Unicode
ယွီသုံ၏အေးစက်စက်မျက်ဝန်းတို့ကြောင့် ရှဖန်နှလုံသားတစ်ခုလုံး တင်းကျပ်သွားသည်။ရုတ်တရက် အန်အန်းပေါ်ပေါက်လာမှုနှင့်အတူ ကမောက်ကမအခြေအနေ၌ ရုတ်တရက် အနည်းငယ်လှုံ့ဆော်ပေးလိုက်သလို ခံစားရသည်။
" သုံသုံ...ဒီကိုလာဦး "ရှဖန်လက်မြှောက်၍ သူမကိုခေါ်လိုက်သည်။
ယွီသုံ ခဏရပ်လိုက်ပြီးနောက် ရှဖန်ဆီသို့ ဖြည်းဖြည်းချင်းလျှောက်လာလိုက်သည်။
" မင်းကို မိတ်ဆက်ပေးမယ်...ဒါက "
ရှဖန် စကားမဆုံးသေးခင် အန်အန်းက လက်ဦးမှုရယူ၍ ယွီသုံဆီသို့ လက်ကမ်းပေးကာ ရှဖန်မိတ်ဆက်ပေးမှုကို ကြားဖြတ်၍ပြောလေသည်။" ဟယ်လို...ကျွန်မက အန်အန်းပါ။ရှဖန်ရဲ့... "
" ရည်စားဟောင်း? "ယွီသုံကလည်း လက်ဆန့်ထုတ်၍ လက်ဆွဲနှုတ်ဆက်ရင်း အန်အန်းကိုဖြတ်ပြောလိုက်သည်။
ယွီသုံ၏အပြုအမူကြောင့် အန်အန်း အံ့အားသင့်သွားပြီး အနေရခက်စွာဖြင့် ပြုံးလိုက်သည်။" ကြည့်ရတာ ရှဖန်က ကျွန်မအကြောင်း ရှင့်ကို ပြောပြထားပုံရတယ် "
" ဒါပေါ့ "ရှဖန်ကိုလှည့်ကြည့်လိုက်ပြီးနောက် ယွီသုံဆက်ပြောလေသည်။" ကျွန်မတို့စတွေ့တဲ့နေ့ကတည်းက ရှင့်အကြောင်းကို ကျွန်မသိပါတယ် "
ထိုစကားကြောင့် အန်အန်း၏မျက်နှာ သုန်မှုန်သွားပြီး ရှဖန်ကိုလှမ်းကြည့်ကာအင်တင်တင်ဖြင့် ပြောလာသည်။" ကလေးနဲ့ပတ်သတ်ပြီး လုပ်စရာလေးတွေရှိလို့ ကျွန်မအရင်သွားနှင့်တော့မယ် "
" ကောင်းပြီ "ရှဖန် ခေါင်းငြိမ့်ပြလိုက်သည်။
သူမတို့နှစ်ယောက် တစ်ယောက်လက်ကိုတစ်ယောက်ဆုပ်ကိုင်ထားသည်ကိုကြည့်ကာ ပြုံးလိုက်ပြီး လှည့်ထွက်သွားလေတော့သည်။
ဒီတစ်ကြိမ် သူမအနိုင်ရလိုက်ပြီဟု ယွီသုံတွေးနေဆဲ၌ပင် အန်အန်းသည် ရုတ်တရက် ပြန်လှည့်လာကာ ရှဖန်အား ပြောလေသည်။" ဟုတ်သား...ကျွန်မရဲ့လုပ်ဖော်ကိုင်ဘက်တွေက ကျွန်မအတွက် ကြိုဆိုပွဲလုပ်ထားကြတယ်။ရှင်လည်းပြန်ရောက်လာပြီဆိုတော့ အားတယ်ဆိုရင် ဒီနေ့ည လာခဲ့ဦးလေ "
ВИ ЧИТАЄТЕ
Rebirth on the Doors to the Civil Affairs Bureau(ဘာသာပြန်)
РомантикаI don't own this story and all credit to the author(s) and english translator(s)!!!