Unicode
ရှဖန်၏ကမောက်ကမအဖြစ်သည် ယွီသုံ သူမ၏လက်ထဲ၌ ပန်းကန်ပြားများကိုကိုင်၍ ပေါ်လာသည်အထိ မပြေလည်သေးပေ။
အစားအသောက်များအားလုံး ချခင်းပြီးသည့်နောက် လူအားလုံးသည် ညစာစားရန်အတွက် ထမင်းစား စားပွဲသို့ ဦးတည်သွားကြလေသည်။
" နင်တို့ပြန်လာမယ်ဆိုတာ အမေလည်းကြားရော ဟင်းပန်းကန်တစ်ဝက်လောက်က နင့်အကြိုက်တွေ ဖြစ်သွားတော့တာပဲ "ပန်းကန်ပြားအနည်းငယ်ကို ညွှန်ပြရင်း ယွီစုန့်ပြောလိုက်သည်။
" နောက်တစ်ဝက်က မင်းမကြိုက်တဲ့ ဟင်းတွေလေ "မာမားယွီလည်း သားဖြစ်သူအား စိတ်ဆိုးဟန်ဖြင့် ကြည့်လိုက်သည်။
" အမေ...ကျေးဇူးတင်ပါတယ်! "မိခင်ဖြစ်သူ၏ဟင်းပွဲများကို မမြည်းစမ်းခဲ့ရသည်မှာ အချိန်အတော်ကြာပြီဖြစ်သည်။ယခင်ဘဝ၌ မိခင်ဖြစ်သူ၏ဟင်းပွဲများကိုစားချင်သော်လည်း ညစာစားသည့်အချိန်တိုင်း ဆုံးမသွန်သင်ခြင်းခံရသဖြင့် စားချင်စိတ်မရှိတော့ပေ။
ပါပါးယွီမှာမူ အရက်ကို အနည်းငယ်စွဲလန်းနေသည့်အတွက် ညစာစားသည့်အချိန်တိုင်း ဝိုင်ပုလင်းလေးကိုဖွင့်၍ နှစ်ငုံစာခန့်သောက်လေ့ရှိသည်။ယနေ့၌မူ သူ စားပွဲပေါ်၌ ပုလင်းလေးတင်လိုက်သည့်အချိန်မှာပင် ဆွဲယူသွားခြင်း ခံရလေသည်။
ပါပါးယွီ ရှဖန်ကိုကြည့်လိုက်သည့်အခါ ရှဖန်သည် ချိုသာစွာပြုံး၍ ပြောလာလေသည်။" အန်ကယ်...ကျွန်တော် ထည့်ပေးပါရစေ "
ပါပါးယွီကိုထည့်ပေးပြီးသည့်နောက် ရှဖန် ပုလင်းကို ပြန်ချထားလိုက်သည်။၎င်းကိုသတိထားမိသည့် ပါပါးယွီသည် ရှဖန်၏ လွတ်နေသည့်ဖန်ခွက်ကို တိတ်တဆိတ် လှမ်းကြည့်လိုက်သည်။
ပါပါးယွီသည် သူ၏ခွက်ကို ငေးကြည့်နေမှုကို ရှဖန်လိုက်ကြည့်လိုက်ပြီးနောက် အနည်းငယ်အခက်တွေ့ဟန်ဖြင့် ပြောလိုက်သည်။" အန်ကယ်...ကျွန်တော် အများကြီးမသောက်နိုင်ဘူး "
" ဟမ်း... "ပါပါးယွီလည်း အတင်းအကျပ်မတိုက်တွန်းတော့ဘဲ သူ၏ခွက်ကိုသာ ကောက်ယူပြီး အားရပါးရမော့ချလိုက်သည်။
YOU ARE READING
Rebirth on the Doors to the Civil Affairs Bureau(ဘာသာပြန်)
浪漫I don't own this story and all credit to the author(s) and english translator(s)!!!
