ဆယ်နှစ်ထက်မကမင်းကိုပိုပြီးချစ်ခဲ့ပါတယ်(MM Translation)Complete✔✔✔✔

EP31(U+Z)

EP31ဒေါက်တာအိုက်၏ချစ်စကား

ကျန်းဝမ်ရွှီသည် ခုရက်ပိုင်း သူ၏ ရှုပ်ပွေမှုများကိုရပ်တန့်ထားပုံရနေသည်။
ကျစ်ရှု၏ အမြင်တွင် အနည်းဆုံးတော့
သူ အိမ်ပြန်လာရန် သိတတ်နေသည်ဟု
တွေ့မြင်လာရသည်။အချိန်မှီပုံမှန်
အလုပ်သွားပြီး အိမ်သို့ မည်မျှ ပင်
နောက်ကျစေကာမူ အိမ်ပြန်လာလေ့
ရှိနေခဲ့လေသည်။

ဟယ်ကျစ်ရှု၏ ရောဂါအခြေအနေသည်
ယခင်အတိုင်းပင်ရှိနေခဲ့ရင်းအရမ်း လဲ ကောင်းလာခြင်းမရှိသလိုထိန်းချုပ်နိုင်
သည်ဟုလည်း မဆိုနိုင်ရှိနေခဲ့ရသည်။
ကျစ်ရှုသည် ဆေးရုံသို့ အကြိမ်ကြိမ်
သွားခဲ့သည်တိုင်အောင်ဒေါက်တာအိုက်
သည် သူ့ကိုပင်တမင်ရှောင်နေခဲ့သည်
ကိုတွေ့ခဲ့ရလေသည် ။

ဟယ်ကျစ်ရှုသည် အိုက်ကျိယွီ
အလုပ်များနေသည်ဟုသာ
သဘောပိုက်ထားရင်း သူ၏ဆရာဝန်
ပြောင်းလဲမှုနှင့် ပတ်သက် ပြီး
များစွာ စောဒက မတက်မိခဲ့ပေ။
သို့သော် အိုက်ကျိယွီသည် ရုံးခန်းမှ
အထွက် သူ့အားမမြင်ချင်ယောင်
ဆောင်သွားခဲ့သောအခါမှသာ
သူတခုနားလည်ခဲ့သည်ကား
ဒေါက်တာအိုက်ကသူ့အားတမင်ရှောင်နေခြင်းဖြစ်သည်ကိုပင်ဖြစ်လေသည်။

ဟယ်ကျစ်ရှုသည် ဘာကြောင့် ပင်
အိုက်ကျိယွီသည် သူ့အပေါ်
စိမ်းကားသွားသည်ကို နားမလည်ခဲ့ပေ။
သူထင်မြင်ခဲ့သည်က ဒေါက်တာအိုက်သည်
အမြဲလို ဂရုစိုက် နွေးထွေးပေးခဲ့သည်။
ထိုတစ်ခုဖြင့်ပင် သူတို့နှစ်ဦး အခင်မင်ဆုံး
သူငယ်ချင်းများအ ဖြစ်သတ်မှတ်လို့
ရနိုင်ပေသည်။ သို့သော် ဘာအကြောင်းကြောင့်များ ဒေါက်တာအိုက်သည်
သူ့အပေါ် အေးစက်သွားရပါသနည်း။
ကျစ်ရှုသည် လူတို့၏ ခံစားချက်များနှင့်
လူတချို့ကို ရှုပ်ထွေးမှုများကြောင့်ပင်
နားမလည်နိုင်ဖြစ်လျက်ရှိ နေခဲ့ရလေသည်။

ဟယ်ကျစ်ရှုသည် ဓာတုကုထုံးအတွက်
ဆေးရုံသို့လာခဲ့ရသည်။ယခု တစ်ခေါက်သည် ဒီလ၏ 3ကြိမ်မြောက်ဖြစ်ပြီး
မည်သူမှ သူ့ဘေးမှာရှိမနေခဲ့ဘဲ
သူတစ်ယောက်ထဲသာကုသမှုကို
ခံယူ ခဲ့ရသည်။

ဓာတုကုထုံးသည် အလွန်ပင်ကြာမြင့်ပြီး
ယခင်ထက်ပင် ပိုမို၍ နာကျင်ရသော
ကြောင့်သူ၏ မှတ်ညာဏ်များသည်
လက်ရှိ ဖြစ်ပျက်နေသော ဆောင်းရာသီ၏
အလွန်ပင် အေးချမ်းမှုနှင့် လေတိုက်နှုန်း
ပြင်းထန်နေသည်ကိုလည်း သူမသိနိုင်
သူသိသည်က မီးခိုးရောင်ကောင်းကင်
အဖြစ် မြင်နေသော ဆေးရုံ၏မျက်နှာကျက်
ဖြူဖြူရှိ နှင်းမှုန် လေးများပင် ဖြစ်လေသည်။