Unicode
ရှဖန်အတွက် အချိန်မှန်အလုပ်ဆင်းရသည်မှာ ကြုံတောင့်ကြုံခဲလှသော်လည်း ယနေ့ညတွင်မူ ရှားရှားပါးပါး အခွင့်အရေးရလာလေသည်။ဘာကြောင့်မှန်းမသိသော်လည်း ယွီသုံအားတွေ့ရန် မစောင့်နိုင်တော့သောကြောင့် သူမ၏တိုက်ရိုက်ထုတ်လွှင့်မှုကို နားထောင်ရင်း အသံလွှင့်ရုံသို့မောင်းလာလိုက်သည်။
ယွီသုံသည် အစီအစဉ်၏အပိတ်စကားများကို ပြောဆိုပြီးသည့်နောက် ရှဖန်၏မျက်လုံးများမှာ ထိုအဆောက်အဦး၏တံခါး၌သာ ရစ်ဝဲနေလေတော့သည်။နောက်ဆုံး၌ လည်ပင်းတွင် လည်စည်းကိုပတ်ကာ လမ်းလျှောက်လာသည့် ယွီသုံကို ရှဖန် မြင်လိုက်ရသည်။
" ယွီသုံ! "ရှဖန် ကားထဲမှထွက်လာပြီး ယွီသုံအား ပြုံးပြကာ လက်ဝှေ့ရမ်းပြလိုက်သည်။
ပထမ၌ ယွီသုံမှာ သတိထား၍ ကြည့်နေသော်လည်း ရှဖန်မှန်း သိသွားသည့်အချိန်၌ သူ့ဆီသို့ ပြေးလာလေသည်။
" ဒီကို ဘယ်လိုလုပ်ပြီး ရောက်လာတာလည်း? "
" ကိုယ် မင်းကို လာမကြိုရတာ တော်တော်ကြာနေပြီလို့ တွေးမိသွားလို့ "အလျင်အမြန် ပြေးလွှားလာမှုကြောင့် သူမ၏လည်စည်း ပြေမကျခင် ရှဖန်က ပြန်ပြင်ပေးလိုက်သည်။
" နေ့တိုင်းလည်း ကျွန်မဘာသာ အလုပ်လာနေတာကို ရှင်က ကျွန်မကို ဘာလို့လာကြိုနေမှာလည်း? "
" ကိုယ်က ကြိုပေးချင်လို့လေ! "ယနေ့ညတွင် ရှဖန်၏မျက်ဝန်းများသည် အလွန်ကြင်နာနေပုံရသည်ဟု သူမထင်မိသည်မှာ မီးရောင်မှိန်မှိန်များကြောင့်လည်း ဖြစ်နိုင်လေသည်။
ရှဖန်သည် သူမကို ကြည့်နေသောကြောင့်လား (သို့မဟုတ်) ပတ်ဝန်းကျင်သည် တိတ်ဆိတ်ငြိမ်သက်နေသောကြောင့်လား မသိသော်လည်း ယွီသုံ အနည်းငယ် စိတ်မသက်မသာခံစားလာရသည်။ထို့ကြောင့် ခေါင်းကိုငုံ့၍ သူမ၏ရှူးဖိနပ်များနှင့် မြေကြီးကို ပွတ်တိုက်နေမိသည်။
အမျိုးသမီးတို့၏ ခံစားချက်များသည် ထူးဆန်းလှသည်။သူမတို့ ကြိုက်နှစ်သက်သည့်သူမဟုတ်ပါက ထိုလူအား ရဲရဲတင်းတင်းပင် ဆက်ဆံဝံ့ကြပြီး သူမတို့ သဘောကျနှစ်ခြိုက်သည့်သူဖြစ်ပါက ထိုလူ၏အရှေ့တွင် စိတ်လှုပ်ရှားကာ ရှက်ရွံ့တတ်ကြသည်။
KAMU SEDANG MEMBACA
Rebirth on the Doors to the Civil Affairs Bureau(ဘာသာပြန်)
RomansaI don't own this story and all credit to the author(s) and english translator(s)!!!
