Unicode
ယွီသုံ TVအသံလွှင့်ရုံသို့ ပုံမှန်ထက် ၁နာရီစော၍ ရောက်လာခဲ့သည်မှာ ဧည့်သည်တော်နှစ်ယောက်အား အင်တာဗျုးမလုပ်မှီ တွေ့ဆုံချင်သောကြောင့် ဖြစ်သည်။
သူမ၏ဧည့်သည်နှစ်ယောက်မှာ အတော်ပင်ထူးခြားလှသည်။ပထမတစ်ယောက်သည် ထိုနယ်ပယ်၌ မည်သူမှမရရှိဖူးသည့် အောင်မြင်မှုကို ရရှိပိုင်ဆိုင်ထားသော ငယ်ရွယ်ပြီး အရည်အချင်းရှိသည့် စက်ရုပ်ဒီဇိုင်းတီထွင်သူတစ်ဦးဖြစ်ပြီး ကျန်တစ်ဦးမှာ ချို့တဲ့သူများကို ထောက်ပံ့လေ့ရှိသည့် အသင်းအဖွဲ့အများအပြားတွင် ပါဝင်ကူညီလေ့ရှိသည့် စီးပွားရေးလုပ်ငန်းရှင်တစ်ဦးဖြစ်သည်။
" ဒါရိုက်တာ...ဧည့်သည်တွေရောက်ပြီလား? "ထိုshow၏ ဒါရိုက်တာဖြစ်သူဆီသို့သွားကာ ယွီသုံမေးလိုက်သည်။
" တစ်ယောက်က ဖုန်းခေါ်ပြီးပြောတယ်...သူတို့ ကားပိတ်နေတယ်ဆိုပြီးတော့...ဒါပေမယ့် ကံကောင်းတာက သူတို့က ပုံမှန်ထက် တစ်နာရီစောထွက်လာတယ်ဆိုတော့ နောက်ကျလိမ့်မယ်လို့တော့ မထင်ပါဘူး "ဒါရိုက်တာသည် ရိုက်ကွင်းသို့ အချိန်မှီရောက်အောင် အကောင်းဆုံးကြိုးစားသည့်ဧည့်သည်များကို နှစ်သက်သဘောကျသည်။
" ကျွန်မက တတ်နိုင်ရင် showမစခင် သူတို့နဲ့ တွေ့ချင်သေးတာ "
" သုံသုံ...သူက မင်းရဲ့ပရိတ်သတ်ဖြစ်လို့ အရမ်းကြီးစိတ်လှုပ်ရှားစရာ မလိုပါဘူး "ဒါရိုက်တာက အားပေးနေလေသည်။" မစ္စတာလောင်က ချို့တဲ့သူတွေကို ကူညီတဲ့အသင်းတွေကို လှုဒါန်းရတာကို ချစ်မြတ်နိုးပေမယ့် ငါကတော့ တစ်ခုခုကို သတိထားမိတယ်__မင်းက ဒီshowမှာ ချို့တဲ့သူတွေကို ကူညီတဲ့အသင်းအတွက် မေတ္တာရပ်ခံတဲ့ အချိန်တိုင်း သူက အမြဲတမ်း ပထမဆုံး လှုဒါန်းတဲ့သူပဲ။အထူးသဖြင့် မင်းရဲ့နောက်ဆုံးမေတ္တာရပ်ခံချက်မှာ မင်းက ယွမ်နန်မြောက်ပိုင်း တောင်ပေါ်ကရွာလေးတွေမှာ ကျောင်းမရှိဘူးလို့ ပြောခဲ့တယ်လေ။ကျောင်းမရှိတော့ ကလေးတွေက ကျောင်းရှိတဲ့ဆီကို နှစ်နာရီလောက်လမ်းလျှောက်သွားရတယ်လို့လည်း မင်းပြောခဲ့သေးတယ်။နောက်နေ့လည်းရောက်ရော ကုမ္ပဏီရဲ့မန်နေဂျာက အဲ့ဒီရွာမှာ ကျောင်းဆောက်ဖို့အတွက် ယွမ်နန်ကို ဆောက်လုပ်ရေးကုမ္ပဏီရှာဖို့ စေလွှတ်ခံခဲ့ရတယ်။ပြီးတော့ ငွေသုံးစွဲမှုကလည်း ရပ်တန့်မသွားဘဲ ကျောင်းသားတိုင်းအတွက် ကျောင်းစာအုပ်တွေတောင် ဝယ်ပေးသေးတယ် "
YOU ARE READING
Rebirth on the Doors to the Civil Affairs Bureau(ဘာသာပြန်)
RomanceI don't own this story and all credit to the author(s) and english translator(s)!!!