ကိတ်မုန့်က သမီးရဲ့ပါးစပ်ထဲမဝင်ဘဲနဲ့ မျက်နှာပေါ်ပဲရောက်သွားတယ်ထင်တယ် "ရန်ရှင်းရှင်းရယ်လိုက်ပြီး လက်သုတ်ပဝါတစ်ထည်ကိုယူကာ သမီးဖြစ်သူ၏ပါးစပ်ကို သုတ်ပေးလိုက်သည်။
" မေမေ...ဒီချောကလက်ကိတ်က အရသာရှိတယ် "ခေါင်းလောင်းလေးက မျက်လုံးလေးကို မှိတ်သုတ်မှိတ်သုတ်လုပ်ရင်း ပြောလာသည်။" သမီး နောက်တစ်ခုစားချင်တယ် "
" ကိတ်တွေအများကြီးစားတာက မကောင်းဘူးလေ။သမီးရဲ့သွားတွေ သွားပိုးစားပြီး ကျိုးကုန်လိမ့်မယ် "
" ဒါပေမယ့် ချီချီပြောတာကတော့ ကလေးတွေက သကြားနည်းနည်းလေးစားရင်တောင်မှ အသက်ကြီးလာရင် သွားကျိုးသွားပြီးတော့ အသစ်ပြန်ပေါက်လာတယ်တဲ့ "အန်တီရှောင်ယွဲ့က သူမအမေကဲ့သို့ပြောလာသည်ကို ချီချီက ထိုကဲ့သို့ပြန်လည်ချေပပြောလိုက်ခြင်းကို ခေါင်းလောင်းလေးမှတ်မိသေးသည်။
ဒီချီချီကတော့...၄နှစ်အရွယ်ကလေးက ဘယ်လိုလုပ်ပြီး ဒီလိုအရာတွေကို သိနိုင်ရတာလည်း?
" ဒါပေမယ့် သဘာဝအတိုင်းကျိုးသွားတာမဟုတ်ရင် ပေါက်လာတဲ့သွားအသစ်က ခိုင်မာမှာမဟုတ်ဘူးလေ "ရန်ရှင်းရှင်းသည် သူမ၏သမီးကို စိတ်ရှည်လက်ရှည်ဖြင့် ရှင်းပြလိုက်သည်။" ပြီးတော့ သမီး ကိတ်တွေအများကြီးစားရင် ဝလာလိမ့်မယ်နော်။ဘယ်သူကမှ မဝချင်ဘူးလေ... "
" သမီး ကိတ်မုန့်ထပ်မစားတော့ရင် လူတိုင်းက သမီးကို ချစ်ကြမှာလား? "
" ဒါပေါ့ "
" မေမေလိမ်တယ်...အန်တီသုံသုံပြောတာကတော့ လူတိုင်းကြိုက်တဲ့ တစ်ခုတည်းသောအရာက Renminbiတဲ့...အဲ့တော့ သမီးမဖြစ်နိုင်ဘူး "
(Note...Renminbi=China Currency)
ဒီယွီသုံကတော့...ကလေးတွေရှေ့မှာ ဘာပြောထားပါလိမ့်?ချီချီက အရမ်းငယ်သေးပေမယ့်လည်း ဒီလောက်ထူးဆန်းနေတာ အံ့ဩစရာမရှိပါဘူး။
YOU ARE READING
Rebirth on the Doors to the Civil Affairs Bureau(ဘာသာပြန်)
RomanceI don't own this story and all credit to the author(s) and english translator(s)!!!
