Unicode
နိုးထလာသည့်အချိန်၌ ယွီသုံ ရှုပ်ထွေးနေလေ၏။သူမ၏ခေါင်းအုံးသည် မာကျော၍ အနည်းငယ်ထူးဆန်းနေသည်ဟုလည်း သူမ ခံစားနေမိလေသည်။ပို၍သက်တောင့်သက်သာဖြစ်စေရန်အတွက် လှည့်ရန်ကြိုးစားလိုက်သော်လည်း ပူနွေးပြီး တောင့်တင်းသည့်ရင်ဘတ်နှင့်သာ အမှတ်မထင် ပက်ပင်းတိုးလေသည်။
ယွီသုံလည်း ချက်ချင်းပင် တည်ငြိမ်အောင်ကြိုးစား၍ မျက်လုံးများသည့် နွေးထွေးသည့် လက်မောင်းတစ်လျှောက် ကြည့်မိလေသောအခါ ရှဖန်၏နူးညံ့ကြင်နာသည့် မျက်ဝန်းများကို တွေ့လိုက်ရသည်။
" မင်း နိုးလာပြီလား? "ရှဖန် ခေါင်းငုံ့၍ ယွီသုံ၏နဖူးကို လှမ်းနမ်းရင်း မေးလိုက်သည်။
ယွီသုံလည်း မျက်လုံးပုတ်ခတ်ပုတ်ခတ်လုပ်နေရင်း မနေ့ညက အဖြစ်အပျက်များကို ပြန်လည်တွေးတောမိသွားသည့်အခါ သူမ၏မျက်နှာမှာ တစ်ဖြည်းဖြည်းချင်း နီရဲလာသည်ကို ရှဖန်မြင်လိုက်ရသည်။
" Ah... "ယွီသုံ၏ရှက်ရွံ့နေသည့် အမူအရာကြောင့် ရှဖန်ရယ်လိုက်သည်။
" ရှင် ဘာရယ်တာလည်း? "ယွီသုံလည်း ရှက်ကိုးရှက်ကန်းဖြင့် ရှဖန်ပွေ့ဖက်ထားမှုမှ ရုန်းထွက်လိုက်သည်။သူမ ထထိုင်လိုသော်လည်း စောင်သည် လျောကျသွားသဖြင့် ရင်ဘတ်မှာ လှစ်ဟာသွားသည့်အခိုက် အန္တရာယ်ရှိကြောင်းအချက်ပေးသံနှင့်အတူ သူမ လှဲချလိုက်သည်။
သူ၏လက်မောင်းများအတွင်းမှ နူးညံ့သည့်ခန္ဓာကိုယ်လေးကို အလွန်အမင်း ကျေနပ်အားရရင်း ယွီသုံအားပွေ့ဖက်ထားသော ရှဖန်၏အပြုံးတို့သည် ပို၍ပင်တိုးလာလေသည်။
ယွီသုံ ဘာမှမပြောနိုင်ပေ။မနက်စောစော ထိုကဲ့သို့သော ရှက်ကိုးရှက်ကန်းအခြေအနေမျိုးတွင် ထွက်ပေါက်ရရန်အတွက် သူမ ရှဖန်၏ရင်ဘတ်ကို ကိုက်ရုံသာတတ်နိုင်တော့သည်။
" ရပ်လိုက်တော့...ဒီထက်ပိုပြီး ဒုက္ခရောက်အောင်မလုပ်နဲ့တော့။ကိုယ်တို့ညစာမှီအောင်သွားရမှာဆိုတော့ ထမှရမယ် ... "လာမည့်နှစ်ရက်အတွင်း၌ နှစ်သစ်ကူးတော့မည်ဖြစ်သောကြောင့် ရှဖန်နှင့်ယွီသုံသည် သူမ၏မွေးရပ်မြေသို့ ယနေ့ပြန်ရန် စီစဉ်ထားကြသည်။
YOU ARE READING
Rebirth on the Doors to the Civil Affairs Bureau(ဘာသာပြန်)
RomanceI don't own this story and all credit to the author(s) and english translator(s)!!!
