Unicode
မြို့တော်ဆေးရုံ၏ ရုံးခန်းတစ်ခုထဲတွင် ရုတ်တရက် ရယ်မောလိုက်သည့်အသံသည် အခန်းတစ်ခုလုံး ပြည့်လျှံသွားလေ၏။
ရှောက်ရိဖန် မျက်ရည်များကိုသုတ်ရင်း ပြောလိုက်သည်။" အား...ဒီတင်ဆက်သူကို သဘောကျလိုက်တာ...ငါ့အမြင်နဲ့ဆိုရင်တော့ သူရဲကောင်းက ပစ်မှတ်ကို ထိသွားသလိုပဲ! "
" ... "
" ဒီအချိန်မှာ ရေဒီယိုနားထောင်တာက မင်းအတွက် ထူးဆန်းနေလိမ့်မယ်ဆိုပေမယ့် ငါကတော့ သဘောကျတယ်။အနာဂတ်မှာလည်း သူမ တင်ဆက်တာတွေကို သေချာပေါက် နားထောင်ဦးမှပဲ။ဒီနေ့ည နားထောင်လိုက်ရုံနဲ့ကို တစ်ပတ်စာ ရယ်မောဖို့ရာအတွက် လုံလောက်သွားသလိုပဲကွာ "
" ရယ်လို့ ဝပြီလား? "
" မ၀သေးဘူး...အဲ့ဒီအကြောင်းစဉ်းစားလိုက်တိုင်း ရယ်ချင်နေတုန်းပဲ။အဲ့ဒီတင်ဆက်သူမှာ ထူးခြားတဲ့ အရည်အသွေးတွေရှိတယ်။အခုခေတ် ရေဒီယ််ိုတင်ဆက်သူအများစုကရော၊တီဗွီတင်ဆက်သူအချို့တွေရောက အနှစ်သာရမရှိတဲ့ စကားတွေ ပြောကြတာများတယ်။ငါကတော့ Fish Jellyလို အမှန်တရားကို ပြောရဲတဲ့ပုံစံမျိုးကို သဘောကျတယ် "
ရှဖန် တိတ်ဆိတ်နေဆဲပင်။
" ဒီတင်ဆက်သူကိုတော့ ဒါရိုက်တာကိုယ်တိုင်က သေချာပေါက် အလုပ်ဖြုတ်ပစ်ချင်နေလိမ့်မယ်။ဒါနဲ့ သူ့နာမည်ကို ငါ တော်တော်လေးရင်းနှီးနေတယ်...သူ့နာမည်ကFish Jelly(ယွီသုံ)တဲ့။မင်း မိန်းမနာမည်နဲ့လည်း ဆင်တယ်နော် "
ရှဖန် အသက်မပါစွာဖြင့် ရှောက်ရိဖန်ကို လှမ်းကြည့်လိုက်သည်။
" မဖြစ်နိုင်ဘူးမလား? "ရှောက်ရိဖန် အံ့ဩသွားသည်။" သူက တကယ်ကြီး မင်းမိန်းမလား? "
" မင်းက ဘယ်လိုထင်လို့လည်း? "ယွီသုံ၏ဘေးကင်းမှုကိုစိုးရိမ်ပူပန်သောကြောင့် သူမ အသံလွှင့်ရုံသို့ ဘေးကင်းစွာ ရောက်မရောက် သိရှိရန်အတွက် ရှဖန်သည် ညသန်းခေါင်ယံတွင်လည်း ရေဒီယိုဖွင့်ထားတတ်သည့် အလေ့အကျင့်ရရှိခဲ့သည့်အပြင် မနက်၃နာရီခန့်တွင် သူမအိမ်သို့ ချောချောမွေ့မွေ့ပြန်ရောက်မရောက်သိရှိရန် စာပို့၍ မေးမြန်းလေ့လည်းရှိလာခဲ့သည်။
YOU ARE READING
Rebirth on the Doors to the Civil Affairs Bureau(ဘာသာပြန်)
RomanceI don't own this story and all credit to the author(s) and english translator(s)!!!
