Rebirth on the Doors to the Civil Affairs Bureau(ဘာသာပြန်)

Chapter 34

Unicode

ယနေ့၌ နေသာလေသောကြောင့် ပန်းခြံငယ်လေးထဲတွင် ဆော့ကစားနေသည့်ကလေးများဖြင့် ပြည့်နှက်‌နေလေသည်။

ရှန်ဟိုင်း၏ရာသီဥတုမှာ များသောအားဖြင့် ထိုကဲ့သို့ပင်ဖြစ်သည်။

ယွီသုံအပြင်ထွက်ရန် ပြင်လိုက်စဉ် ရှဖန်၏အခန်းဆီသို့ လှမ်းကြည့်လိုက်‌သည့် သူမ၏မျက်နှာအမူအရာမှာ နွေးထွေးလှသည်။

ထို့နောက် ယွီသုံသည် ရန်ရှင်းရှင်းကိုကူညီ၍ အသံသွင်းမှုအပြီးသတ်လုပ်ငန်းများအား ဆန်းစစ်ရန် စတူဒီယိုသို့ရောက်လာခဲ့သည်။ထိုစတူဒီယို၌ပင် နေ့လည်စားစားပြီးနောက် အသံလွှင့်ရုံသို့ ထွက်လာခဲ့သည်။

" ဒါရိုက်တာမာ! " ဒါရိုက်တာမာသည် သူမနှင့်စကားပြောဆိုချင်သည်ဟု ကြားသိရသောကြောင့် ယနေ့မွန်းလွဲပိုင်းတွင် အသံလွှင့်ရုံသို့
စ သူမရောက်လာရခြင်းဖြစ်သည်။

" လာလေ ... ယွီသုံ။နေ့လည်စာရော စားပြီးပြီလား? "ဒါရိုက်တာသည် ဖတ်လက်စစာရွက်များကို အောက်သို့ချ၍ ‌သူမအား နူးညံစွာဖြင့် မေးလာသည်။

" စိုးရိမ်ပေးတဲ့အတွက် ကျေးဇူးတင်ပါတယ်။ကျွန်မ စားခဲ့ပြီးပါပြီ "

" ကောင်းတာပေါ့။မင်းရဲ့ကျန်းမာရေးကို မင်းက်ိုယ်တိုင်ဂရုစိုက်ရမယ်။မင်းက ငယ်ရွယ်ပြီး ကျန်းမာသန်စွမ်းတယ်ဆိုပေမယ့် Mightnight Phantomအစီအစဉ်မှာ Hostစလုပ်ကတည်းက အမြဲနောက်ကျမှအိပ်ရတော့ ပိုပြီးတော့ သေချာဂရုစိုက်သင့်တယ် "ဒါရိုက်တာမာက သူမအား အကြံဉာဏ်ပေးလေသည်။

" ကျွန်မ အဲ့ဒီလိုလုပ်ပါ့မယ်။စိတ်ပူပေးတဲ့အတွက်လည်း ကျေးဇူးတင်ပါတယ် "

" ထိုင်ပြီး စကားပြောကြရအောင် "ဒါရိုက်တာမာသည် သူ၏စားပွဲမှ ထလာပြီး ဆိုဖာပေါ်တွင် ယွီသုံနှင့်အတူ ဝင်ထိုင်လိုက်သည်။" ငါ မနေ့က မင်းရဲ့အစီအစဉ်ကို နားထောင်ခဲ့တယ် "

" ရှင်? "ယွီသုံ အနည်းငယ်အံ့ဩသွားသည်။

" မင်းအစီအစဉ်က တက်ကြွလန်းဆန်းပြီးတော့ အရမ်းအသက်ဝင်တာပဲ!အထူးသဖြင့် Pushkinရဲ့အချစ်ကဗျာကို မင်း အကျယ်ကြီးဖတ်ပြတဲ့အချိန် ငါ့ဇနီးကိုလိုက်ခဲ့တဲ့ အသက်၂၀အရွယ်ကို ပြန်‌ရောက်သွားသလိုပဲ "