ဆယ်နှစ်ထက်မကမင်းကိုပိုပြီးချစ်ခဲ့ပါတယ်(MM Translation)Complete✔✔✔✔

EP1(U+Z)

...
EP1 ဆေးမှတ်တမ်းလေး တစ်ခု

.ကျစ်ရှုဆေးရုံမှ ထွက်လာချိန်တွင်
နှင်းများ ကျလျက်ရှိနေသည်။
နှုင်းမှုန်လေးများကလေထဲတွင်
ပျံ့လွင့်နေလျက်နှင်းပွင့်မှုန်လေးများက
သူ့ရဲ့ရှည်လျားသောမျက်တောင်လေးများပေါ်တွင်လာရောက်ခိုနားကာတဖြည်းဖြည်း ပင်အရည်ပျော်စေလျက်မျက်တောင်ဖျားလေးမှကျလာခဲ့သည်။ကျစ်ရှု မျက်တောင်လေးများကို ခတ်လျက် ဆောင်းရာသီတောင်ရောက်လာပြီဖြစ်ကြောင်းသူတွေးလိုက်မိသည်။

​ပေကျင်း၏ ဆောင်းရာသီက
အလွန်ပင်အေးလှပေသည်။
သို့သော်ဆောင်းရာသီ၏ အအေးဓာတ်ထက်
သူ့နှလုံးသားထဲတွင်ရှိနေသော အအေးဓာတ်ကသာလွန်လျက်ရှိနေခဲ့သည်။

ကျစ်ရှုခေါင်းကိုတစ်ချက်ခါလိုက်ပြီး
လည်ပင်းတွင်အလိုက်သင့်တင်ထားခဲ့သောပဝါကိုလည်ပင်းအားလုံအောင်ရစ်ပတ်လိုက်သည်။သူလက်၌ ချေမွထားဟန်ရှိသောကြောင့်ကြေမွနေသောစာရွက်လေးတစ်ခုကို ကိုင်ထားလျက်ရှိနေခဲ့သည်။ထိုစာရွက်လေးကားဆေးလက်မှတ်လေးတစ်ခုပင်။

သူသည်ဘတ်စ်ကားမှတ်တိုင်သို့သွားလျက်
ကားတစ်စီးစီးလာရန်ကို စောင့်နေခဲ့သည်။
သူ၏ လက်လေးများသည်အလွန်ပင်အေးနေသော်လည်းသူနှင့်ရင်းနှီးကျွမ်းဝင်သော
နံပါတ် တစ်ခုကိုနှိပ်ကာ ဖုန်းခေါ်နေခဲ့သည်။
အချိန်တွေသာကြာသွားခဲ့သည်တိုင်
သူဆက်သွယ်နေသောဖုန်းက
ပြန်လည်ဖြေကြားခြင်းမရှိခဲ့သောကြောင့်
သူအလွန်ပင်စိတ်ပျက်သွားခဲ့သည်။
သူထပ်ကာထပ်ကာဖုန်းခေါ်ခဲ့သော်လည်း
ထိုအရာကအချည်းနှီးသာပင်။

ကျစ်ရှုသည် သူချေမွထားသောစာရွက်အားတစ်ချက်မျှကြည့်ကာစိတ်ပျက်လက်ပျက်ဖြင့်သူ့ဘေးတွင်ရှိသောအမှိုက်ပုံးထဲသိူ့
ပစ်ထည့်လိုက်သည်။နာရီဝက်ခန့်အကြာတွင်
ဘတ်စ်ကားသည် နောက်ဆုံးတွင်ရောက်လာလေသည်။သူသည်ဘတ်စ်ကားပေါ်တက်ပြီး ပြတင်းပေါက်ဘေးထိုင်ခုံတွင် ထိုင်လိုက်သည်။ဘတ်စ်ကားပေါ်မှ တိတ်ဆိတ်လျက်ရှိနေသောလူများစွာသည်လည်းသူရင်ထဲတွင်ရှိနေသော စိုးရိမ်မှုများနှင့်ပူလောင်ခြင်းများကိုဖြေလျော့ပေးနိုင်လိမ့်မည်မဟုတ်ခဲ့။
သူသည်ပြတင်းပေါက်မှန်ကိုနဖူးဖြင့်ထိလျက်မှီကာဖုန်းနံပါတ်တစ်ခုအားထပ်မံခေါ်ဆိုခဲ့ပြန်သည်။ဒီတစ်ခေါက်မှာတော့တစ်ဖက်မှ ဖြေကြားလာလေသည်။