Unicode
ဘတ်စ်ကားပေါ်မှ ဆင်းသည့်အခါ ယွီသုံသည် ရန်ရှင်းရှင်း၏လက်ကို တွဲကိုင်လိုက်သည်။
" အဆင်ပြေပါတယ် သုံသုံရဲ့...ငါရဲ့ကိုယ်ဝန်က အခုမှ ၅လလောက်ရှိသေးတာကို အရမ်းကြီးစိုးရိမ်ဖို့ မလိုပါဘူး "
" နင့်ရဲ့ဗိုက်က ဘယ်လောက်တောင် ကြီးနေလည်းဆိုတာ ကြည့်ပါဦး "အကယ်၍ ရှင်းရှင်းသည် မိန်းကလေးမွေးဖွားမည်ကို ယွီသုံမသိပါက သူမသည် အမြွာကိုယ်ဝန်ဆောင်ထားသည်ဟု ထင်မိမှာ အမှန်ပင်ဖြစ်သည်။
" ကလေးက နည်းနည်းထွားတယ်တဲ့! "
" ထွားတဲ့ကလေးတွေက အစားကြီးတယ်လို့ ငါကြားဖူးတယ်...ရှန်းရှောင်ယွဲ့ပြောတာတော့ သူအိပ်ပျော်နေတဲ့အချိန်ဆိုရင် နင် အောက်ထပ်မှာ အစားတွေ လှိမ့်စားနေတယ်ဆို...နောက်ဆုံးတစ်ခေါက် ငါတို့သွားစစ်ဆေးတုန်းက မွေးဖွားဖို့အတွက် ကလေးကအရမ်းထွားနေတယ်လို့ ဆရာဝန်က ပြောလိုက်တယ်နော်။နင် ကိုယ့်ကိုကိုယ်ထိန်းချုပ်ဖို့ လိုနေပြီ "
" ငါ အဆင်ပြေပါတယ် "
" သဘာဝအတိုင်းမွေးတာက ကလေးရဲ့ကျန်းမာရေးကို ကောင်းစေတယ်လို့ ဆရာဝန်ကမပြောဘူးလား? "အကယ်၍ ရှန်းရှောင်ယွဲ့သာ အတူတူရှိလျှင် ခွဲစိတ်၍မွေးဖွားခြင်းသည် အနာရွတ်ကျန်လိမ့်မည်ဟုဆိုကာ ယွီသုံ၏စကားကို သေချာပေါက် ထောက်ခံပေလိမ့်မည်။
" အေးပါ...ငါ အစားကိုလျော့စားပါမယ် "
သူမတို့လည်း စကားပြောရင်း ဓာတ်လှေကားထဲသို့ဝင်၍ ၅ထပ်မြောက်ရှိ ကလေးပစ္စည်းဆိုင်သို့ တက်လာခဲ့ကြသည်။ထို့နောက် ဆိုင်ထဲ၌ လှည့်ပတ်ကြည့်ရင်း ရန်ရှင်းရှင်းက သူမ၏ အနားသို့ကပ်ကာ ပြောလာခဲ့သည်။" ကလေးပစ္စည်းတွေက ဘာလို့ ဒီလောက်ဈေးကြီးရတာလည်း? "
မြင့်မားလှသည့်ဈေးနှုန်းကြောင့် ယွီသုံသည်ပင် အနည်းငယ်အံ့ဩသွားရသည်။
"ရေဘူး အရင်ဝယ်ကြရအောင်! "
ရန်ရှင်းရှင်းသည် ဈေးကြီးသည့်ရေဘူးအားယူ၍ ဈေးဝယ်ခြင်းထဲသို့ ထည့်လိုက်ပြီးနောက် ခြင်းထဲမှပစ္စည်းတစ်ခုကို ပြန်ထုတ်လိုက်သည်။
YOU ARE READING
Rebirth on the Doors to the Civil Affairs Bureau(ဘာသာပြန်)
RomanceI don't own this story and all credit to the author(s) and english translator(s)!!!
