Unicode
" ရှင် ဒီမှာ ဘာလုပ်နေတာလည်း? "ယွီသုံ စိုးရိမ်တကြီးဖြင့် မေးလိုက်သည်။
" ကိုယ် မင်းကို လာကြိုတာလေ "ယွီသုံ လည်စည်းပတ်မထားသည်ကို ရှဖန်သတိထားမိသောကြောင့် သူ၏လည်စည်းကိုဖြုတ်၍ သူမကိုပတ်ပေးလိုက်သည်။
" ရှင်...ရှင် ကျွန်မကို စိတ်မဆိုးတော့ဘူးလား? "သူမ၏မေးတစ်ခုလုံးမှာ ရှဖန်၏လည်စည်းထဲ၌ နစ်မြုပ်ကာ နွေးထွေးနေလေသည်။
ရှဖန်သည် ယွီသုံအရှေ့၌ရပ်ကာ လည်စည်းထဲသို့ လက်လျှိုသွင်းထားဆဲဖြစ်သောကြောင့် သူမ၏မျက်ဝန်းများထဲမှ စိုးရိမ်ပူပန်မှုကို အလွယ်တကူမြင်နိုင်ပေသည်။
ထို့ကြောင့် သူ၏နှလုံးသားထဲမှ နာကျင်ခံစားနေရမှုသည် ပို၍ပင် ပြင်းထန်လာသည်။
" အားလုံးက ကိုယ့်အမှားပါ။ကိုယ်က မင်းကို သည်းမခံခဲ့မိတာ "ရှဖန် သူမ၏နဖူးပေါ်ဝဲကျနေသည့် ဆံနွယ်လေးများကို မတင်ဖယ်ရှားပေးရင်း တောင်းပန်လိုက်သည်။
" မဟုတ်ဘူး...ကျွန်မက မကောင်းတာပါ။အဲဒီလိုအခြေအနေမျိုးမှာ
ဗွီဒီယိုရိုက်မနေသင့်ဘူးလေ "
" အိမ်အရင်ပြန်ကြရအောင်...အပြင်မှာစကားပြောရတာ အရမ်းအေးတယ် "သူတို့အပြင်၌ရပ်နေသည်မှာ သိပ်မကြာသေးသော်လည်း ယွီသုံမှာ ချမ်းစိမ့်စိမ့်ဖြစ်ကာ တုန်ယင်နေသောကြောင့် ရှဖန်ပြောလိုက်သည်။
ထို့နောက် သူမ၏လက်ကို ဆွဲကိုင်ပြီး ကားဆီသို့ ခေါ်လာခဲ့သည်။
" ကျွန်မကားက... "လမ်းလျှောက်နေရင်း ကားပါကင်၌ထိုးထားသည့် သူမ၏ကားကို ယွီသုံ သတိရသွားသည်။
" မနက်ဖြန်မှ လာယူလို့ရတယ်လေ "ရှဖန် ကားတံခါးကိုဖွင့်၍ သူမကိုအထဲဝင်စေသည့်အခါ သူမ၏မျက်နှာသည် နောက်ထပ်နီရဲသွားပြန်သည်။
" Oh! "
နှင်းများကြောင့် ကားကိုဖြည်းညှင်းစွာ မောင်းနေပြီး မှုန်ပျပျမီးရောင်ကို ကားထဲမှမြင်နေရသည်။
ညဦးပိုင်းအချိန်၌ ရှဖန်သည် သူ၏အခန်းထဲတွင်သာနေပြီး သူမကိုရှောင်နေကတည်းက ယွီသုံမှာ ကြောက်ရွံ့ထိတ်လန့်နေခဲ့ပြီး မသက်မသာခံစားနေရသည်။သူမသည် တစ်စုံတစ်ယောက်၏အတွေးအမြင်တို့ကို ဂရုမစ်ိုက်ခဲ့သည်မှာ နှစ်ပေါင်းများစွာ ကြာခဲ့ပြီဖြစ်သည်။
YOU ARE READING
Rebirth on the Doors to the Civil Affairs Bureau(ဘာသာပြန်)
RomanceI don't own this story and all credit to the author(s) and english translator(s)!!!
